Wednesday, May 25, 2016

စက်မှုကဏ္ဍဖွံ့ဖြိုးရေးနှင့်အတူ ပြည်သူ့အတွက် တိုက်ရိုက်အကျိုးရှိစေမည့် ရက် ၁၀၀ စီမံချက်

မေ ၂၄
စားသောက်ကုန်၊ အထည်အလိပ် ဆေးဝါးနှင့်အခြားလူသုံးကုန် ပစ္စည်းများကိုလည်းကောင်း သယ်ယူပို့ ဆောင်ရေးကဏ္ဍ၊ လယ်ယာကဏ္ဍ၊ စက်မှုကဏ္ဍတို့တွင် လိုအပ်သည့် မော်တော်ယာဉ်အမျိုးမျိုးနှင့် ဆက်စပ် ပစ္စည်းများ၊ ဆောက်လုပ်ရေးလုပ်ငန်းသုံး ယာဉ်ယန္တရားနှင့် ဘိလပ်မြေများ၊ လယ်ယာသုံး စက်ကိရိယာ ပစ္စည်းများ၊ လျှပ်စစ်နှင့်ပတ်သက်သည့် ပစ္စည်းများကို စက်မှုဝန်ကြီး ဌာနက ထုတ်လုပ်ဖြန့်ဖြူးပေးလျက်ရှိသည်။
ထို့အပြင် ရက်ပေါင်း ၁၀၀ အတွင်း စက်ရုံအလုပ်ရုံများဖွင့်လှစ်ခြင်း၊ စက်မှုကဏ္ဍ ဖွံ့ဖြိုးတိုးတက်ရေး၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေး၊ အလုပ်အကိုင်အခွင့်အလမ်း များ တိုးတက်ရရှိရေး၊ စွမ်းအင်ချွေတာထိန်းသိမ်း ရေးနှင့် သဘာဝပတ်ဝန်းကျင်ထိန်းသိမ်းရေး၊ စက်ရုံစီမံကိန်းများတွင်ရှိသည့် အလုပ်ရုံများ ကို အပိုင်းလိုက် အပြီးသတ်အောင်ဆောင်ရွက် ခြင်းများကို အကောင်အထည်ဖော်ဆောင် ရွက် လျက်ရှိသည်။
သို့သော် ဈေးကွက်စီးပွားရေးစနစ်တွင် နိုင်ငံပိုင်စီးပွားရေးလုပ်ငန်းများသည် အမြတ် အစွန်းနည်းပါးပြီး အရှုံးပေါ်မှုများလည်း ရှိနေကာ အဆိုပါ လုပ်ငန်းများကို ပြန်လည် ဆန်းစစ်မှုများ ပြုလုပ်သွားမည့်အပြင် တချို့ လုပ်ငန်းများကို ပြည်တွင်းပြည်ပလုပ်ငန်းရှင် များနှင့် အကျိုးတူ ပူးပေါင်းဆောင် ရွက်သွား ခြင်း၊ ကာလရှည်ငှား ရမ်းခြင်းများ ဆောင်ရွက် သွားမည်ဖြစ်ကြောင်း စက်မှုဝန်ကြီးဌာနမှ သိရသည်။
“ဒီစက်ရုံတွေထဲမှာ နိုင်ငံတော်အနေနဲ့ မဖြစ်မနေဆောင်ရွက်သွားရမယ့် လုပ်ငန်းတွေ ရှိမယ်။ ဥပမာ သံမဏိစက် ရုံလို ရင်းနှီးမြှုပ်နှံမှု ပမာဏကြီး မားပြီး စက်မှုကဏ္ဍဖွံ့ဖြိုးတိုးတက် ရေးအတွက် အဓိက အထောက်အပံ့ပေးနိုင်တဲ့ စက်ရုံမျိုးတွေ၊ ပြည်သူလူထုရဲ့ လိုအပ်ချက် ကို မဖြစ်မနေဖြည့်ဆည်းပေးရ မယ့် ဆေးဝါး စက်ရုံလိုမျိုးတွေကို ဆက်လက်ပြီးအောင်မြင် အောင် ဆောင်ရွက်သွားမယ်။ အကျိုးအမြတ် မရှိနိုင်တော့တဲ့ စက်ရုံတွေကို နိုင်ငံတော် အတွက် ဝန်ထုပ်ဝန်ပိုးမဖြစ်အောင် ပုဂ္ဂလိက ပိုင် ပြုလုပ်သွားမယ်။ ဒီလိုလုပ်တဲ့နေရာမှာ လည်း နိုင်ငံတော် ရဲ့မူဝါဒ၊ လုပ်ထုံးလုပ်နည်း တွေနဲ့ အညီ ဆောင်ရွက် သွားမယ်။ ရှိပြီးဖြစ်တဲ့ လူ့စွမ်းအား အရင်းအမြစ်တွေကိုလည်း မဆုံးရှုံး စေဖို့နဲ့ ဝန်ထမ်းများ နစ်နာဆုံးရှုံးမှုမရှိစေဖို့ အတွက်လည်း အလေးထား ဆောင်ရွက်သွား မယ်”ဟု ပြည်ထောင်စုဝန်ကြီး ဦးခင်မောင်ချို က ပြောသည်။
ဈေးကွက်စီးပွားရေးစနစ်တွင် ပြည်ပမှ ဝင်ရောက်လာသည့် ကုန်ပစ္စည်းများ ၏ အရည်အသွေးအပိုင်းနှင့် ဈေးနှုန်းအပေါ် ယှဉ်ပြိုင်နိုင်စွမ်းရှိရန်အတွက် တီထွင်ဆန်းသစ် မှုနှင့် ဈေးကွက်မြှင့်တင်ရေးအပိုင်းကို စက်မှု ဝန်ကြီးဌာန အနေဖြင့် အလေးထားနေသည် ကို တွေ့ရသည်။
ထို့အပြင် လယ်ယာနှင့်ပတ် သက်သည့် စက်မှုကဏ္ဍဖွံ့ဖြိုးရေးကိုလည်း စက်မှုဝန်ကြီး ဌာနအနေဖြင့် ဆောင်ရွက်လျက်ရှိသလို အခြေခံ အဆောက်အအုံ များ ဆောက်လုပ်ရာ တွင် ဘိလပ်မြေလိုအပ်ချက်ကို ဖြည့် ဆည်းပေး နိုင်ရန် စက်မှုဝန်ကြီးဌာနမှ တစ်နေ့တန် ၅၀၀၀ ကျ ဘိလပ်မြေ စက်ရုံကို ပုဂ္ဂလိကနှင့်အကျိုးတူ BOT စနစ်ဖြင့် တိုးချဲ့ဖွင့်လှစ်သွား မည် ဖြစ်သည်။
“နေပြည်တော် တန်ဖိုးနည်းအိမ်ရာ တည်ဆောက်ရေးတွေမှာ အသုံးပြုနိုင် ဖို့ ပေးလှူသွားမှာဖြစ်သလို ပြည်သူတွေ အတွက် တည်ဆောက်မယ့် တန်ဖိုးနည်းအိမ်ရာ စီမံကိန်းတွေရဲ့ ကုန်ကျစရိတ်လျှော့ချရေးမှာ အထောက်အကူပြုစေ ဖို့လည်း ရည်ရွယ်ပါ တယ်ဟု ပြည်ထောင်စုဝန်ကြီး ကပြောသည်။ ကျန်းမာရေးကဏ္ဍ အတွက် ဆေးဝါး ထုတ်လုပ်နေမှုနှင့်စပ်လျဉ်းပြီး ဝန်ကြီးက “ပြည်သူလူ ထုရဲ့ ကျန်းမာရေးစောင့်ရှောက်မှု ကဏ္ဍဖြစ်တဲ့ ဆေးဝါးထုတ်ကုန်တွေကို ပြည်သူ တွေကြားမှာ အရည်အသွေးစံချိန်စံညွှန်း ပြည့်မီစွာ တွင်တွင်ကျယ်ကျယ်သုံး စွဲနိုင်ဖို့ အတွက်လည်း ဦးစားပေးဆောင် ရွက်သွားမယ်။ ဆေးဝါးတွေ အတုအပထုတ်မရအောင်နဲ့ ပြည်သူတွေကြား ဈေးနှုန်းသက်သက်သာသာနဲ့ ကျယ်ကျယ်ပြန့်ပြန့်ရောက်ရှိအောင် ဖြန့်ချိရေး စနစ်ကအစ ပြန်လည်သုံးသပ်သွားမယ်” ဟုပြောသည်။
စက်မှုဝန်ကြီးဌာနအနေဖြင့် မြန်မာနိုင်ငံ တွင် ကျရောက်သည့် သဘာဝဘေး အန္တရာယ် များကြုံလာပါက အရေးပေါ်စက်ရုံများမှ ထုတ် လုပ်သည့် လူသုံးကုန်ပစ္စည်းများကို သက်ဆိုင် ရာ အဖွဲ့အစည်းများနှင့်ပူးပေါင်းပြီး ကူညီ ထောက်ပံ့မှုများပြုလုပ်နိုင်ရန် စီမံဆောင်ရွက် ထားကြောင်း သိရသည်။
စက်မှုဝန်ကြီးဌာနအနေဖြင့် ၂၀၁၂ ခုနှစ် တွင် အသေးစားနှင့် အလတ်စားလုပ်ငန်းများ ဖွံ့ဖြိုးတိုးတက်ရေး ဗဟိုဌာနကို တည်ထောင် ခဲ့ပြီး လိုအပ်သည့်မူဝါဒများချမှတ်ခြင်း၊ သုတေသနလုပ်ငန်းများဆောင်ရွက်ခြင်း၊ ငွေ ကြေးဆိုင်ရာ ကူညီထောက်ပံ့မှုကိစ္စများအတွက် အသေးစားနှင့် အလတ်စားစက်မှုလုပ်ငန်း ဖွံ့ဖြိုးရေးဘဏ်မှ အတိုးနှုန်းသက်သာစွာဖြင့် ချေးငွေရရှိရေးနှင့် ပြည်ပအဖွဲ့အစည်းများနှင့် ချိတ်ဆက်ပြီး ချေးငွေရရှိရေးတို့ပါ ဆောင်ရွက် ပေးခဲ့သည်။
“ငွေရေးကြေးရေးအပိုင်းမှာ လက်ရှိအနေ အထားကCredit Guarantee Insurance (CGI)ကို အသုံးပြုပြီး ငွေချေးတဲ့စနစ်ကို အသုံးပြုနေတယ်။ ဒီထက်ပိုကောင်းတဲ့စနစ် တွေကို အသုံးပြုနိုင်အောင်လည်း စီစဉ်ဆောင် ရွက်နေတယ်” ဟု ဝန်ကြီးကပြောသည်။ စက်မှုကဏ္ဍဖွံ့ဖြိုးရေးအတွက် အခြေခံ လိုအပ်ချက်ဖြစ်သည့် လူ့စွမ်းအားအရင်း အမြစ်များ ဖွံ့ဖြိုးတိုးတက်စေရန်နှင့် စက်မှု ဆိုင်ရာ အတတ်ပညာနည်းပညာ သစ်များ တတ်မြောက်သည့် ကျွမ်းကျင်လုပ်သားများကို မွေးထုတ်ပေးလျက်ရှိသည့် အပြင် စက်မှု အတတ်ပညာဝါသနာ ပါသည့် လူငယ်များကို လည်း သင်တန်းကျောင်းများဖွင့်လှစ်သင်ကြားပေးပြီး အလုပ်အကိုင်ရရှိစေရေး အတွက်ပါစက်မှုဝန်ကြီးဌာနက ဖန်တီးပေးလျက်ရှိသည်။





Tuesday, May 24, 2016

လုပ်ငန်းသုံးယန္တရား ပိုမိုတင်သွင်းခွင့်ပြုခြင်းနှင့် ကန့်သတ်ကုန်အချို့ ကင်းလွတ်တော့မည့် စီးပွား/ကူးသန်း၏ ရက် ၁၀၀

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနအနေဖြင့် အစိုးရသစ်၏ ရက်ပေါင်း ၁၀၀ စီမံချက်မှာ ကုမ္ပဏီလိုင်စင်တစ်စောင်ကို လုပ်ငန်းသုံးယန္တရား ၁၀ စီးနှုန်း တင်သွင်းခွင့်ပြုခြင်းနှင့် ကန့်သတ် ထားခဲ့သော ပြည်ပတင်ပို့ကုန်အချို့စာရင်းမှပယ်ဖျက်ပေးခြင်းတို့ ပါဝင်သော ကုန်သွယ်လုပ်ငန်းဆိုင်ရာ ပြုပြင်ပြောင်းလဲမှုများပါဝင်မည်ဟု သိရသည်။စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်အား တွေ့ဆုံမေးမြန်းထားသည်။
