Friday, September 27, 2019

 ပြည်ပရောက်မြန်မာနိုင်ငံသားများ၏ အကျိုးစီးပွားကာကွယ်မြှင့်တင်မှုနှင့်

နိုင်ငံသားဟောင်းများ၏ စွမ်းအားများပါဝင်လာစေရေး ဦးတည်ဆောင်ရွက် မည့် ရက် ၁ဝဝ ■

▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

မေ ၂၇

လွတ်လပ်ရေးဖခင် ဗိုလ်ချုပ်အောင်ဆန်းမှစတင်ကာ ပြည်ထောင်စု ဝန်ကြီးဒေါ်အောင်ဆန်းစုကြည်အထိအစဉ်အဆက် နိုင်ငံ့တာဝန်ထမ်းဆောင်ခဲ့ကြသော နိုင်ငံခြားရေးဝန်ကြီးဌာန ဝန်ကြီးများ၏ မှတ်တမ်းဓာတ်ပုံများ စီရရီချိတ်ဆွဲထားသည် ကို နိုင်ငံခြားရေးဝန်ကြီးဌာန၌ တွေ့ရှိရသည်မှာ သမိုင်းစာမျက်နှာတစ်ခုကို လှစ်ဟပြသနေသကဲ့သို့ပင်။

ကမ္ဘာကြီးနှင့်ချိတ်ဆက်ကာ နိုင်ငံအတွက်အကျိုးဆောင်ပေးရသည့် နိုင်ငံခြားရေးဝန်ကြီးတာဝန်ကို ထမ်းဆောင်သော ဝန်ကြီးများတွင် လက်ရှိတာဝန် ယူနေသည့် ပြည်ထောင်စုဝန်ကြီး ဒေါ်အောင်ဆန်း စုကြည်သည် မြန်မာနိုင်ငံ၏ ပထမဦးဆုံး အမျိုးသမီးနိုင်ငံခြားရေးဝန်ကြီးဖြစ်သည်။

ပြည်ပရောက်နိုင်ငံသားများအတွက် သံရုံးများသည် အားကိုးအားထားရာ မိဘအိမ်ရိပ်သဖွယ် ပြောင်းလဲ ဖြစ်ပေါ်လာစေရန်နှင့် ပြည်ပရောက် မြန်မာနိုင်ငံ သားများ၏ အကျိုးစီးပွား ကာကွယ်မြှင့်တင်ရေးကို တွန်းအားပေးဆောင်ရွက်သွားရန် ပြည်ထောင်စုဝန်ကြီးက လမ်းညွှန်မှာကြားထားကြောင်း နိုင်ငံခြားရေး ဝန်ကြီးဌာနမှ သိရသည်။

သံရုံးများသည် မိဘအိမ်ရိပ်သဖွယ် ပြည်ပရောက် မြန်မာနိုင်ငံသားများ အားကိုးအားထားရာအဖြစ် ကြိုးပမ်း ဖော်ဆောင်သွားမှုနှင့်အတူ ပြည်ပရောက်နိုင်ငံသားများသည် သက်ဆိုင်ရာအိမ်ရှင်နိုင်ငံ၏ ဥပဒေနှင့်အညီ အခွင့်အရေးများ အပြည့်အဝရရှိရန်အတွက် နိုင်ငံခြားရေး ဝန်ကြီးဌာနက ရက် ၁ဝဝ အတွင်း ဦးစားပေး ဆောင်ရွက်သွားမည်ဖြစ်သည်။

ထို့အတူ ပြည်ပရောက်မြန်မာနိုင်ငံသားများအနက် ရာဇဝတ်မှုကင်းရှင်းပြီး ယုံကြည်ချက်ကြောင့် သို့မဟုတ် နိုင်ငံရေးလှုပ်ရှားမှုကြောင့် အမည်မည်း စာရင်း(Black List) ထည့်သွင်းခံထားရသူများကို အမည်မည်း စာရင်းမှ ထုတ်ပယ်နိုင်ရေး၊ မြန်မာနိုင်ငံသားဟောင်းများ၏ စွမ်းအားအရင်းအမြစ် များကို နိုင်ငံ တည်ဆောက်ရေးတွင် ပါဝင်လာစေရန် ပြည်ဝင်ဗီဇာလွယ်ကူ စွာ ရရှိရေး၊ ပြည်တွင်း နေထိုင်ခွင့်ပိုမိုရရှိရေး တို့ကို ရက် ၁ဝဝ အတွင်း ဦးစားပေး ဆောင်ရွက်သွားမည်ဖြစ်ကြောင်း နိုင်ငံခြားရေးဝန်ကြီးဌာနမှ သိရသည်။