မေး။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနရဲ့ ပြည်သူ့အတွက် ရက် ၁၀၀ စီမံချက်နဲ့ ပတ်သက်ပြီး ပြောပြပေးပါဦးရှင့်။
ဖြေ။ အရေးကြီးတဲ့ ပြုပြင်ပြောင်းလဲမှုအနေနဲ့ နယ်စပ်စခန်းတွေမှာ သွင်းကုန်လိုင်စင်ရရှိပြီး တင်သွင်းဖို့ ကျန်နေတဲ့ ယာဉ်ယန္တရားတွေကို သွင်းကုန်လိုင်စင်တိုးမြှင့်ပေးပြီး တင်သွင်းခွင့်ပြုမယ်။ နယ်စပ်ဒေသကနေ လုပ်ငန်းသုံး ယာဉ်ယန္တရားတွေကို ပြန်လည်တင်သွင်းခွင့်ပြုမယ်။ ပြည်ပကနေ တင်သွင်းခွင့်ပြုထားတဲ့ လုပ်ငန်းသုံးယာဉ်ယန္တရားတွေနဲ့ ပတ်သက်ပြီး အရင်ကကုမ္ပဏီတစ်ခုကို တစ်နှစ်အတွင်း ၁၀ စီးပဲ တင်သွင်းခွင့် ပြုရာကနေ လိုင်စင်တစ်စောင်ကို လုပ်ငန်းသုံးယာဉ်ယန္တရား ၁၀ စီးနှုန်းနဲ့ လုပ်ငန်း လိုအပ်ချက် အပေါ်မူတည်ပြီးပြင်ဆင်ဖြေလျှော့ခွင့်ပြုပေးသွားမယ်။
နယ်စပ်ဒေသက ဒေသခံကုန်သည်ငယ်တွေအတွက်လည်း တစ်ဦးချင်းကုန်သွယ်မှု လုပ်ငန်းရှင် ကတ် (Individual Trading Card – ITC )နဲ့ တစ်ရက်ကို ကျပ်သိန်း ၂၀ နှုန်းနဲ့ ငါးရက်စာ တစ်ကြိမ်တည်း ကျပ်သိန်း ၁၀၀ ခွင့်ပြုပေးရာကနေ တစ်ရက်ကျပ်သိန်း ၃၀ နှုန်းနဲ့ ငါးရက်စာ ကျပ်သိန်း ၁၅၀ အထိ တိုးမြှင့်ဆောင်ရွက်ခွင့်ပြုသွားမယ်။
ရန်ကုန်ပို့ကုန်သွင်းကုန်ရုံးမှာ ပို့ကုန်သွင်းကုန် လိုင်စင်လျှောက်ထားတဲ့အခါမှာလည်း နေပြည်တော်နည်းတူ ပြင်ဆင်ဖြေလျှော့ပေးသွားမယ်။ ပြည်ပကိုတင်ပို့ဖို့ ကန့်သတ်ထားတဲ့ပို့ကုန် ၁၂ မျိုးအနက်ကနေ အချို့အမယ်တွေကိုဖြေလျှော့တင်ပို့ခွင့်ပြုနိုင်ရေး ဆောင်ရွက်ပေးသွားမယ်။ Negative List နဲ့ ထုတ်ပြန်ထားတဲ့ သွင်းကုန် H.S Code Line (၄၄၀၅)လိုင်းကနေအချို့ကို ထပ်မံဖြေလျှော့ ပေးသွားမယ်။ Natio- nal Trade Repository ကုန်သွယ်မှု အချက်အလက်များ ဘဏ္ဍာတိုက်ကို တရားဝင် လွှင့်တင်ပေးဖို့ စီမံဆောင်ရွက်သွားမယ်။ နောက်ဆုံးအနေနဲ့ ပို့ကုန်သွင်းကုန်လိုင်စင် လျှောက်ထားတဲ့အခါအွန်လိုင်းစနစ် အပြည့်အဝ သုံးစွဲအသုံးပြုနိုင်ရေး စီစဉ်ဆောင်ရွက်သွားမယ်။
မေး။ ဒီအချက်တွေထဲက နယ်စပ်စခန်းမှာ သွင်းကုန်လိုင်စင်ရရှိပြီး တင်သွင်းဖို့ကျန်နေတဲ့ ယာဉ်ယန္တရား တွေကို ဘာကြောင့်သွင်းကုန်လိုင်စင်တိုးမြှင့်ပေးပြီး တင်သွင်းခွင့်ပြုရတာလဲဆိုတာ ပြည့်ပြည့်စုံစုံလေး ရှင်းပြပေးစေလိုပါတယ်။
ဖြေ။ ဘာကြောင့်လဲဆိုတော့ ကချင်ပြည်နယ် ကန်ပိုက်တီးဒေသကနေ ဖားကန့်ကျောက်စိမ်းတွင်းအတွက် မြေတူး၊ မြေသယ်ကားတွေ တရားမဝင် ဝင်ရောက်လာတာကိုစစ်ဆေးတွေ့ရှိရတဲ့အတွက် ပြီးခဲတဲ့ ဒီဇင်ဘာ၂၄ ရက်ကစပြီး နယ်စပ်ဒေသတွေကနေတင်သွင်းတဲ့ ယာဉ်မျိုးစုံဝင်ရောက်မှုကို တားမြစ်ခဲ့တယ်။ အဲဒီထဲမှာ ဝန်ကြီးဌာနကသွင်းကုန်ပါမစ်ပေးထားတဲ့ ကုန်တင်ယာဉ်၉၀၀၀ ကျော်၊ လယ်ယာသုံးယာဉ် ၃၄၀၀ကျော်၊ ခရီးသည်တင်ယာဉ် ၉၀၀ ကျော်နဲ့ ရေယာဉ်၊ မီးသတ်ယာဉ် စတဲ့လုပ်ငန်းသုံးယာဉ် စုစုပေါင်း ၁၄၀၀၀ လောက် ပိတ်မိသွားတယ်။
တချို့ယာဉ်တွေဆို တင်သွင်းဖို့အတွက် သတ်မှတ်အခွန်ပေးဆောင်ပြီး နယ်စပ်ကုန်သွယ်ရေးစခန်း၊ တစ်ဖက်နိုင်ငံနယ်စပ်အပြင် တစ်ဖက်နိုင်ငံကုမ္ပဏီတွေနဲ့ စာချုပ်ချုပ်ဆိုထားတဲ့ ယာဉ်တွေပါဝင်နေတယ်။ ဥပမာပြောရရင် နယ်စပ်ဒေသမှာ တင်သွင်းဖို့ကျန်နေတဲ့ ယာဉ်တွေထဲက တရုတ်နိုင်ငံ ကျယ်ဂေါင်မြို့ ရောက်နေတဲ့ ယာဉ်ယန္တရားတွေဆို တရုတ်နိုင်ငံရဲ့ လုပ်ထုံးလုပ်နည်းအရ ပို့ကုန်အဖြစ်သတ်မှတ် ထားတော့ ရွှေလီမြို့ကို ပြန်သယ်ဆောင်ခွင့်မပြုတဲ့အပြင် ရွှေလီမြို့ကို ရောက်နေတဲ့ ယာဉ်တွေကလည်း ကုန်းတွင်းပိုင်းကနေ ပင်လယ်ဆိပ်ကမ်းအထိ ကီလိုမီတာ ၃၀၀၀လောက် ကွာဝေးတယ်။ ဒီတော့ ကုန်သည်လုပ်ငန်းရှင်တွေအတွက် ကုန်ကျစရိတ်များလာတဲ့အပြင် အချိန်ကြန့်ကြာမှုအခက်အခဲတွေ ကြုံတွေ့ရတယ်။ လုပ်ငန်းရှင်တွေ အခက်အခဲဖြေရှင်းနိုင်ဖို့က သွင်းကုန်လိုင်စင်ရှိပြီး တင်သွင်းဖို့ ကျန်နေတဲ့ယာဉ်တွေကို လိုင်စင်သက်တမ်းတိုးမြှင့်ခွင့်ပြုပေးခြင်းနဲ့ မေ ၁ ရက်ကစပြီး ပြန်လည် တင်သွင်းဖို့ကို ခွင့်ပြုချက်ရရှိပြီးတော့ ဆောင်ရွက်နေတာဖြစ်ပါတယ်။
မေး။ မေ ၁ ရက်ကစပြီး သွင်းကုန်လိုင်စင် သက်တမ်းတိုးမြှင့်မယ်၊ ပြန်လည်တင်သွင်းခွင့်ပြုခဲ့တယ်ဆိုတော့ မှန်မှန်ကန်ကန်နဲ့ စနစ်တကျတင်သွင်းနိုင်ရေးဆောင်ရွက်ချက်များရှိရင် သိပါရစေ။
ဖြေ။ လိုင်စင်သက်တမ်းတိုးပြီး တင်သွင်းမယ့် ယာဉ်ယန္တရားတွေကို မြ၀တီကုန်သွယ်ရေးဇုန်၊ မူဆယ် ၁၀၅ မိုင် ကုန်သွယ်ရေးဇုန်နဲ့တာချီလိတ်နယ်စပ်ကုန်သွယ်ရေးစခန်းတို့ကနေ တင်သွင်းခွင့်ပြုမယ်။ လိုင်စင်ပါ အချက်တွေနဲ့ ကွဲလွဲမှုမရှိစေရအောင် စနစ်တကျတင်သွင်းနိုင်ရေးကို လိုင်စင်ထုတ်ပေးတဲ့ ကုန်သွယ်ရေး ဦးစီးဌာန၊ တင်သွင်းခွင့်ပြုပေးမယ့် အကောက်ခွန်ဦးစီးဌာနနဲ့ ယာဉ်မှတ်ပုံတင်ပေးမယ့် ကုန်းလမ်း ပို့ဆောင်ရေးညွှန်ကြားမှုဦးစီးဌာနတို့ကနေ ပူးပေါင်းပြီး စစ်ဆေးဆောင်ရွက်သွားမယ်။ ဒါ့အပြင် လုပ်ငန်း လိုအပ်ချက်ရှိလာရင်လည်း ဌာနတွေပူးပေါင်းပြီး စီမံဆောင်ရွက်သွားမှာပါ။
မေး။ လုပ်ငန်းသုံးယာဉ်ယန္တရားတွေကို ပြန်လည်တင်သွင်းခွင့်ပြုခဲ့ခြင်းနဲ့ စပ်လျဉ်းပြီး စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေနဲ့ နယ်စပ်ဒေသကနေ ယာဉ်အမျိုးအစားအားလုံးကို တင်သွင်းခွင့် ပြုခဲ့တာလား။ ဒါမှမဟုတ် ယာဉ်အမျိုးအစား ကန့်သတ်ထားတာများရှိသလား သိချင်ပါတယ်ရှင်။
ဖြေ။ လက်ရှိအချိန်က အယ်နီညိုရာသီဥတုကြောင့် အပူချိန်မြင့်တက်ပြီး သောက်သုံးရေ အခက်အခဲ ဖြစ်နေတဲ့ဒေသတွေကို ဖြန့်ဝေပေးနိုင်ဖို့ ရေသယ်ယာဉ်တွေ၊ မီးသတ်ယာဉ်တွေကို တင်သွင်းခွင့်ပြုဖို့နဲ့၊ မကြာမီမိုးရာသီရောက်လာတော့မယ်ဆိုတော့ လယ်ယာလုပ်ငန်းသုံး ထွန်စက်၊ ရိတ်သိမ်းခြွေလှေ့စက်တွေ၊ ပို့ဆောင်ရေးအတွက် ခရီးသည်တင်ယာဉ်တွေ၊ ကုန်စည်ပို့ဆောင်ရေးအတွက် လိုအပ်တဲ့ ကုန်တင်ယာဉ် တွေကို နယ်စပ်ဒေသက တင်သွင်းမယ်ဆိုရင် အချိန်နဲ့ကုန်ကျစရိတ်ပိုပြီးသက်သာစေတယ်။
ဒါကြောင့်လည်း တင်သွင်းခွင့်ပြုပေးဖို့ ကုန်သည်လုပ်ငန်းရှင်တွေက တင်ပြကြတယ်။ ဒါပေမယ့် Saloon၊ Jeep၊ Van အစရှိတဲ့ လူစီးယာဉ်အုပ်စုနဲ့ လူနဲ့ကုန်နှစ်မျိုးလုံးတင်နိုင်တဲ့ Saloon၊ Jeep၊ Van လို ကားမျိုးတွေကိုတော့ တင်သွင်းခွင့်ပြုမှာမဟုတ်ဘဲ ကျန်ယာဉ်တွေကိုတော့ တင်သွင်းခွင့်ပြုဖို့ ကျွန်တော်တို့ စီမံဆောင်ရွက်သွားမှာပါ။
မေး။ ပြည်ပက တင်သွင်းခွင့်ပြုတဲ့ လုပ်ငန်းသုံး ယာဉ်ယန္တရားတွေအပေါ်မှာ လိုင်စင်တစ်စောင်ကို လုပ်ငန်းသုံးယာဉ် ၁၀ စီးနှုန်းထိ ပြင်ဆင်ဖြေလျှော့ပေးရတဲ့ အကြောင်းရင်းကိုလည်း ပြောပြပေးပါရှင်။