ထိုအကြောင်းကို ဒုတိယဝန်ကြီး ဦးကျော်တင်က ''ပြည်ပရောက် မြန်မာနိုင်ငံ သားတွေရဲ့ အကျိုးစီးပွား ကာကွယ်မြှင်‌့တင်ဖို့အတွက် ကျွန်တော်တို့ ဝန်ကြီး ဌာနရဲ့ မြန်မာသံရုံး/အဖွဲ့ရုံး/ကောင်စစ်ဝန်ချုပ်ရုံးတွေက ပိုပြီးတော့ လျင်လျင်မြန်မြန် လွယ်လွယ်ကူကူနဲ့ ဆောင်ရွက်ပေးသွားမှာ ဖြစ်ပါတယ်။

ပြည်ပမှာ လက်ရှိတာဝန်ထမ်းဆောင်နေ ကြတဲ့ မြန်မာသံအမတ်ကြီးတွေ၊ သံရုံးအကြီးအကဲတွေကိုလည်း နေပြည်တော်မှာပဲ ဖြစ်ဖြစ်၊ ပြည်ပမှာ ပဲဖြစ်ဖြစ် မကြာခင် စုပေါင်းခေါ်ယူတွေ့ဆုံပြီးတော့ ပြည်ပရောက် မြန်မာနိုင်ငံ သားတွေရဲ့ တရားဝင်အကျိုးစီးပွားတွေ ကာကွယ်ပေးဖို့၊ အစိုးရသစ်ရဲ့ ပြောင်းလဲလာတဲ့မူဝါဒ တွေ အသိပေးပြောကြားဖို့နဲ့ အမြင်ချင်းဖလှယ်ဖို့ ဆောင်ရွက်သွားမှာဖြစ်ပါတယ်။

မြန်မာနိုင်ငံသားဟောင်းတွေရဲ့ အတွေ့အကြုံနဲ့ နည်းပညာစွမ်းအားစုတွေ ကိုလည်း မြန်မာနိုင်ငံရဲ့ တည်ဆောက်ရေး လုပ်ငန်းတွေမှာ တိုးမြှင့်ပါဝင် လာကြစေဖို့၊ ပြည်ဝင်ဗီဇာ ပိုမိုလွယ်ကူစွာရရှိဖို့နဲ့ ပြည်တွင်း နေထိုင်ခွင့် ပိုပြီးရရှိဖို့ လုပ်ထုံးလုပ်နည်းတွေကို သိသိသာသာ ဖြေလျှော့ဆောင်ရွက်မှာ ပါ။ ကိုယ်ရေးရာဇဝင် အရှည်ကြီးတွေ ဖြည့်ရတာမျိုးတွေကို တစ်မျက်နှာလောက် လွယ်လွယ်ကူကူ ဖြည့်စွက်နိုင်ဖို့၊ လူမှုရေး ဗီဇာနဲ့ ပြည်ဝင်ခွင့် ၂၈ ရက်သာခွင့်ပြုတာမျိုးကို သုံးလကနေ ခြောက်လအထိ တိုးမြှင့်နေထိုင်ခွင့်ရဖို့ ညှိနှိုင်း ဆောင်ရွက်နေပါတယ်။ Brain drain ကနေ Brain gain အသွင်ပြောင်းနိုင်ဖို့ ကြိုးပမ်းဆောင်ရွက်ပါတယ်။