ဖြေ။ ဟိုတုန်းက တစ်နှစ်အတွင်းမှာမှ ၁၀ စီးပဲ တင်သွင်းခွင့်ပြုခဲ့တယ်။ အခုတော့လုပ်ငန်း လိုအပ်ချက် ပေါ်မူတည်ပြီး လိုင်စင်တစ်စောင်ကို လုပ်ငန်းသုံးယာဉ်ယန္တရား ၁၀စီးနှုန်းနဲ့ လိုအပ်သလို ပြင်ဆင်ဖြေလျှော့ ခွင့်ပြုပေးသွားမယ်။ ဒါဟာလည်း အမှန်တကယ်လုပ်ဆောင်နေတဲ့ လုပ်ငန်းရှင်တွေအတွက် အဆင်ပြေ ချောမွေ့စေဖို့ ဖြစ်ပါတယ်။ ဒါတွေကိုလည်း နယ်စပ်ဒေသကနေပဲ တင်သွင်းခွင့်ပြုမှာပါ။ ရေယာဉ်တွေ ကိုတော့ ကော့သောင်းနဲ့ မြိတ်ဆိပ်ကမ်းကနေပြီးတော့ သတ်မှတ်ချက်နဲ့အညီ တင်သွင်းခွင့်ပြုမှာ ဖြစ်ပါတယ်။
မေး။ ပြည်ပကိုတင်ပို့ဖို့ ကန့်သတ်ထားတဲ့ ပို့ကုန် ၁၂ မျိုးအနက်ကနေ အချို့အမယ်တွေကို ဖြေလျှော့တင်ပို့ခွင့်ပြုနိုင်ရေး ဆောင်ရွက်သွားမယ်ဆိုတာနဲ့ပတ်သက်ပြီး ဘယ်လိုအမယ်အမျိုးအစားတွေ ဖြေလျှော့ပေးသွားမလဲဆိုတာ သိချင်ပါတယ်။
ဖြေ။ ပြည်ပကို တင်သွင်းခွင့်မပြုတဲ့ ပန်းနှင်းဆီ (မုန်ညင်း၊ မုန်ညင်းဆီ)၊ နေကြာ၊ နေကြာဆီ ၊ ဆီကြိတ်ဖတ်တွေ၊ ရွှေ၊ စိန်၊ ရေနံ၊ ကျွဲ၊ နွား၊ ဆင်၊ မြင်းနဲ့ ရှားပါးတိရစ္ဆာန်တွေ၊ ပုစွန်ဖွဲ၊ ဆင်စွယ်၊ လက်နက်ခဲယမ်းမီးကျောက်၊ ရှေးဟောင်းပစ္စည်း စတဲ့ ကုန်ပစ္စည်း ၁၂ မျိုးကို တင်သွင်းခွင့်မပြုပါဘူး။ ဒါပေမယ့် ပြောင်းလဲလာတဲ့ ခေတ်ကာလအခြေအနေအရ ပန်းနှင်းဆီ (မုန်ညင်း၊ မုန်ညင်းဆီ)၊ နေကြာ၊နေကြာဆီ သုံးမျိုးကို ပြည်ပတင်ပို့ဖို့ ဦးစွာဖြေလျှော့ပေးသွားမယ့်အပြင် ကျန်ကုန်ပစ္စည်းတွေထဲက အချို့ကိုလည်း သက်ဆိုင်ရာအဖွဲ့အစည်း၊ ဌာနဆိုင်ရာတွေနဲ့ ထပ်မံဖြေလျှော့နိုင်ရေး ဆက်လက် ညှိနှိုင်းမှုတွေ လုပ်သွားမယ်။
မေး။ ပြည်ပကတင်သွင်းတဲ့ သွင်းကုန်တွေအပေါ်မှာလည်း ဖြေလျှော့တာတွေ လုပ်ပေးသွားမယ်လို့ သိရပါတယ်။ ဘယ်လို ဖြေလျှော့ပေးသွားမယ်ဆိုတာ သိပါရစေရှင်။
ဖြေ။ နိုင်ငံတကာမှာ သွင်းကုန်လိုင်စင် လျှောက်ထားဖို့ လိုအပ်တဲ့ပစ္စည်းတွေကို Negative List ဆိုပြီး သတ်မှတ်ထားတယ်။ ကျွန်တော်တို့နိုင်ငံမှာလည်း ၂၀၁၅ ခုနှစ် ဇူလိုင်လကတည်းက စတင်ကျင့်သုံး ခဲ့တယ်။ ပြည်ပကတင်သွင်းတဲ့ကုန်ပစ္စည်း H.S Code Line ၁၀၀၀၀ ကျော်ထဲကမှ ၄၄၀၀ ခန့်ကိုသာ သွင်းကုန်လိုင်စင်လျှောက်ထားရန် အဖြစ်သတ် မှတ်ထားတယ်။ အခုလည်း သက်ဆိုင်ရာ ဝန်ကြီးဌာနတွေနဲ့ ညှိနှိုင်းဆွေးနွေးပြီး ကျန်ရှိနေတဲ့ H.S Code Line ၄၄၀၀ ထဲကနေ ထောက်ခံချက်ရယူဖို့မလိုအပ်တဲ့ အချို့လိုင်းတွေကို ထပ်မံဖြေလျှော့ပေးသွားမှာပါ။
မေး။ ပို့ကုန်၊ သွင်းကုန် လိုင်စင်လျှောက်ထားမှုတွေကို အွန်လိုင်းစနစ် အပြည့်အဝသုံးစွဲနိုင်ရေး ရက် ၁၀၀ စီမံချက်အနေနဲ့ ဆောင်ရွက်သွားမယ်ဆိုတော့ ကုန်သည်လုပ်ငန်းရှင်တွေအတွက် ဘယ်လို အကျိုးကျေးဇူး ကောင်းတွေ ရရှိလာနိုင်မလဲဆိုတာပြောပြပေးပါဦးရှင်။
ဖြေ။ အွန်လိုင်းစနစ် အပြည့်အဝသုံးစွဲနိုင်ရေးစနစ်ကို ထောက်ခံချက်ရယူရန်မလိုတဲ့ ကုန်ပစ္စည်းတွေနဲ့ CMP အထည်ချုပ်လုပ်ငန်းတွေအတွက် လျှောက်ထားမှုတွေကို ဦးစွာရက် ၁၀၀ အတွင်း ဆောင်ရွက်သွားပါမယ်။ လိုင်စင်လျှောက်ထားရာမှာလည်း နိုင်ငံတကာမှာ ဆောင်ရွက်နေတဲ့နည်းတူ အင်တာနက် ရရှိတဲ့ မည်သည့်နေရာကမဆို ရုံးကိုလာရောက်ဖို့မလိုဘဲ ရယူနိုင်တယ်။ ငွေပေးချေခြင်း၊ထောက်ခံချက် စစ်ဆေးခြင်း၊ အချက်အလက်လုံခြုံမှု စတဲ့စနစ်တွေကို ထည့်သွင်းဆောင်ရွက်သွားမယ်။ အွန်လိုင်းစနစ်နဲ့ လျှောက်ထားနိုင်ခြင်းကြောင့် ကုန်သည်လုပ်ငန်းရှင်တွေအနေနဲ့ မိမိကုမ္ပဏီရုံးခန်းမှာပဲ ပို့ကုန်သွင်းကုန် လိုင်စင် လျှောက်ထားနိုင်မယ်။ ငွေကြေးကုန်ကျစရိတ် သက်သာလာမယ်။ ကုန်သွယ်မှုလုပ်ငန်းတွေ ပိုမိုမြန်ဆန်သွက်လက်လာပါမယ်။
မေး။ အခုဆိုရင် မြန်မာနိုင်ငံက အာဆီယံအဖွဲ့ဝင်န်ိုင်ငံဖြစ်တာနဲ့အညီ အာဆီယံကုန်စည် ကုန်သွယ်ရေး သဘောတူညီချက်အရ ဒေသတွင်း နိုင်ငံတွေနဲ့ ချိတ်ဆက်ဆောင်ရွက်နိုင်မယ့် အခန်းကဏ္ဍကလည်း အရေးကြီးလှပါတယ်။ ဒါကြောင့် ဝန်ကြီးဌာနအနေနဲ့ NTRနဲ့ပတ်သက်ပြီး တရားဝင်လွှင့်တင်ပေးဖို့ စီမံဆောင်ရွက်ထားတာများရှိရင် သိပါရစေရှင်။
ဖြေ။ မြန်မာနိုင်ငံရဲ့ Myanmar National Trade Repository ကို ဒီလအကုန်မှာ တရားဝင် လွှင့်တင်ပေးနိုင်ဖို့ စီမံဆောင်ရွက်နေပါတယ်။ ဒါ့အပြင် အာဆီယံနိုင်ငံတွေနဲ့ စုစည်း ချိတ်ဆက်ထားတဲ့ ATR (Asean Trade Repository) ကိုလည်း တစ်ပြိုင်တည်း ချိတ်ဆက်နိုင်ရေး စီစဉ်ဆောင်ရွက်ပြီးပါပြီ။
ကုန်သည်လုပ်ငန်းရှင်တွေအနေနဲ့ တင်သွင်း၊ တင်ပို့လိုတဲ့ ကုန်အမယ် တစ်မယ်ချင်းအလိုက် ကုန်သွယ်မှုကိုသိရှိနိုင်သလို Tariff Nomenclature၊ MFN Rate၊ Form ပုံစံတွေ၊ Legal Documents တွေ၊ Measure and Procedure တွေ၊ လိုအပ်တဲ့ထောက်ခံချက်တွေ၊ လိုင်စင်လိုအပ်သလား၊ မလိုအပ်တဲ့ ကုန်ပစ္စည်းလား စတဲ့ သိရှိလိုတဲ့အချက်တွေကို အင်္ဂလိပ်-မြန်မာ နှစ်ဘာသာနဲ့ သိရှိနိုင်မယ်။ အာဆီယံ နိုင်ငံတွေနဲ့ တိုက်ရိုက်စုစည်းချိတ်ဆက်ထားတဲ့ အတွက် မိမိတို့ကုန်သည်လုပ်ငန်း ရှင်တွေ အာဆီယံနိုင်ငံ တွေကို တင်ပို့၊ တင်သွင်းပြုလုပ်မယ်ဆိုရင် သက်ဆိုင်ရာနိုင်ငံက ချမှတ်ထားတဲ့ ကုန်ပစ္စည်းတွေနဲ့ ပတ်သက်ပြီး လုပ်ထုံးလုပ်နည်းတွေ၊ ကုန်သွယ်မှုဆိုင်ရာ အချက်အလက်တွေကိုလည်း ကြည့်ရှုလေ့လာ နိုင်မယ်။
မေး။ အာဆီယံအသိုက်အဝန်း ဖြစ်ပေါ်လာတဲ့အခါ မြန်မာနိုင်ငံရဲ့ ကုန်သွယ်မှုကဏ္ဍအတွက်ရော ဘယ်လိုတွေ ကြိုတင်ပြင်ဆင်ထားပါသလဲရှင်။
ဖြေ။ အဲဒါကလည်း အတော်အရေးကြီးတဲ့ ပြဿနာပါ။ ကုန်သွယ်မှုဟာ ဒေသတွင်းမှာသော်လည်းကောင်း၊ နိုင်ငံတကာမှာသော်လည်းကောင်း လွတ်လွတ်လပ်လပ် လုပ်ကိုင်နိုင်လာတဲ့ အနေအထားမျိုး ရှိလာပါ တယ်။ ကိုယ့်နိုင်ငံကလည်း ဒီလွတ်လွတ်လပ်လပ်ကုန်သွယ်မှုမှာ ပါဝင်နိုင်အောင်ဆောင်ရွက်ဖို့ကလည်း အင်မတန်အရေးကြီးပါတယ်။
သဘောကတော့ ကုန်သွယ်ဘက်ကကြည့်မယ်ဆိုရင် ပို့ကုန်သွင်းကုန်တွေက အခွန်အကောက် သက်သာစွာနဲ့ အာဆီယံကုန်သွယ်မှုပြုရမှာ ဖြစ်တဲ့အတွက်ကြောင့် ကုန်သွယ်မှုတိုးမြှင့်လာမှာ သေချာ ပါတယ်။ မြန်မာပြည်မှာက ကုန်ကြမ်းပစ္စည်းနဲ့ စားသုံးကုန်ပစ္စည်းတွေကိုပဲ အဓိကတင်သွင်းနေတာ။ ဒီတော့အာဆီယံဒေသတွင်း နိုင်ငံတွေကနေ ကုန်ကြမ်းပစ္စည်းတွေ၊ စားသုံးကုန်ပစ္စည်းတွေ ဒလဟော ဝင်ရောက်လာတဲ့အခါ ပြည်တွင်းကစားသောက်ကုန်ထုတ်လုပ်ငန်းတွေနဲ့ အသေးစား အလတ်စား စက်မှုလုပ်ငန်းတွေအတွက် စိန်ခေါ်မှုတစ်ရပ် ဖြစ်လာမှာပါ။
ဒီတော့ ကိုယ့်ပြည်တွင်းက အသေးစား၊ အလတ်စားလုပ်ငန်းတွေ ကုန်ထုတ်လုပ်မှုကို စရိတ်သက်သာစွာနဲ့ ယှဉ်ပြိုင်နိုင်အောင် အားပေးဖို့ လိုအပ်ပါတယ်။ သိတဲ့အတိုင်းပဲ လယ်ယာကဏ္ဍပဲ ဖြစ်ဖြစ်၊ စက်မှုကဏ္ဍပဲဖြစ်ဖြစ် အခြေခံ အဆောက်အအုံ၊ သက်သာတဲ့ချေးငွေ၊ ထောက်ပံ့ငွေ၊ နည်းပညာ၊ သယ်ယူပို့ဆောင်ရေး၊ လျှပ်စစ်၊ ရေတို့အပြင် ပြည်တွင်းကုန်ကြမ်းကို သက်သက်သာသာနဲ့ရရှိမှသာလျှင် အသေးစားလုပ်ငန်းတွေရဲ့ အရည်အသွေး တိုးတက်လာမယ်။ နိုင်ငံတကာက ဝင်ရောက်လာမယ့် ကုန်စည်တွေကို ယှဉ်ပြိုင်နိုင်မယ်။ ဒါကလည်း သက်ဆိုင်ရာဌာနတွေနဲ့ ပူးပေါင်းပြီးတော့ ရေရှည် လုပ်ကိုင်ရမယ့်လုပ်ငန်းမျိုးဖြစ်ပါတယ်။ ။
■ ရန်ကုန်-မန္တလေး အမြန်လမ်းမကြီး မွမ်းမံခြင်းနှင့် တန်ဖိုးနည်း အိမ်ရာ များဆောက် လုပ်ခြင်းတို့ပါဝင်မည့် ရက် ၁၀၀ စီမံကိန်း ■
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
နေပြည်တော် မေ ၁၇
ဆောက်လုပ်ရေး ဝန်ကြီးဌာနသည် လက်ရှိတွင် ဝန်ကြီးဌာန၏ ပင်မလုပ်ငန်း စဉ်များကို အားသွန်ခွန် စိုက် အကောင်အထည်ဖော်လျက် ရှိသည်။
ဆောက်လုပ်ရေးဝန်ကြီးဌာန၏ အဓိကတာဝန်သည် မြန်မာနိုင်ငံ၌ ရှိသည့် လမ်း၊ တံတား၊ အစိုးရနှင့် ဆိုင်သည့် အဆောက်အအုံ၊ အိမ်ရာဆောက် လုပ်ရေး၊ မြို့ပြဖွံ့ဖြိုး တိုးတက်ရေးနှင့် အိုးအိမ်ဖွံ့ဖြိုးတိုးတက်ရေး လုပ်ငန်း များကို လုပ်ဆောင်ရသည့် ဌာနဖြစ် သည်။ ထို့ကြောင့် အစိုးရသစ်၏ ရက် ၁၀၀ စီမံချက်အတွင်း ဆောက် လုပ်ရေး ဝန်ကြီးဌာန၏ ဆောင်ရွက်မည့် စီမံချက် များနှင့် စပ်လျဉ်း၍ ပြည်ထောင်စုဝန်ကြီး ဦးဝင်းခိုင်နှင့် တာဝန်ရှိ သူများအား တွေ့ဆုံမေးမြန်းဖြစ်ခဲ့သည်။
ဦးဝင်းခိုင်
ပြည်ထောင်စုဝန်ကြီး
ဆောက်လုပ်ရေးဝန်ကြီးဌာန
မေး။ ။ဆောက်လုပ်ရေးဝန်ကြီးဌာနအနေနဲ့ ရက် ၁၀၀ အတွင်းမှာ ဘာတွေ ဆောင်ရွက်သွားမလဲဆိုတာ သိပါရစေ။
ဖြေ။ ။ပထမဆုံးအနေနဲ့ လမ်းကိစ္စကို အရင်ပြောချင်ပါတယ်။ လက်ရှိအစိုးရ တက်လာပြီး နောက်ပိုင်း အရင်ရှိခဲ့တဲ့ လမ်းတွေကို ပိုပြီးအဆင့်မြင့်ဖို့ ပါ။ ပြည်သူလူထု သုံးတဲ့အခါမှာလည်း ပိုပြီးတော့အဆင်ပြေဖို့ပေါ့။ လုံခြုံဖို့၊ စိတ်ချရဖို့၊ လမ်းပန်း ဆက်သွယ်ရေး ကောင်းဖို့ပါ။ ပထမအနေနဲ့ အဆင့်မြှင့် မယ်။ ဒီလိုလုပ်တဲ့ အခါမှာ မူလလမ်းတွေကိုလည်း တိုးချဲ့တဲ့ ကိစ္စတွေလည်း ပါပါတယ်။
နောက်တစ်ခုက ပြည်သူလူထုစိတ်ဝင်စားတဲ့လမ်းတစ်ခုအနေနဲ့ ပြောရမယ်ဆိုရင် ရန်ကုန်-မန္တလေး အမြန်လမ်းပါ။ ဒီလမ်းကြီးက စုစုပေါင်း ၃၆၆ မိုင်ရှည်တယ်။ ဒီလမ်းကြီးကို စိစစ်လိုက်တဲ့အခါမှာ ၆ ရာခိုင်နှုန်းလောက် ကတော့ အင်ဂျင်နီယာ သဘောအရ အထူးပြုပြင်ဖို့လိုတယ်လို့ ကျွန်တော်တို့ကောက်ချက် ချတဲ့အတွက် အဲဒီ ၆ ရာခိုင်နှုန်းကို ရက် ၁၀၀ အတွင်းမှာ ဦးစားပေးပြီးပြင်ပါမယ်။
ဒီလိုပြင်တဲ့အခါမှာ ရန်ကုန်ဘက်မှာ ၁၀ မိုင်နဲ့ နေပြည်တော်ဘက်မှာ ၁၀ မိုင် လောက် ပါပါတယ်။ ဒီလမ်းတွေကို ပဏာမအဆင့်အနေနဲ့ ငါးပေလောက် ချဲ့ဖို့ ဆောင်ရွက်မယ်။ နောက်ပြီး အင်ဂျင်နီယာ သဘောတရားအရ ပြုပြင်သင့်တဲ့နေရာတွေ ကျွန်တော်တို့ ပြုပြင်သွားပါမယ်။
ဒီလမ်းပေါ်မှာရှိတဲ့ တံတားပေါင်း ၁၃၈ စင်းကိုလည်း အဆင်း အတက် ပိုပြီး ချောမွေ့ အောင် ဆောင်ရွက် သွားဖို့ရှိပါတယ်။ ဒါ့အပြင် လမ်းပေါ်မှာ သွားတဲ့အခါ မြန်နှုန်းကို ထိန်းချုပ်ဖို့က အရေးကြီးတယ်။ လမ်းအင် ဂျင်နီယာ ပိုင်းတစ်ခုတည်း ဆောင်ရွက်လို့ မရပါဘူး။ ယာဉ်မောင်းတွေအနေနဲ့လည်း ပူးပေါင်းပါဝင် ဖို့လိုပါတယ်။ အဲဒီအတွက် လည်း ဧပြီလ ၁ ရက်နေ့က စပြီးတော့ Sifting လို့ခေါ်တဲ့ Campaign တွေကို ယာဉ်တွေ အတွက် ပါ ဆောင်ရွက်လျက်ရှိပါတယ်။ အဲဒီလိုဆောင်ရွက်ပြီးတဲ့ နောက်ပိုင်း Quality Control ပိုင်းအနေနဲ့ သွားတာပါ။ လမ်းကိုလည်း နိုင်ငံတကာ အဆင့် အတန်းမီတဲ့ လမ်းတစ်လမ်းဖြစ်အောင်၊ စံချိန်စံညွှန်းမီတဲ့ လမ်းတစ် လမ်း ဖြစ်အောင် ဒီလိုနည်းနဲ့လည်း သွားဖို့ဆောင်ရွက်မှာဖြစ်ပါတယ်။
ပြီးတော့ အရင်တုန်းကမလုပ်ခဲ့တဲ့ လမ်းမပေါ်မှာ ဌာနဆိုင်ရာယာဉ်တွေက လှည့်ပတ် ကင်းလှည့်တဲ့ပုံစံမျိုးနဲ့ ယာဉ်တွေကို အရှိန်လျှော့ဖို့၊ ယာဉ်မတော်တဆ ဖြစ်နိုင်တဲ့နေရာ တွေမှာ သူတို့က စောင့်ပြီး လုပ်ဆောင်ပေးဖို့ ဆောင်ရွက်ထားတာရှိပါတယ်။
လမ်းပိုင်း ပြောမယ်ဆိုရင် နိုင်လွန်ကတ္တရာခင်းဖို့ကတော့ ကျွန်တော်တို့ရဲ့ ဒီလမ်းမကြီးအတွက် ရည်ရွယ်ချက်ပါ။ ကျွန်တော်တို့ အိပ်မက်ကတော့ ကျွန်တော် ဆောက်လုပ်ရေး ဝန်ကြီး ဖြစ်နေတဲ့အချိန်မှာတော့ ၃၆၆ မိုင်လုံး နိုင်လွန်ကတ္တရာခင်းဖို့ ကြိုးစားမှာပါ။
မေး။ ။လမ်းနဲ့ ပတ်သက်ပြီး ရန်ကုန်-မန္တလေးအမြန်လမ်းကိုပဲ ပြင်မှာလား။ အခြား ဘယ်နေရာတွေ ရက် ၁၀၀ အတွင်းမှာ အကောင်အထည်ဖော်ဖို့ ရှိပါသေးသလဲ။
ဖြေ။ ။ လောလောဆယ် လမ်းပိုင်းအနေနဲ့ ကျွန်တော်တို့ လုပ်ပေးနိုင် တာကတော့ တိုင်းဒေသကြီးနဲ့ ပြည်နယ် တွေမှာ နိုင်လွန် ကတ္တရာ ခင်းတဲ့လုပ်ငန်းတွေ လုပ်ပေးပါ တယ်။ တိုင်းဒေသကြီးနဲ့ပြည်နယ် ၁၄ ခုကို နိုင်လွန် ကတ္တရာခင်းတဲ့စက် ၁၄ စုံပို့ပြီး မြို့တွေရဲ့ အဆင့်အတန်း ကိုမြှင့်ဖို့ ရက် ၁၀၀ အတွင်း ဆောင်ရွက် ပေးမှာဖြစ်ပါတယ်။
မေး။ ။အခုအစိုးရသစ် တက်လာပြီးနောက် ပိုင်းမှာ ဆောက်လုပ်ရေး ဝန်ကြီးဌာနအနေနဲ့ ပထမဆုံး ဆောင်ရွက်ခဲ့တဲ့လုပ်ငန်းက ဘာဖြစ်မလဲ။
ဖြေ။ ။ကျွန်တော်ပထမဆုံးလုပ်တာကတော့ တိုးဂိတ်တွေပါ။ ၃၀၂ ဂိတ်ရှိတဲ့ အထဲက ကျွန်တော်စတာဝန်ယူတဲ့အချိန်မှာ ၁၆၁ ဂိတ်ကို အသုံးပြုခ မကောက် ခံတော့ပါဘူး။ ပြည်သူတွေ သွားရေးလာရေး အဆင်ပြေအောင် ရည်ရွယ်တာပါ။ သွားတဲ့လာတဲ့နေရာ မှာလည်း ပိုပြီးချောမွေ့အောင်၊ မလိုလားအပ်တဲ့ ကုန်ကျစရိတ်တွေလည်း မရှိအောင်၊ အဲလို ရည်ရွယ်ချက်တွေ နဲ့ လည်း ဆောင်ရွက်ခဲ့ပါတယ်။
နောက်တစ်ခု ကျွန်တော်တို့လုပ်တဲ့အထဲမှာ နာမည်ကြီးခဲ့တဲ့ နာရီ ၁၀၀ ပိတ်ဆို့မှု ကြီးပေါ့။ ဂုတ်တွင်းတို့ ဂုတ်ထိပ်တို့မှာ။ ဒီကိစ္စကြီးကို လည်း ဖြေရှင်းလိုက်ပါတယ်။ နောက်ပိုင်းအချိန်ကြာမြင့်စွာ မော်တော်ယာဉ်တွေ မပိတ်အောင် သက်ဆိုင်ရာ မော်တော်ယာဉ်လိုင်းတွေနဲ့ရော အားလုံး နဲ့ ညှိနှိုင်းပြီးတော့ လုပ်ပါတယ်။ အထူးသဖြင့် ကားကြီးတွေ ပိတ်တာ များတယ်။ ကားကြီးတွေကို သတ်မှတ်တဲ့အချိန်မှာလွှတ်ဖို့လည်း အများသဘောနဲ့ ဆောင် ရွက်ပြီးဖြစ်ပါတယ်။ ဂုတ်တွင်းထဲဝင်တဲ့အခါမှာ ဝင်လိုက်ပြီး တော့ ပြန်ထွက် လို့မရ တဲ့အနေ အထားတွေရှိခဲ့တယ်။ အဲလိုမဖြစ် ရအောင် နောင်ချို လို ကျောက်မဲ လိုနေရာတွေမှာ LED နဲ့ ဂုတ်တွင်း မှာဖြစ်နေတဲ့ အနေအထားကို Information တွေ
တောက်လျှောက်ပေးနေ မှာပါ။ ချိန်ဆပြီးတော့ မဝင်သင့် ရင်လည်း ခဏရပ်ပြီးစောင့်နေပြီး အထဲမှာ လမ်းတွေရှင်းမှ ဝင်လို့ထွက်လို့ရအောင် ဒီလို သတင်းအချက် အလက်တွေ မျှဝေတဲ့နည်းတွေလည်း ကျွန်တော်တို့ သုံးမှာဖြစ်ပါတယ်။