ပြစ်မှုကျူးလွန်ခြင်းမရှိဘဲနဲ့ နိုင်ငံရေး ယုံကြည်ချက်ကြောင့် အမည်မည်း စာရင်း တင်သွင်းခံရပြီးတော့ ပြည်ပြန်ခွင့် ပိတ်ပင် တားမြစ်ခံ ထားရတဲ့ကိစ္စတွေ ဖယ်ရှားပေးနိုင်ဖို့ ရက် ၁ဝဝ အတွင်း ထိရောက်တဲ့ ပြုပြင် ပြောင်းလဲမှုကို လုပ်ဆောင်သွားမှာဖြစ်ပါတယ်။

မြန်မာနိုင်ငံမှာရှိတဲ့ နိုင်ငံခြားသံအမတ်ကြီးတွေ၊ ကုလသမဂ္ဂနဲ့ အပြည်ပြည် ဆိုင်ရာအဖွဲ့အစည်း အကြီးအကဲတွေအနေနဲ့ ပြည်တွင်းခရီး သွားလာတဲ့ ကိစ္စ၊ ပြည်ဝင်ဗီဇာ၊ ပြည်နေခွင့် ဒါတွေကိုလည်း ပြန်လည်သုံး သပ် ဖြေလျှော့ပေး ဖို့ လည်း ဆောင်ရွက်သွားမှာဖြစ်ပါတယ်'' ဟု ပြောကြား သည်။

လက်ရှိအချိန်ထိ မြန်မာနိုင်ငံနှင့် နိုင်ငံ ပေါင်း ၁၁၆ နိုင်ငံမှာ သံတမန် ဆက်ဆံရေး ထူထောင်ထားပြီး လာမည့် ရက် ၁ဝဝ အတွင်း အာရပ်စော် ဘွား များ ပြည်ထောင်စု၊ ဒိုမီနီကန် သမ္မတနိုင်ငံ၊ လက်ဘနွန်နိုင်ငံ၊ ဂီနီနိုင်ငံ၊ ကုတ်ဒီဗွားသမ္မတနိုင်ငံ၊ အီကွေဒေါသမ္မတ နိုင်ငံနှင့် ဆေးရှဲလ် သမ္မတနိုင်ငံတို့နှင့် သံတမန် ဆက်ဆံရေးတိုးချဲ့ထူထောင်နိုင်ရန် ညှိနှိုင်း လျက်ရှိကြောင်း သိရသည်။

ထိုသို့ သံတမန်ဆက်သွယ်မှု တိုးတက် များပြားလာချိန်တွင် အရည်အချင်းနှင့် ကျွမ်း ကျင်မှု ပြည့်ဝသည့် သံတမန်ကောင်းများ ပေါ်ထွန်းလာစေ ရန် လေ့ကျင့်ပျိုးထောင်ပေးမည့် Diplomatic Academy တည်ထောင်ရေး ကို ဆောင်ရွက်သွားမည်ဖြစ်သည်။ Diplomatic Academy တည်ဆောက်ရေး အတွက် ပြည်ပမှ ကျွမ်းကျင်သူများဖိတ်ခေါ်၍ အလုပ်ရုံ ဆွေးနွေးပွဲကို ရက် ၁ဝဝ အတွင်း ဆောင်ရွက် သွားမည်ဖြစ်သည်။

အမျိုးသားအကျိုးစီးပွားအတွက် ကမ္ဘာ့နိုင်ငံအားလုံးနှင့် ချစ်ကြည်ရင်းနှီးမှုနှင့် ပူးပေါင်းဆောင်ရွက်မှု မြှင့်တင်ရေးသည် နိုင်ငံခြားရေးဝန်ကြီးဌာန၏ အဓိကလုပ်ငန်းစဉ်များတွင် ပါဝင်နေပြီး ''အိမ်နီးချင်း နိုင်ငံတွေနဲ့သာမက ကမ္ဘာ့နိုင်ငံတွေအားလုံးနဲ့ ချစ်ကြည် ရင်းနှီးမှုနဲ့ ပူးပေါင်းဆောင်ရွက်မှုတွေ မြှင့်တင်ဖို့ အတွက် နိုင်ငံခေါင်းဆောင်တွေ အပြန်အလှန် ချစ်ကြည်ရေး ခရီးသွားရောက်တာဟာ အခြေခံလိုအပ်ချက် ဖြစ်ပါတယ်။ ဒါကြောင့် အစိုးရသစ်တာဝန်ယူပြီး ရက်ပိုင်းအတွင်းမှာပဲ ရပ်ဝေးရပ်နီးနိုင်ငံတွေက ချစ်ကြည်ရေး ခရီးစဉ်တွေကို စတင်လက်ခံဆောင်ရွက်ပေး ခဲ့ပြီး နောက်ထပ်ခရီးစဉ်တွေကို ဆက်လက် ညှိနှိုင်း စီစဉ်ပေးသွားမှာ ဖြစ်ပါတယ်။

နိုင်ငံတော်သမ္မတရဲ့ ပထမဆုံးပြည်ပခရီးစဉ်အဖြစ် အာဆီယံအလှည့်ကျ ဥက္ကဋ္ဌဖြစ်တဲ့ လာအိုနိုင်ငံကို ပြီးခဲ့တဲ့ မေ ၆ ရက်က သွား ရောက်ခဲ့ပါတယ်။ ဒီခရီးစဉ်ဟာ လာအိုနဲ့ ချစ်ကြည်ရေးမြှင့်တင်ရုံသာမက အာဆီယံနဲ့ ဆက်ဆံရေးကို အလေးထားတဲ့ ကျွန်တော်တို့ မူဝါဒကိုလည်း ထင်ဟပ်ပြသနိုင်ခဲ့ပါတယ်။

မေလအတွင်း အာဆီယံ-ရုရှား ထိပ်သီး အစည်းအ‌ဝေးတက်ရောက်ဖို့ ရုရှားနိုင်ငံကို နိုင်ငံတော်သမ္မတ မေ ၁၈ ရက်ကနေ ၂၂ ရက်ထိ သွားရောက်ခဲ့ပြီး ရုရှားသမ္မတပူတင်နဲ့ တွေ့ဆုံဆွေးနွေးခဲ့ပါတယ်။

အမေရိကန်ပြည်ထောင်စု နိုင်ငံခြားရေး ဝန်ကြီးကလည်း မြန်မာနိုင်ငံ အစိုးရသစ်ကို ထောက်ခံအားပေးမှုကို ပြသတဲ့အနေနဲ့ မြန်မာနိုင်ငံကို မေ ၂၂ ရက်က လာရောက်ခဲ့ပါတယ်။ မြန်မာနိုင်ငံမှာ စိန်ခေါ်မှုများစွာ ကျန်ရှိနေသေးပေမယ့် အမေရိကန်က မြန်မာနိုင်ငံအပေါ် ချမှတ်ထားတဲ့ ပိတ်ဆို့ကန့်သတ်မှုတွေအနက် စီးပွားရေးတိုးတက်မှုအပေါ် အဟန့်အတားဖြစ်နေတဲ့ ကန့်သတ်ပိတ်ဆို့မှုတွေကို ဖယ်ရှားပေး လိမ့်မယ်လို့ မျှော်လင့်ရပါတယ်။

ပထမတစ်လအတွင်းမှာ တရုတ်၊ အီတလီ၊ ကနေဒါ၊ ဂျပန်၊ ထိုင်း စတဲ့နိုင်ငံတွေက နိုင်ငံခြားရေး ဝန်ကြီးတွေနဲ့ ဆွီဒင်နိုင်ငံ နိုင်ငံတကာ ဖွံ့ဖြိုးတိုးတက်မှုပူးပေါင်းဆောင် ရွက်ရေးဝန်ကြီးတို့ရဲ့ ခရီးစဉ်တွေကို စီစဉ်ပေးနိုင်ခဲ့ပါတယ်။ သူတို့က ကျွန်တော်တို့နိုင်င အတွက် ဘက်ပေါင်းစုံက ကူညီပံ့ပိုးမှုတွေ၊ ငွေကြေး အကူအညီနဲ့ နည်းပညာအကူအညီတွေ ကူညီပံ့ပိုးပေးဖို့ ကတိပြုပြောကြားသွားကြတာတွေ ရှိပါတယ်။