တံတားနဲ့ ပတ်သက်လို့ကတော့ မြန်မာနိုင်ငံမှာရှိတဲ့ မြစ်ကြီးလေးသွယ် ဧရာဝတီ၊ ချင်းတွင်း၊ သံလွင်၊ စစ် တောင်းပေါ့။ အဲဒီမြစ်တွေပေါ်မှာ တံတားကြီးတွေ ဆောက် ထားပါတယ်။ ရက် ၁၀၀ အတွင်းမှာ တံတားကြီး အားလုံးကို ပြန်ပြီးစိစစ်ပါမယ်။ စိစစ်တဲ့ အခါမှာလည်း ပုံမှန်စိစစ်နည်းတွေ လည်း သုံးသလို၊ ခေတ်မီတဲ့ နည်းစနစ်တွေ လည်းသုံးမယ်။
အခုတံတားတွေ စစ်ဖို့အတွက် ခေတ်မီယန္တရားတွေဝယ်ထားတာရှိပါတယ်။ တံတား အောက်ခြေတွေပါ ပိုမိုပြီးတော့ စနစ်တကျစစ်လို့ရမယ်။ တံတား အနေ နဲ့ ကျွန်တော်တို့ တံတားကြီးခြောက်မျိုးရှိတယ်။ ဒီတံတားတွေ အားလုံးစစ်ဆေးမယ့်အထဲမှာ ပါပါတယ်။ တံတားကိုသုံးတဲ့ ပြည်သူ လူထုအတွက်လည်း ပိုပြီး အဆင်ပြေသွားမှာပါ။ တချို့ တံတားတွေ ကျတော့လည်း မော်တော်ဆိုင်ကယ်တွေ သွားရတာခက်ပါတယ်။ ဘီးတွေ ဘာတွေ ညပ်နိုင်တယ်။ အဲဒီလိုနေရာတွေကို ဖြည့်ဆည်းဆောင်ရွက်ပေးဖို့ ရှိပါတယ်။ အရေးကြီး ဆုံးကတော့ ဒီထဲမှာ လုပ်နိုင်တာကတော့ မြန်မာပြည် တံတားတွေမှာ နာမည်ကြီး တာပေါ့။ ဆောက်လုပ်ရေးတံတားရောက်ရင် ကားလေးက ခုန်ခုန်သွား တယ်ပေါ့။ အဲဒီလိုနေရာပေါင်း ၂၄၀၀ လောက် ရှိတယ်။ ရက် ၁၀၀ အတွင်းမှာ နေရာ ၂၄၀၀ လောက်ကို အကုန်လုံးပြင် လိုက်မယ်။ နောက်ဆိုရင် တံတားအတက်အဆင်းကို အဆင်းလို့ မသိဘဲနဲ့တောင် တံတားကို ကျော်ဖြတ်သွားအောင် ရက် ၁၀၀ အတွင်း ဆောင်ရွက်ဖို့ မျှော်လင့်ထားပါတယ်။
မေး။ ။အဆောက်အအုံပိုင်းအနေနဲ့ရော အခုရက် ၁၀၀ အတွင်း အိမ်ရာဆောက်လုပ်မှု ဘယ်လောက်အထိ ပြီးစီးနိုင်မ လဲ။ နောက်ပိုင်း မှာရော ဘာတွေလုပ်မလဲဆိုတာ သိချင်ပါတယ်။
ဖြေ။ ။အဆောက်အအုံပိုင်းနဲ့ ပြောရရင်တော့ ကျွန်တော်တို့ဌာနက အစိုးရ အဆောက်အအုံတွေ ဆောက်တာ များပါတယ်။ ရုံးအဆောက် အအုံတွေ၊ ကျောင်းတွေ၊ ဆေးရုံတွေ၊ တရားရုံးတွေစတဲ့ နိုင်ငံတော်နဲ့ ဆိုင်တဲ့ အဆောက်အအုံတွေ ဆောက်တာ များပါ တယ်။ နောက်ပိုင်း ကျရင်တော့ တိုးချဲ့ပြီးဆောက်မယ်။ ရက် ၁၀၀ အတွင်းမှာ အဆောက်အအုံ ဌာနကို တာဝန်ပေးထားတာကတော့ အားလုံးစိတ်ဝင်စားနေတဲ့ တန်ဖိုးနည်း အိမ်ရာဆောက်ဖို့ပဲ။
တန်ဖိုးနည်း အိမ်ရာတကယ်ဆောက်ကြည့်တော့ မနည်းဘူးဖြစ်နေလို့။ သိန်း ၃၀၀ တို့ ၆၀၀ တို့လည်း ဖြစ်နေတယ်။ ကျွန်တော်တို့မှာ ဘယ်လောက် ကုန်ကျ သလဲဆိုတာ သေသေချာချာမသိဘူး။ ရက် ၁၀၀ စီမံကိန်း ထဲမှာ ဆောက် လုပ်ရေး ၀န်ကြီးဌာနက နေပြီးတော့ ဆောက်ကြည့်မယ်။ ငါးထပ် အဆောက်အအုံ တစ်လုံး အခန်း ၄၀ လောက်ပါတယ်။ တစ်ခန်း ကို ပေ ၄၀၀ လောက်ရှိ တဲ့အခန်း။ ဆောက်ကြည့်မယ်။ အဲဒီမှာ သုံးရတဲ့ ပစ္စည်းတွေ၊ စံချိန်စံညွှန်းတွေ၊ ဆောက်ရတဲ့ အချိန်ကာလတွေ၊ ကုန်ကျ စရိတ်တွေ အားလုံးကိုတွက်ချက်ပြီးတော့လုပ်သွားမှာပါ။
ကျွန်တော် ရည်ရွယ်ချက်ကတော့ တတ်နိုင်သလောက် သိန်း ၁၀၀ အောက် ကို ရနိုင်သမျှ ဆောက်ပေးသွားမှာပါ။ ကျွန်တော်တို့ဆောက်ပြီးရင်တော့ စံချိန်စံညွှန်း၊ စံနှုန်းတွေရမယ်။ နောက်ပိုင်း သိန်း ၁၀၀ နဲ့ရအောင် မဆောက်ပေးနိုင်ဘူးဆိုတဲ့ကိစ္စကို ချေဖျက်ပေးလို့ရမှာပါ။ အဲဒီလိုဆောက် လို့ရတယ်ဆိုတာကိုလည်း ဆောက်လုပ်ရေး ဝန်ကြီးဌာနအနေ နဲ့ ဆောင်ရွက် ဖို့ရှိပါတယ်။
အောင်မြင်ဖို့လည်း အရေးကြီးပါတယ်။ အောင်မြင်မယ် ဆိုရင် နောက်ပိုင်း လုပ်ချင်တဲ့ ပြည်သူ့အိမ်ရာစီမံကိန်း တွေက ပိုပြီး သွက်သွက် လက်လက် ဆောင်ရွက် လို့ရမှာ ဖြစ်ပါ တယ်။ ပြည်သူလူထုအတွက်လည်း ကုန်ကျစရိတ်နည်းတဲ့ အဆောက်အအုံ လေးတွေ ဖြစ်လာမှာပါ။
မြို့ပြအိမ်ရာစီမံကိန်းဖွံ့ဖြိုးတိုးတက်ရေးကိုတော့ ရန်ကုန်နဲ့ မန္တလေးကို ဦးစားပေး ဆောင်ရွက်မှာပါ။ အဲဒီမှာ တန်ဖိုးနည်းအိမ်ရာတွေ ဆောက်ဖို့ အများကြီးလိုနေတယ်။ လက်ရှိလည်း ကျွန်တော်တို့ ဆောက်နေတယ်။ ရက် ၁၀၀ စီမံကိန်းထဲမှာတော့ တန်ဖိုးနည်းအိမ်ရာကနေ အခန်းပေါင်း ၂၂၀၀ ရှိတယ်။ ဘယ်လိုပုဂ္ဂိုလ်တွေ နေခွင့်ရှိမလဲ။ ဘယ်လိုစနစ်နဲ့ ရောင်းမလဲ အားလုံးကျေနပ်တဲ့ စနစ်တစ်ခုတော့ ဆောင်ရွက်မှာ ဖြစ်ပါတယ်။ တခြား နေရာတွေ မှာလည်း ဧက ၂၂၀ လောက်ရှိတယ်။ တိုးချဲ့ပြီးဆောက်ဖို့လည်းရှိပါတယ်။ ဆိုလိုတာက ပြည်သူ့ အိမ်ရာစီမံကိန်း၊ တန်ဖိုးနည်း အိမ်ရာ စီမံကိန်းတွေကို ဦးစားပေးဆောင်ရွယ်မယ်ဆိုတဲ့ အနေ အထားလေးရှိပါတယ်။
ရက် ၁၀၀ ထဲမှာ လမ်းတွေ၊ တံတားတွေ၊ အဆောက်အအုံတွေ အထူးသဖြင့်တော့ တန်ဖိုးနည်းအိမ်ရာပေါ့။ ဒါတွေကို ကျွန်တော်တို့ စီမံကိန်းချ၊ စီမံချက်ချ၊ အရည်အသွေး ကောင်းကောင်း၊ အဆင့်အတန်းရှိ၊ စံချိန်စံညွှန်းညီတဲ့ လမ်းမျိုး၊ တံတားမျိုး၊ အဆောက်အအုံမျိုးပါ။ တန်ဖိုးနည်းဆိုတိုင်းညံ့ဖို့ မဟုတ်ပါဘူး။ အရည်အသွေးရှိတဲ့ တန်ဖိုးနည်း အိမ်ရာတွေဖြစ်မှာပေါ့။ ပထမစပြီးဆောင်ရွက်တဲ့ အတွက်တော့ အရမ်း ကျယ်တဲ့အခန်းတွေတော့ ရချင်မှ ရဦးမယ်ပေါ့။ ပေ ၄၀၀ လောက်ရှိတဲ့ အခန်းလေး တွေနဲ့ စဖို့ စီစဉ်ထားပါတယ်။
မေး။ ။တန်ဖိုးနည်းအိမ်ရာဆိုတာက လူတွေစိတ်ဝင်စားတဲ့ အကြောင်း အရာတစ်ခုပါ။ အဲဒီမှာ ဘယ်လို လူမျိုးတွေ ကဝယ်ယူနိုင်မလဲ၊ ဘယ်လို စနစ်တွေနဲ့ ဝယ်ယူလို့ရနိုင်မလဲ ဆိုတာသိချင်ပါတယ်။ ဝန်ကြီး တို့ ရောင်းချပေး မယ့်အချိန်ကိုလည်း သိချင်ပါတယ်။
ဖြေ။ ။တန်ဖိုးနည်းအိမ်ရာကတော့ အခုအခန်းပေါင်း ၂၂၀၀ ကနေစ ထွက်မယ်။ ပြီးရင် တန်ဖိုးနည်းအိမ်ရာတွေ ထပ်ထပ်ပြီး ဖြည့်ပေးရမှာပေါ့။ တန်ဖိုးနည်း လို့ပြောတိုင်း လူထုကလည်း အင်မတန်စိတ်ဝင်စားပါတယ်။ လိုချင်တဲ့ သူလည်းများမှာပါ။ နိုင်ငံတကာမှာ တန်ဖိုးနည်း အိမ်ရာ အောင်မြင် တဲ့ တိုင်းပြည်တွေ ရှိပါတယ်။ စင်ကာပူတို့၊ ကိုရီးယားတို့၊ အိန္ဒိယတို့ပေါ့။ လေ့လာ လိုက်တဲ့အခါ ခွဲတမ်းလေး တွေ တော့ ပေးရတယ်။ တန်ဖိုးနည်းဆိုတော့ အစိုးရဝန်ထမ်းတွေအတွက်လည်း ခွဲတမ်းလေး တော့ တစ်ခုရှိရမယ်။ အငြိမ်းစားတွေအတွက်လည်း ခွဲတမ်းလေး တစ်ခုရှိရမယ်။ အမှန် တကယ် မိမိဘ၀တစ်သက်တာမှာ ဘာအိမ်ခန်းမှမရှိတဲ့ လူတွေ ဆိုတာလည်းရှိတယ်။ ဒီလိုလူတွေလည်း ဦးစားပေးရမယ်။ လူငယ်တွေ အလုပ်အကိုင်လည်းရှိတယ်။ မိသားစု လေး ထူထောင်ချင်တယ်။ အလုပ်အကိုင်လေးလည်း ခိုင်ခိုင်မာမာရှိတယ်။ ဒီလို လူတွေကိုလည်း ဒီနေရာမှာ ထည့်ရပါတယ်။ လူမှုရေးအရ ပေးရမယ့် ကဏ္ဍတွေလည်း ရှိသေးတယ်။ ဒီလိုကဏ္ဍတွေလည်း ထည့်စဉ်းစားပေးရမယ်။ ဒီတစ်ခေါက်ရရှိတဲ့ ယူနစ်က လျှောက်တဲ့လူဦးရေ ထက် နည်းတယ်ဆိုရင် မဲနှိုက်တဲ့စနစ်နဲ့ ဆောင်ရွက်ရ မယ့် အနေအထားလေးတွေ ရှိပါတယ်။
မေး။ ။ဝန်ကြီးတို့အနေနဲ့ သတ်မှတ်ထားတာက သိန်း ၁၀၀ ဆိုပေမယ့် အဲဒီသိန်း ၁၀၀ ကိုပဲ မတတ်နိုင်တဲ့ သူက ရှိသေးတယ်။ ဒီလူတွေ အ တွက်ရော ငွေကြေးပိုင်းဆိုင်ရာ တွေမှာ ဘယ်လိုမျိုးကူညီမှုတွေ ပေးသွားဖို့ ရှိလဲ။
ဖြေ။ ။တကယ်တော့ Low cost Housing လုပ်တဲ့အခါမှာ နှစ်ပိုင်းရှိတယ်။ အငှားစနစ် ရှိတယ်။ အရောင်းစနစ် ရှိတယ်။ အရောင်းစနစ်ရော အငှားစနစ်ရော စဉ်းစားရတယ်။ ရန်ကင်းတို့၊ သုဝဏ္ဏတို့ ဒါတွေဟာ အားလုံးအငှား စနစ်တွေပါပဲ။ အခုလက်ရှိ ပြည်သူ့ အိမ်ရာ စီမံကိန်းတော်တော် များများက အငှားစနစ်တွေပါ။ နောက် တစ်ပိုင်းကတော့ အရောင်းစနစ် ပါ။ ရောင်းတော့ တချို့တတ်နိုင် တဲ့သူရှိတယ်။ တချို့ကျတော့ အလုပ် အကိုင်ရှိတယ်။ deposit ပေးထားနိုင်တယ်။ ပြီးရင်တော့ လပေးစနစ်နဲ့ ရောင်းပေးပါ ဆိုပြီး ဒီလိုစနစ်တွေလည်းရှိတယ်။ ဒီစနစ်တွေ အကုန်လုံးကို လည်း လေ့လာ ထားပါ တယ်။ ဒါလေးတွေ အကုန်ဆောင် ရွက်ပေးမှာပါ။
ဒီမှာအရေးကြီးတာကတော့ ဘဏ် တွေက ပါလာတယ်။ ဘဏ်တွေပါ လာတဲ့အတွက် ဘဏ်ရဲ့ပါဝင်ပတ်သက်မှုက ရှိမှဖြစ် မယ်။ ဘဏ်က သာ ငွေချေးတာတို့၊ ငွေကြေးထုတ်ပေးတာတို့ ဒါတွေဆောင်ရွက်ပေး လို့ရတယ်။ ကျွန်တော်တို့ စဉ်းစားထားတာကတော့ ကျွန်တော်တို့ဆီမှာ CHD ဆိုတဲ့ ဘဏ်တစ်ခုရှိတယ်။ အဲဒီဘဏ်ကနေပြီးတော့ ဒီပုဂ္ဂိုလ်တွေကိုတော့ ကူညီပေးဖို့ဆိုတဲ့ ရည်ရွယ်ချက်က အစကတည်းက ရှိပြီးသားပါ။ ပထမအဆင့်က ဒီလူတွေက ဒီဘဏ်မှာ တော့ ငွေစာရင်း ဖွင့်ပြီးတော့ ငွေစု တဲ့စနစ်ကိုစပြီး ဆောင်ရွက်ဖို့လိုတာပေါ့။ ဒီဘဏ်ရဲ့ member ဖြစ်ဖို့တော့ လိုတယ်။ အဲဒါဆို ဘဏ်က သူတို့နဲ့ လုပ်ငန်းလုပ်လို့ရတာပေါ့။ အဲဒါမျိုးစနစ်လေးတော့ စဉ်းစားထားပါတယ်။
မေး။ ။တစ်ခုသိထားတာက ရက် ၁၀၀ အတွင်းမှာ မြေဂရန်ကိစ္စတွေလည်း ပါလာတယ်လို့ သိရပါတယ်။ အဲဒါလေးလည်း ပြောပြပေးပါဦး။
ဖြေ။ ။အရင်က လူထုက အတော်လေးကို စိတ်ညစ်တဲ့အရာပေါ့။ သွားလျှောက် လိုက်ရင် ငွေကုန်ကြေးကျလည်း များတယ်။ အချိန်လည်း အများကြီးပေးရတယ်။ အခေါက်အခါခါလည်း သွားရတယ်။ လက်ရှိအစိုးရ ကတော့ လူထုဖို့ အမြဲကြည့်နေတာ။ လူထုဘာလိုအပ်ချက်ရှိလဲ၊ ဘာတွေအ ဆင်မပြေဘူးလဲ၊ အဆင်မပြေတဲ့အထဲမှာ အဲဒီ တစ်ခုလည်းပါတယ်။ အဲဒီအဆင်မပြေတဲ့ကိစ္စတစ်ခုက ကျွန်တော်တို့ဌာနရဲ့ လုပ်ငန်း တစ်ခုထဲမှာ ပါလာတာပေါ့။ ကျွန်တော် အနေနဲ့ ပြောလိုက်တယ်။ အရမ်းခက်တဲ့ အရာတောင် ၄၅ ရက်မကြာသင့်ဘူး။ ဒါကလည်း သတင်းစာ ထဲမှာ ကြော် ငြာတာ လည်းပါတယ်။ ကန့်ကွက်တာတွေ ဘာတွေတောင် ၄၅ ရက်အထိ မကြာနဲ့လို့ ပြောထား တဲ့ အတွက်ကြောင့် အခုတော့ မူဝါဒတွေ ထွက်လာပါပြီ။ ကြာစရာလည်း အကြောင်း မရှိတော့ပါဘူး။ ခက်ခဲတယ်ဆိုတဲ့ ကိစ္စကတော့ ၄၅ ရက်ပေါ့။ လူတိုင်းလုပ်တာ ကတော့ မြေပုံကူးတာလေးတို့၊ နာမည်ပြောင်းတာလေးတို့တောင် ၁၀ ရက်၊ ၁၅ ရက်၊ ရက် ၂၀ သတ်မှတ်ထားပြီး စာရွက်စုံရင် ဒီထက်တော့ မကြာသင့်ဘူး။ အရင်တုန်းကတော့ ကြာတယ်။
မေး။ ။အစိုးရသစ်ကို မျှော်မှန်းထားတဲ့၊ မျှော်လင့်ထားတဲ့ ပြည်သူတွေကို ဝန်ကြီးအနေနဲ့ ဖြည့်စွက် ပြောချင်တာ ရှိရင်လည်း ပြောပြပေးပါ။

ဖြေ။ ။ပြည်သူလူထုမျှော်လင့်ထားတာတွေလည်း များပါတယ်။ ဒီလိုပြောတဲ့ အတွက် ကျွန်တော်တို့ အစိုးရမှာလည်း အများကြီး စိန်ခေါ် မှုတွေတော့ဖြစ်သွားတာပေါ့။ ပြည်သူ က ရွေးချယ် တင်မြှောက် ထားတဲ့ အစိုးရ ဆိုတော့။ ပြည်သူ့သဘော၊ ပြည်သူ့ဆန္ဒ၊ ပြည်သူတွေ ဘာကို လိုချင်တယ်၊ ဒါကိုပဲ ကျွန်တော်တို့က အမြဲကြည့်နေတာပါ။ ရှင်းရှင်း ပြောရရင် ပြည်သူတွေ လိုရကောင်းမှန်းမသိခင်တောင်မှ ကျွန်တော်တို့က လုပ်ပေးချင် တာပါ။ ကျွန်တော်တို့ရဲ့ စေတနာ အမှန်ပါ။ ပြည်သူက လိုတယ်၊ လိုတယ်ဆိုတာကြီးကို မဖြစ်စေချင် ဘူး။ ပြည်သူတွေက လိုမှန်းတောင်မသိဘူးဖြစ်ရမှာ။ ဒါမှသာ ပြည်သူပေါ်မှာ တာဝန်ရှိတဲ့အစိုးရဖြစ်မှာပေါ့။ ကျွန်တော်တို့ရဲ့ ရည်မှန်းချက်ပါ။ လောလော ဆယ်တော့ ကြိုးစားသွားရဦးမှာပါ။ ဒါပေမယ့် ပြည်သူလူထုဘက် ကလည်း ပြည်သူလူထုမှာ ဆောင်ရွက်ရမယ့် တာဝန်ဝတ္တရား ဆိုတာလည်း ရှိသေးတယ်။ ကျွန်တော်တို့ဘက် ကတော့ လမ်းတွေ၊ တံတားတွေ၊ အိမ်ရာတွေ ဆောင်ရွက်ပေးသွားမှာပါ။ လူထုက လည်း မိမိတာဝန်ဖြစ်တဲ့ လမ်းတွေကို ဆောင်ရွက်လို့ရတဲ့ အပိုင်းလေးတွေ စောင့်ရှောက်ဖို့။ လမ်းတွေကို အမြင်မတော်ရင်လည်း ကျွန်တော်တို့ကို အကြောင်းကြား တာတို့လို လုပ်ပေးနိုင်တာ လေးလုပ်ပေးစေချင်ပါတယ်။ ပူးပေါင်းဆောင် ရွက်ပေးစေ ချင်တယ်။ လမ်းပေါ်မှာ ခရီးသွားတဲ့အခါ မိမိအသက်နဲ့ မိမိအိုးအိမ်နဲ့ မိမိမော်တော်ယာဉ် တွေကို တစ်ဦးချင်းတာဝန်ယူပေးဖို့လည်း လိုတယ်။ လမ်းပိုင်းမကောင်းတာရှိရင်လည်း ကျွန်တော်တို့ အားနည်းချက် တွေရှိရင် လုပ်ပေးပါမယ်။ အကောင်း ဆုံးဖြစ်အောင် လည်း လုပ်ပေးနေပါတယ်။ ဒါတွေဟာလည်း နိုင်ငံတော်အတွက် အင်မတန်ငွေကြေး ကုန်ကျပါတယ်။ နိုင်ငံတော်ကလုပ်ရမယ့်အလုပ် ကျွန်တော်တို့လုပ်နေတာပါ။ လူထုက လည်း လမ်းသုံးစွဲတဲ့အခါမှာလည်း သတိ၊ ဝိရိယလေးနဲ့ လုပ်ပေးဖို့လည်း လိုပါတယ်။
တံတားကြီးတွေကအစ ပြည်သူလူထုအနေနဲ့ ဝိုင်းဝန်း စောင့်ရှောက်ပေးဖို့ လိုပါတယ်။ အမြင်မတော်တာရှိလည်း ချက်ချင်းအကြောင်းကြားဖို့ လိုပါတယ်။ ကျွန်တော်တို့ ဘက် ကတော့ ကြိုးစားပြီးတော့ လုပ်နေမှာပါ။ ပြည်သူဘက်ကလည်း ဆောင်ရွက်ပေးဖို့။ တန်ဖိုးနည်း အိမ်ရာတွေ ကိစ္စမှာလည်း ကျွန်တော်တို့က အခန်းပေးလိုက်တဲ့အခါ မှာ လည်း အခန်းမှာနေတဲ့သူတွေကလည်း စည်းကမ်း တကျ လေးနေဖို့။ ကိုယ့်ပတ်ဝန်း ကျင် သာသာယာယာဖြစ်အောင် စည်းနဲ့ကမ်းနဲ့နေထိုင်ပြီး အခြားလူ တွေကိုလည်း စိတ်ဒုက္ခ မရောက်အောင် နားလည်မှုရှိရှိနဲ့ပါ။
အစိုးရကလုပ်ရမယ့်တာဝန်ရှိသလို ပြည်သူလူထုကလည်း မိမိတို့လုပ်ပေးနိုင်တာကို မိမိတို့ဘက်ကလည်း တာဝန်ကျေကျေ ဆောင်ရွက်ပေးဖို့လိုတယ်လို့ ပြောချင်ပါတယ်။
ဦးအောင်မြတ်ဦး
ခေတ္တညွှန်ကြားရေးမှူးချုပ်
တံတားဦးစီးဌာန
ကျွန်တော်တို့ တံတားဦးစီးဌာနအနေနဲ့ မြစ်ကူး၊ ချောင်းကူးတံတားတွေ၊ လမ်းမကြီး တွေမှာရှိတဲ့ တံတားတွေအနက် ပေ ၁၈၀ နဲ့အထက် တံတား ၁၃၈ စင်းကို အဓိကထား ပြုပြင်သွားမှာဖြစ်ပါတယ်။ တံတားတွေပေါ် ပြည် သူတွေ ဖြတ်သန်းသွားလာတဲ့အခါ မှာ သက်သောင့် သက်သာရှိမှု၊ ဘေး အန္တရာယ်ကင်းမှု စတဲ့ကောင်းခြင်းမင်္ဂလာအဖြာဖြာနဲ့ ပြည့်စုံအောင် ရက်ပေါင်း ၁၀၀ အတွင်း ကြိုးစားဆောင်ရွက် သွားမှာဖြစ်ပါ တယ်။
တံတားဦးစီးဌာန အနေနဲ့ လုပ်ငန်းစဉ်ခုနစ်ခုစီစဉ်ထားပါတယ်။