ဒါ့အပြင် မြန်မာနိုင်ငံသားတွေအကျိုး၊ အထူးသဖြင့် ပြည်ပရောက် မြန်မာနိုင်ငံ က အလုပ်သမားတွေ၊ ရွှေ့ပြောင်းနေထိုင်ကြသူတွေရဲ့ အခွင့်အရေးတွေကို ကာကွယ်မြှင့်တင် ပေးနိုင်ဖို့ အိမ်နီးချင်းနိုင်ငံတွေကို သွားရောက် ဆွေးနွေးမှာ ဖြစ်ပါတယ်။

စီးပွားရေးပူးပေါင်း ဆောင်ရွက်မှုများတဲ့ စင်ကာပူလို အာဆီယံ နိုင်ငံတွေနဲ့ ချစ်ကြည်ရေးခရီး အပြန်အလှန် လည်ပတ်မှုတွေဖြစ်မြောက်ဖို့ ညှိနှိုင်းဆောင် ရွက်နေပါတယ်။

လုံခြုံရေးအရ ခရီးစဉ်တွေအားလုံးကို ကြိုတင်ပြောကြားလို့မရပေမယ့် ဒီလို ခရီးစဉ်တွေ ကနေတစ်ဆင့် ချစ်ကြည်ရင်းနှီးမှုနဲ့ ပူးပေါင်းဆောင်ရွက် မှုတွေမြှင့် တင်ဖို့ ရက် ၁ဝဝ အတွင်း ဆောင်ရွက်သွားမှာ ဖြစ်ပါတယ်''ဟု ဒုတိယ ဝန်ကြီးက ပြောကြားသည်။

ယခုအစိုးရသစ်လက်ထက် အသွင်ကူးပြောင်းရေးလုပ်ငန်းများ တွင် နိုင်ငံတကာ အသိုက်အဝန်းက ကူညီ ပံ့ပိုးမှုများပေးအပ်ရန် အထူး စိတ်အား ထက်သန်လျက်ရှိကြပြီး နိုင်ငံအတွင်း အမှန်တကယ် လိုအပ်သည့် နေရာများတွင် ကူညီပံ့ပိုးပေးနိုင်ရေးအတွက် အမျိုးသား အလှူရှင်များ ညှိနှိုင်းရေးကော်မတီကို ဖွဲ့စည်း သွားမည်ဖြစ်ကြောင်း သိရသည်။

မြန်မာနိုင်ငံအနေဖြင့် ငြိမ်းချမ်းစွာ အတူယှဉ်တွဲနေထိုင်ရေးမူကြီး ၅ ရပ်နှင့် အညီ ကမ္ဘာ့ နိုင်ငံအားလုံးနှင့် ချစ်ကြည်ရင်းနှီးသည့် ဆက်ဆံရေး၊ အိမ်နီးချင်းနိုင်ငံများနှင့်လည်း မိတ်ဝတ်မပျက်သည့် နှစ်နိုင်ငံအကြား ဆက်ဆံရေးကို ဖော်ဆောင်မည်ဖြစ်သည်။

မြန်မာနိုင်ငံသည် လူ့အခွင့်အရေးနှင့် ပတ်သက်၍ နိုင်ငံတကာ မျက်နှာစာ တွင် ဝေဖန် ဖိအားပေးမှုများကို ယခုအထိ ရင်ဆိုင်နေခဲ့ရပြီး လူ့အခွင့် အရေးနှင့် ပတ်သက်သည့် နိုင်ငံတကာ ချဉ်းကပ်ဆောင်ရွက်မှုကို ထိပ်တိုက်ရင်ဆိုင်မှုအစား ထိတွေ့ပူးပေါင်းမှုပုံစံဖြင့် ပြောင်းလဲဆောင်ရွက် သွားမည်ဖြစ်ကြောင်း သိရသည်။

လူ့အခွင့်အရေးဘက်တွင် မိမိတို့အားနည်းချက်များ အပေါ် ဝေဖန်‌ပြောကြား လာမှုများကို အလေးပေး နားထောင်ရန်၊ မိမိတို့ပြည်သူများကို လူ့အခွင့်အရေး မြှင့်တင်ရေးအတွက် ကြိုးပမ်းပေးလိုသူအဖြစ် လက်ကမ်း ကြိုဆိုကြရန်၊ လူ့အခွင့်အရေးဆိုင်ရာ စိန်ခေါ်မှုများအား မိမိတို့ဖြေရှင်းရာ တွင် ရင်ဆိုင်နေရသည့် အခက်အခဲများ၊ အကဲဆတ်မှုများကို နိုင်ငံတကာမှ နားလည်မှုရရှိလာစေရေးအတွက် မိတ်ဆွေ နိုင်ငံများကို စည်းရုံးခြင်း၊ အမြင်မကြည်လင် သူများကို မိတ်ဆွေများဖြစ်လာစေရန်နှင့် မိမိအတွက် အင်အား တစ်ရပ်ဖြစ်လာစေရန် ဆွဲဆောင်စည်းရုံးခြင်းများ ပြုလုပ်သွားမည့် ချဉ်းကပ်မှုပုံစံသစ်ဖြင့် ဆောင်ရွက်သွားကြရန် ပြည်ထောင်စု ဝန်ကြီး ဒေါ်အောင် ဆန်း စုကြည် က တိုက်တွန်းမှာကြားထားသည်။

ထို့ပြင် လက်နက်ကိုင်ပဋိပက္ခဖြစ်ပွားရာ ဒေသများတွင် အရွယ်မရောက်သေး သည့် ကလေးသူငယ်များ အား စုဆောင်းအသုံးပြုမှု၊ အဓမ္မခိုင်းစေမှု၊ လိင်ပိုင်းဆိုင်ရာအကြမ်းဖက်မှု အပါအဝင် တိုင်းရင်းသား လူနည်းစုများ အပေါ် ကျူးလွန်သည့်ကိစ္စများနှင့် ရခိုင်ပြည်နယ်ရှိ လူ့အသိုင်းအဝိုင်း များအကြား တင်းမာမှုများ ဖြစ်ပွားနေသည့်ကိစ္စတို့နှင့် ပတ်သက်သည့် လူ့အခွင့်အရေးအခြေအနေဆိုင်ရာ စိန်ခေါ် မှုများ ကို မြန်မာနိုင်ငံအနေဖြင့် ရင်ဆိုင်နေရဆဲ ဖြစ်သည်။

ကလေးသူငယ်များ စုဆောင်းအသုံးပြုမှု နှင့်ပတ်သက်၍ မြန်မာ့တပ်မတော် အား ကုလသမဂ္ဂ အတွင်းရေးမှူးချုပ်၏ အစီရင်ခံစာတွင် ထည့်သွင်းခံထားရ မှုမှ ပယ်ဖျက်ပေးရန် ရည်မှန်းချက်ထားလျက် နိုင်ငံခြားရေးဝန်ကြီးဌာန၊ သက်ဆိုင်ရာဌာနများ၊ ကုလသမဂ္ဂအဖွဲ့အစည်းများနှင့် ပူးပေါင်းဆောင် ရွက် နေ မှုများကို ပိုမို အရှိန်အဟုန်မြှင့် ဆောင်ရွက်သွား မည်ဖြစ်ကြောင်း သိရှိရပြီး အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာကွယ်တားဆီးထိန်းသိမ်းရေးကော်မတီကို ပြီးခဲ့သည့်ရက်ပိုင်း အတွင်းက ဖွဲ့စည်းခဲ့ပြီး ဖြစ်သည်။

ထို့ပြင် ကတိကဝတ်ပြုပါဝင်ဆောင်ရွက် ရန်ရှိသည့် လူ့အခွင့်အရေးနှင့် လက်နက်ဖျက် သိမ်းရေးဆိုင်ရာ အပြည်ပြည်ဆိုင်ရာ ကွန်ဗင်းရှင်း စာချုပ်များအား လက်မှတ်ရေးထိုး သွားမည်ဖြစ်ပြီး မကြာမီကာလ အတွင်း နျူကလီးယားစမ်းသပ်ဖောက်ခွဲမှု အလုံးစုံတားဆီး ပိတ်ပင်ရေး စာချုပ်(CTBT)သို့ လည်းကောင်း၊ လက်နက်ကိုင် ပဋိပက္ခများအတွင်း ကလေး သူငယ်များ ပါဝင်ပတ်သက်မှုဆိုင်ရာ နောက် ဆက်တွဲ အခြေပြစာချုပ်(Optional Protocol to the Convention on the Rights of the Child on the Involvement of Children in Armed Conflict)သို့ လည်းကောင်း အတည်ပြုပါဝင်ရေးအတွက် လိုအပ်သည့် လုပ်ငန်းစဉ်အဆင့်ဆင့်ကို စတင်ဆောင်ရွက် သွားရန် ရည်မှန်းထားသည်။