တံတားအဝင်၊ အထွက် လမ်းအနေအထား နိမ့်ကျနေတဲ့နေရာအားလုံးကို ကတ္တရာတွေကို အနိမ့်အမြင့် ဖြေညှိခြင်း၊ နောက် လျှပ်စစ်မီး တပ်ဆင်ထားတဲ့ တံတားတွေမှာ လျှပ်စစ်မီးတွေ ပြည့်ပြည့်စုံစုံ လင်းအောင် ဆောင်ရွက်ခြင်း၊ တံတားအဝင်၊ အထွက်တွေမှာရှိတဲ့ ပလက်ဖောင်းတွေ၊ တံတားပေါ်မှာရှိတဲ့ လက်ရန်းတွေ ကိုလည်း ပြုပြင် စရာရှိတာ ပြုပြင်ပြီးတော့ ဆေးသုတ်ခြင်း လုပ်ငန်းတွေ ကို ဆောင်ရွက်ခြင်း၊ တံတားတွေရဲ့ အခန်း တစ်ခုနဲ့ တစ်ခုကြားမှာရှိတဲ့ သံပြားတွေ ပြုတ် ထွက်နေတာတွေကိုလည်း စစ်ဆေးပြီး တော့ လိုအပ်တဲ့နေရာတွေ အားလုံးကို ပြန်လည်ပြုပြင်ခြင်း၊ တံတားပေါ် ဖြတ်သန်း သွားတဲ့အခါ ယာဉ်တိုက်ခိုက်တိမ်းမှောက်မှုတွေ မဖြစ်အောင် မြန်နှုန်း ဘယ် လောက် ပဲ မောင်းရမယ်ဆိုတာ သတ်မှတ်ရေးသားခြင်းတွေ လုပ်နေပါတယ်။ နောက် တံတား အဝင်၊အထွက် ချုံနွယ်ပိတ်ပေါင်းတွေ ရှိနေတာတွေကိုလည်း ဖယ်ရှားရှင်းလင်း ဆောင်ရွက်နေပါတယ်။ သံပေါင်နဲ့ လူသွား လမ်းကြား မှာ ကျောက်ပြားနဲ့ပိတ်ထားတာ ရှိပါတယ်။ အဲဒီကျောက်ပြားတွေ က တချို့တံတားတွေမှာဆို နှစ်ကာလကြာမြင့်သွားတဲ့ အတွက် ကျောက်ပြားတွေ တချို့နေရာတွေမှာ ပေါက်နေ တာတွေ၊ ကျောက်ပြားတွေ မရှိတဲ့နေရာတွေတောင်ရှိတယ်။
လူတွေပြုတ်ကျနိုင်တဲ့ အန္တရာယ်ရှိတဲ့အတွက် စစ်ဆေး ပြုပြင်တဲ့ အချက်ထဲမှာ ထည့်ထားပါတယ်။ တံတားကြမ်းခင်းတွေပေါက်နေ တာတွေကို လည်း အလေးထားပြုပြင်နေပါတယ်။ အဲဒီဟာတွေအပြင် တချို့တံတားတွေက အထူး ပြုပြင်ရန်လိုအပ်တဲ့တံတားတွေ၊ ကြိုးတံတားတွေမှာ ကြိုးတွေ ရဲ့ကြံ့ခိုင်မှုကို ခေတ်မီစက် တွေသုံးပြီးတော့ စစ်ဆေး ဆောင်ရွက်နေပါတယ်။ ရခိုင်ပြည်နယ်မှာ ဆိုရင်လည်း ပင်လယ်ဆား ငန်ရေကြောင့် ကွန်ကရစ်တွေ ပျက်စီးတဲ့ တံတား တွေ ကိုလည်း စစ်ဆေးပြုပြင်ဖို့ ဆောင်ရွက်နေပါတယ်။
ဖြည့်စွက် တင်ပြလိုတဲ့ အချက်ကတော့ ဘေလီတံတားတွေအပေါ်မှာ သစ်သား ခင်းထား တဲ့နေရာမှာ အလယ်ကလွတ်နေတဲ့ အတွက် မော်တော် ဆိုင်ကယ်တွေ၊ သုံးဘီးဆိုင် ကယ်တွေ သွားဖို့ခက်တာတွေကို အလယ်မှာ ဖြည့်ခင်းဖို့ ရက် ၁၀၀ အတွင်းမှာ ဆောင်ရွက်နေပါတယ်။
ဦးဝင်းဖေ
ညွှန်ကြားရေးမှူးချုပ်
လမ်းဦးစီးဌာန
ကျွန်တော်တို့ ရက် ၁၀၀ အတွင်းမှာ တိုင်းနဲ့ ပြည်နယ်အတွင်းမှာ ပြီးနိုင်တဲ့ တံတား အစင်းပေါင်း ခန့်မှန်းခြေ ၂၄၉၀ လောက်ရှိတယ်။ အဲဒါတွေကို ကျွန်တော်တို့က အတက်အဆင်းပြေပြစ်အောင်လို့ ဆောင်ရွက်ပါမယ်။ တိုင်းဒေသကြီးနဲ့ ပြည်နယ် တွေမှာ အထူးသဖြင့် ကရင်နဲ့ မကွေး ကို နိုင်လွန်ကတ္တရာခင်းစက်တွေ ပို့ပြီးတော့ ဖားအံနဲ့ မကွေးမှာ နိုင်လွန် ကတ္တရာလမ်းကို ဆောင်ရွက်ပေးမယ်။ မူလရှိပြီးသား စက်ယန္တရားအပြင် အစင်း ၈၀ လောက်အထိ တိုင်းဒေသကြီးနဲ့ ပြည်နယ်အကုန်လုံးကို ပို့ပေးထားတယ်။ အခုရက်အတွင်းမှာပဲ ရခိုင်နဲ့ မကွေးမှာ ရေပြတ်လပ်မှု ရှိလို့ ကားတွေ နဲ့ ရေပြတ်လပ်မှု မရှိအောင် ဆောင်ရွက်ပေးနေ ပါတယ်။ ရေဂါလန်စုစုပေါင်း ခြောက်သိန်း လောက်အထိ ရေပြတ်လပ်တဲ့နေရာတွေကို ပို့ပေးပြီးပါပြီ။
နောက်ပြီး ချင်းပြည်နယ်ကို ဝင်တဲ့လမ်းနှစ်လမ်းရှိတယ်။ ကလေး-ဟားခါး လမ်းနဲ့ ဂန့်ဂေါ-ဟားခါးလမ်း။ ကလေး-ဟားခါးလမ်းကတော့ လက်ရှိဆောင် ရွက်နေပါတယ်။ တစ်ပတ်အတွင်းသွား လို့ရအောင် ဆောင် ရွက်ပြီးပါပြီ။
လမ်းတွေ ချဲ့တဲ့လုပ်ငန်းတွေ ဆောင်ရွက်နေ ပါတယ်။ ဂန့်ဂေါ-ဟားခါး လမ်းကတော့ ပိုမိုပျက်စီးမှု လည်းများ တယ်။ ယာဉ်သွားမှု မပြတ်လပ်အောင် ရယ် အဲဒီမှာရှိတဲ့ ဆင်းရဲနွမ်းပါးမှုလျှော့ချရေး ပထမအဆင့် အနေဖြင့် အဲဒီမှာရှိတဲ့ လုပ်ငန်းတွေကို မိုးတွင်းအပြီး ကတ္တရာလမ်း ဖြစ်အောင် စီမံချက်ချဆောင်ရွက်နေပါတယ်။ အဲဒီအပြင် ကမ္ဘာ့ဘဏ် တို့၊ အေဒီဘီတို့၊ ဂျိုက်ကာတို့လို အဖွဲ့တွေနဲ့ ကွင်းဆင်း စစ်ဆေးမှုလုပ်ပြီးတော့ လာမယ့်နှစ်တွေ မှာ လည်း ချေးငွေတွေနဲ့ နိုင်ငံတကာ အကူအညီ ယူပြီးတော့ လမ်းတွေတိုးတက်အောင် ဆောင်ရွက်ဖို့လည်း စီမံဆောင်ရွက်နေတာ ရှိပါတယ်။ အဲဒီလမ်းမကြီးတွေအပြင် အတွင်းလမ်းတွေကိုလည်း တတ်နိုင်သမျှ လာမည့်နှစ်တွေမှာ တိုးမြှင့်ဆောင်ရွက်သွားဖို့ အစီအစဉ်လည်း ရှိပါတယ်။
ဦးမင်းထိန်
ညွှန်ကြားရေးမှူးချုပ်
မြို့ပြနှင့်အိမ်ရာဖွံ့ဖြိုးရေးဦးစီးဌာန
ကျွန်တော်တို့ဦးစီးဌာနအနေနဲ့ အဓိကဆောင်ရွက်တဲ့ ကဏ္ဍကြီးနှစ်ခု ရှိပါတယ်။ ဒီကဏ္ဍ နှစ်ခုကတော့ မြို့ပြကဏ္ဍဖွံ့ဖြိုးတိုးတက်ရေးနဲ့ အိမ်ရာကဏ္ဍ ဖွံ့ဖြိုးတိုးတက်ရေး ဖြစ်ပါ တယ်။ အဲဒီထဲမှာမှ ရက်(၁၀၀) စီမံကိန်းအနေနဲ့ က ပြည်သူတွေအတွက် လိုအပ်နေတဲ့ နေရးအတွက် အိမ်ရာစီမံကိန်းတွေ ကို ဆောင်ရွက်နေ ပါတယ်။ ရန်ကုန်မြို့မှာ အဓိက အိမ်ရာစီမံကိန်း (၃)ခုကို အဓိကရည်မှန်းချက်ထား ဆောင်ရွက်နေပါတယ်။
ဒီစီမံကိန်း တွေကတော့ လှိုင်သာယာမြို့နယ်မှာရှိတဲ့ ရွှေလင်ပန်း တန်ဖိုး နည်း အိမ်ရာစီမံကိန်း၊ ဒဂုံဆိပ်ကမ်းမြို့နယ်မှာရှိတဲ့ ကနောင်အိမ်ရာ စီမံကိန်းနဲ့ ယုဇနတန်ဖိုးနည်း အိမ်ရာ စီမံကိန်းတို့ဖြစ်ပါတယ်။ ဒီအိမ်ရာ စီမံကိန်းတွေကို ရက်(၁၀၀) အတွင်းမှာ ပြီးစီးအောင် ရည်မှန်းချက် ထားဆောင်ရွက်နေပြီးတော့ ဒီ ရက် ၁၀၀ အတွင်း မှာပဲ အိမ်ရာ အမှန်တကယ် လိုအပ်နေတဲ့ အခြေခံပြည်သူတွေကို တိုင်းဒေသကြီး အစိုးရ နဲ့ ညှိနှိုင်းပြီး နေရာချထား ဆောင်ရွက်လျက်ရှိပါတယ်။
နေပြည်တော်မှာလည်း ရွှေနံ့သာရပ်ကွက်မှာ နမူနာအဖြစ် ၄၀၀ စတုရန်းပေ ကျယ်ဝန်း တဲ့ စံနမူနာပြအိမ်ရာစီမံကိန်းကို တည်ဆောက် သွားမှာဖြစ်ပါတယ်။ ဒီဆောင် ရွက်မှု အပေါ်မှာ လိုအပ်တဲ့ လမ်းညွှန် မှုတွေပြုလုပ်ပြီး အမှန်တကယ် နေရေးလိုအပ်နေ တဲ့ ပြည်သူတွေ အတွက် အိမ်ရာတွေ အမြောက် အမြားဆောင်ရွက်သွားဖို့ အစိအစဉ် ရှိပါတယ်။ ကျွန်တော်တို့အနေနဲ့ မြေစီမံခန့်ခွဲမှုကိစ္စရပ်တွေကိုလည်း ဆောင်ရွက်ပေး လျက်ရှိပါတယ်။ ပြည်သူတွေအတွက် အိမ်ရာတွေကို ထုတ်လုပ်ပြီး နေရေး စီမံပေး သလိုပဲ ယခင် ကာလများက မြေများ ချထားပေးပြီး နေရေး အဆင်ပြေအောင် ဆောင်ရွက်ပေးခဲ့တာတွေလည်းရှိပါတယ်။
ဒီလိုမြေရရှိတဲ့ပြည်သူတွေအနေနဲ့လည်း မူလစတင် ထုတ်ပေးစဉ်တုန်းက ပါမစ်ဆောင်ရွက်ပေးခဲ့ပါတယ်။ အဲဒီလို ပါမစ် ဆောင်ရွက်ပြီးတဲ့အခါ သတ်မှတ်ကာလအတွင်းမှာ နေအိမ်တွေကို ဆောက်လုပ် ရပါ တယ်။ နေအိမ်တွေဆောက်ပြီးရင် သူတို့အတွက် ပိုင်ဆိုင်မှု အဖြစ် မြေငှား စာချုပ်တွေကို ထုတ်ပေးပါတယ်။ အဲဒီလို မြေငှားစာချုပ်ထုတ်ပေးခြင်းတွေကို ရက် (၁၀၀)အတွင်းမှာ ပြည်သူတွေ လာရောက်ဆောင်ရွက်တဲ့အခါ ၄၅ ရက်အတွင်း ပြီးပြတ်အောင် အလေးပေးပြီး မြေစီမံခန့်ခွဲမှုဝန်ဆောင်မှု အဖြစ် ဆောင်ရွက်ပေး နေပါတယ်။