အချုပ်အားဖြင့်ဆိုရသော် ''လွတ်လပ်၍တက်ကြွပြီး ဘက်မ လိုက်သော နိုင်ငံခြားရေးမူဝါဒ'' နှင့် ငြိမ်းချမ်းစွာ အတူယှဉ်တွဲနေထိုင်ရေး မူကြီး ၅ ရပ်အပေါ်အခြေခံ၍ နိုင်ငံခြား ရေးဝန်ကြီးဌာနအနေဖြင့် အိမ်နီးချင်း နိုင်ငံများ၊ အာဆီယံနိုင်ငံများနှင့်သာမက ကမ္ဘာ့နိုင်ငံများ အားလုံးနှင့် ပိုမိုပွင့်လင်းစွာဖြင့် ချစ်ကြည် ရင်းနှီးစွာဆက်ဆံ သွားရန်၊ နိုင်ငံ တကာ ပူးပေါင်းဆောင်ရွက်မှုအခန်းကဏ္ဍကို အလေးထားပြီး ကမ္ဘာ့လူသား အားလုံးအတွက် အေးချမ်းသာယာသည့် လူမှုဘဝတည်ဆောက်ရန်၊ ပုဂ္ဂိုလ်ရေးရင်းနှီးသည့် ဆက်ဆံရေး နှင့် ပြည်သူများအချင်းချင်းဆက်ဆံရေး (people to people relations)ကို အခြေပြုဆောင် ရွက်ရန်၊ နိုင်ငံတော် တည်ဆောက်ရေး၊ ဖွံ့ဖြိုးတိုးတက်ရေးအတွက် လိုအပ်သည့်အကူအညီ များရရှိရေးအတွက် နိုင်ငံတကာနှင့် ပူးပေါင်း ဆောင်ရွက်သွားရန်၊ မတူကွဲပြားခြားနားမှုများ အတွင်း ညီညွတ်မှု(unity in diversity) ရရှိရေးထက် သဟဇာတရှိရှိ သင့်မြတ်စွာနေထိုင်ခြင်းဖြင့် မတူကွဲပြားမှုမှ အကျိုးစီးပွား ဖြစ်ထွန်းမှု (harmony and interests from diversity) ရရှိအောင်ဆောင်ရွက်ရန်အတွက် ကုသလမဂ္ဂ ပဋိညာဉ်စာတမ်းပါ အခြေခံမူကြီးများ လေးစားလိုက်နာပြီး နိုင်ငံတကာပြဿနာရပ်များကို ဖြေရှင်းရာတွင် အပြန်အလှန် နားလည်ညှိနှိုင်းမှုများဖြင့် ကြိုးပမ်းဆောင်ရွက် သွားမည်ဖြစ်သည်။







Friday, September 9, 2016

ပြည်ထောင်စုရှေ့နေချုပ်ရုံး၏ ရက် (၁၀၀) စီမံချက် အကောင်အထည်ဖော် ဆောင်ရွက်မှုများ




























အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၏ ရက် (၁၀၀) စီမံချက် အကောင်အထည်ဖော် ဆောင်ရွက်မှုများ







ပြည်ထောင်စုရာထူးဝန်အဖွဲ့၏ ရက် (၁၀၀) စီမံချက် အကောင်အထည်ဖော် ဆောင်ရွက်မှုများ

























































ပြည်ထောင်စုစာရင်းစစ်ချုပ်ရုံး၏ ရက် (၁၀၀) စီမံချက် အကောင်အထည်ဖော် ဆောင်ရွက်မှုများ