ရန်ကုန်တိုင်းဒေသကြီးညွှန်ကြားရေးမှူးရုံးမှာ ပြည်သူ့ဝန်ဆောင်မှုဌာနစိတ် ဖွင့်လှစ်ပြီး ပြည်သူတွေ လိုအပ်နေတဲ့ ပါမစ်ဆောင်ရွက်ခြင်း၊ မြေငှား စာချုပ်ဆောင်ရွက်ခြင်း၊ အကြောင်းကြောင်းကြောင့် မြေငှား စာချုပ် များ ပျောက်ဆုံးသွားတဲ့အခါ မြေငှားစာချုပ် မိတ္တူမှန် ထုတ်ပေးခြင်း၊ ပြည် သူတွေ နေအိမ်ဆောက်တဲ့ အခါ လိုအပ်နေတဲ့ မြေတိုင်း တာခြင်း၊ မြေရာဇဝင်ကူးရေးဆွဲခြင်း လုပ်ငန်းတွေကို ဆောင်ရွက်ပေးလျက် ရှိပါတယ်။


















Monday, May 23, 2016

ကုမ္ပဏီမှတ်ပုံတင်ကြေးပြောင်းလဲပြင်ဆင်ရေးနှင့် ကျပ်သိန်း တစ်သောင်းချီးမြှုင့်မည့် အောင်ဘာလေ ၅၀၀ ကျပ်တန် ထီစနစ် တိုးချဲ့နိုင်ရေးများ ပါဝင်မည့် စီမံကိန်းနှင့် ဘဏ္ဍာရေးဝန်ကြီးဌာန၏ ရက် ၁၀၀ စီမံချက်

မေ ၂၃

လက်ရှိအစိုးရလက်ထက်တွင် ယခင် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာနနှင့် ဘဏ္ဍာေ၇းဝန်ကြီးဌာန ဟူ၍ ပေါင်းစည်းဖွဲ့စည်းလိုက်သည်။
စီမံကိန်းနှင့် ဘဏ္ဍာရေးဝန်ကြီးဌာနသည် မေလ ၁ ရက်မှ ဩဂုတ်လ ၈ ရက်နေ့အထိ ပြည်သူများ လက်တွေ့ရရှိခံစားနိုင်မည့် လူမှုစီးပွားတစ်ရပ်လုံး ဖွံ့ဖြိုးတိုးတက်စေရန်အတွက်ပြည်သူလူထုအခြေပြု ဖွံ့ဖြိုးတိုးတက်မှု များနှင့်မြန်ဆန်သည့်အောင်မြင်မှု Quick Win ရရှိစေရန် ပြည်သူ့အတွက် ရက် ၁၀၀ စီမံချက်ကိုအကောင်အထည်ဖော် ဆောင်ရွက်လျက်ရှိသည်။
“ကျွန်တော်တို့ စီမံကိန်းနဲ့ ဘဏ္ဍာရေး ဝန်ကြီးဌာနအနေနဲ့ နိုင်ငံတော် စီးပွားရေး ဖွံ့ဖြိုးတိုးတက်ဖို့အတွက် စီမံကိန်းမူဝါဒနဲ့ ဘဏ္ဍာရေးမူဝါဒတွေကို ချမှတ်အကောင်အထည်ဖော် ဆောင်ရွက်နေပါတယ်။
ဝန်ကြီးဌာနအနေနဲ့ ရေရှည်ဖွံ့ဖြိုးတိုးတက်တဲ့ နိုင်ငံတော်တည်ဆောက်ရေး စီမံကိန်းတွေနဲ့ ထိထိရောက်ရောက် အကောင်အထည်ဖော်ဆောင် ရွက်ရေး၊ နိုင်ငံတကာ အဆင့်မီ စာရင်းအင်းစနစ် တည်ဆောက်ရေးနဲ့ အရည်အသွေးပြည့်ဝပြီးတိကျမှန်ကန်တဲ့စာရင်းအင်းတွေ ရရှိ အသုံးပြု နိုင်ရေး၊ နိုင်ငံတော်ရဲ့ လူမှုစီးပွားဖွံ့ဖြိုးမှုအတွက် ပြည်ပငွေကြေးနဲ့ နည်းပညာအကူအညီ အထောက်အပံ့တွေ ရရှိရေး၊ ဖွံ့ဖြိုးမှုမိတ်ဖက်တွေ၊ အစိုးရမဟုတ်တဲ့ နိုင်ငံတကာအဖွဲ့အစည်းတွေ၊ ပြည်ပနိုင်ငံတွေနဲ့ ပူးပေါင်းဆောင်ရွက်ရေးတို့ကို ဆောင်ရွက်နေပါတယ်”ဟု စီမံကိန်းနှင့် ဘဏ္ဍာရေး ဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောသည်။ ထို့အပြင် နိုင်ငံဖွံ့ဖြိုးတိုးတက်ရေး အတွက်အရေးပါသော နိုင်ငံခြား ရင်းနှီးမြှုပ်နှံမှု၊နိုင်ငံသားရင်းနှီးမြှုပ်နှံမှုများ တိုးတက်မြင့်မားစေရေးနှင့် ပုဂ္ဂလိကကဏ္ဍ ဖွံ့ဖြိုးတိုးတက်လာစေရေးတို့တွင် နိုင်ငံတော်နှင့် ဝန်ကြီးဌာနများ၏ မူဝါဒများနှင့်အညီ ဆောင်ရွက်သွားမည်ဟု ပြည်ထောင်စုဝန်ကြီးက ပြောသည်။
နိုင်ငံပိုင် စက်ပစ္စည်းများ၊ မော်တော်ယာဉ်များ စွမ်းအားပြည့် အသုံးပြုနိုင်ရေး ကို ဆောင်ရွက်သွားမည် ဖြစ်ကာ နိုင်ငံတော်က ခေတ်အဆက်ဆက်ဆောင် ရွက်ခဲ့ သည့် နိုင်ငံရေး၊အုပ်ချုပ်ရေး၊ စီးပွားရေး၊ လူမှုရေးနှင့် ယဉ်ကျေးမှု ဆိုင်ရာမှတ်တမ်းများ၊ သမိုင်းဝင်မှတ်တမ်းများ၊ မော်ကွန်းများကို လွှဲပြောင်း လက်ခံရယူစုဆောင်းခြင်းဖြင့် နိုင်ငံတော်နှင့်ပြည်သူတစ်ရပ်လုံး အားထားရသည့် မော်ကွန်းတိုက်အဖြစ် ရပ်တည်ဆောင်ရွက်နိုင်ရေး ကိုဆောင်ရွက်သွားမည်ဟု သိရသည်။
နိုင်ငံတော်၏လိုအပ်ချက်အရ ဝန်ကြီးဌာနအနေဖြင့် ဦးစားပေးကဏ္ဍအလိုက် အသုံးစရိတ် ခွဲဝေလျာထားသတ်မှတ်ရေးကို အလေးထား ဆောင်ရွက်သွား မည်ဖြစ်ပြီး နိုင်ငံတော်ပိုင်စီးပွားရေး အဖွဲ့အစည်းများ စီးပွားရေးဆန်ဆန် ဆောင်ရွက်စေရေးနှင့် နိုင်ငံတော်၏ ပညာရေး၊ ကျန်းမာရေး ကဏ္ဍများတွင် အသုံးစရိတ် ပိုမိုခွဲဝေပေးခြင်းတို့ဖြင့် အရင်းအမြစ်များ အကျိုးရှိဆုံး ခွဲဝေအသုံးချ ဆောင်ရွက်ရေး ကို ဆောင်ရွက်သွားမည်ဖြစ်သည်။
ယင်းအပြင် လက်ရှိတွင် ခေတ်စနစ်နှင့်လျော်ညီသော ပြည်သူ့ဘဏ္ဍာရေး စီမံခန့်ခွဲမှုစနစ် ဖြစ်ပေါ်လာစေရေး၊ ပြည်တွင်းငွေချေးစာချုပ် ဈေးကွက်ဖွံ့ဖြိုး တိုးတက်စေရေး၊လှည့်လည်သုံးစွဲငွေများမှ ရင်းနှီးမြှုပ်နှံငွေ အဖြစ်ပြောင်း လဲစေခြင်းဖြင့် ငွေဖောင်းပွမှုနှုန်းကိုလျော့ကျစေရန်နှင့် ငွေချေးစာချုပ်များကို ကာလရှည်၊ ကာလလတ် စသည်ဖြင့် အမျိုးအစား အမျိုးမျိုးတိုးချဲ့ ထုတ်ဝေရေးတို့ကိုလည်း စီမံဆောင်ရွက်သွားမည်ဟု သိရသည်။
“အခွန်ရငွေနဲ့ GDP အချိုးတိုးတက်စေဖို့နဲ့ နိုင်ငံတကာစံနှုန်းနဲ့ကိုက်ညီတဲ့ အခွန်စနစ် ဖြစ်လာစေဖို့အတွက် အခွန်ရုံးမှ စည်းကြပ်တဲ့စနစ်ကနေ အခွန်ထမ်းကိုယ်တိုင် အခွန်စည်းကြပ်တဲ့စနစ်ကိုကူးပြောင်းဆောင်ရွက်ရေး၊ ရှင်းလင်း လွယ်ကူတဲ့ အကောက်ခွန်လုပ်ထုံးလုပ်နည်းတွေနဲ့ ကုန်သွယ်မှု လွယ်ကူချောမွေ့စေဖို့ ရသင့်ရထိုက်တဲ့အခွန်ငွေတွေ ပြည့်ဝစွာရရှိစေရေးနဲ့ ပြည်သူတွေကို ပိုမိုထိရောက် လွယ်ကူလျင်မြန်တဲ့ ဘဏ်ဝန်ဆောင်မှု များပေးနိုင်ရေးအတွက် ဝန်ဆောင်မှုလုပ်ငန်းတွေကို အဆင့်မြှင့် တင် ဆောင်ရွက်သွားဖို့နဲ့ ပြည်ပအဆက်အသွယ်ဘဏ်များနဲ့ ပူးပေါင်းဆောင်ရွက်သွားရေး၊ အာမခံဈေးကွက် ကျယ်ကျယ်ပြန့်ပြန့် ဖြစ်ထွန်းလာစေရေးနဲ့ နိုင်ငံတကာနဲ့ရင်ပေါင်တန်း ဆောင်ရွက်နိုင်စေရေးစတဲ့ မူဝါဒတွေကိုချမှတ်ပြီး အကောင်အထည်ဖော်ဆောင်ရွက်သွားမှာပါ”ဟု ပြည်ထောင်စုဝန်ကြီးက ပြောသည်။
စီမံကိန်းနှင့် ဘဏ္ဍာရေးကြီးဌာနအနေဖြင့် နှစ်စဉ် အမျိုးသားစီမံကိန်းနှင့် ဘဏ္ဍာငွေအရ အသုံးဆိုင်ရာ ဥပဒေတွေကို ရေးဆွဲပြီးပြည်ထောင်စု လွှတ်တော် က အတည်ပြုချက်ရယူပြီး ထုတ်ပြန်ပေး နေသည်ဟု သိရသည်။
အစိုးရသစ်အနေဖြင့် ပြည်သူကိုဗဟိုပြုပြီး ပြည်သူလူထုအတွက် Quick Win ရရှိနိုင်မည့် လုပ်ငန်းများကို ဦးစားပေးဆောင်ရွက်သွားမည်ဟုသိရပြီး လုပ်နိုင်သည့် Capicityအတွင်း Direct Effect၊ Indirect Effect ရရှိနိုင်မည့်လုပ်ငန်းများကို ဦးစားပေးလုပ်ဆောင်သွားမည်ဟု ပြည်ထောင်စုဝန်ကြီး၏ ပြောကြားချက်အရ သိရသည်။
“ကျွန်တော်တို့ဌာနမှာ Servicing တဲ့ လုပ်ငန်းတွေရှိသလို ပြည်သူနဲ့ တိုက်ရိုက် မထိတွေ့တဲ့ လုပ်ငန်းတွေကိုလည်း Long-term အကျိုးခံစားခွင့် ရရှိအောင် လုပ်ဆောင်နေပါတယ်။ ဝန်ကြီးဌာနအနေနဲ့ ရက် ၁၀၀ အတွင်း ပြည်သူလူထုအတွက် Quick Win ရရှိနိုင်မယ့် လုပ်ငန်းစဉ် (၇) ရပ်ကို ဆောင်ရွက်သွားမှာဖြစ်ပါတယ်”ဟု ပြည်ထောင်စု ဝန်ကြီးက ပြောသည်။
စီမံကိန်းနှင့် ဘဏ္ဍာရေးဝန်ကြီးဌာနတွင် ဌာန၊ အဖွဲ့အစည်း စုစုပေါင်း ၁၈ ခုရှိပြီး သက်ဆိုင်ရာ လုပ်ငန်းကဏ္ဍအလိုက် နိုင်ငံတော်၏ စီမံကိန်းနှင့် ဘဏ္ဍာရေးဆိုင်ရာ လုပ်ငန်းတာဝန်အသီးသီးကို အကောင်အထည်ဖော် ဆောင်ရွက်လျက်ရှိသည်ဟု သိရသည်။
၂၀၁၆ ခုနှစ် မေ ၁ ရက်မှ ဩဂုတ် ၈ ရက်အထိ ပြည်သူများ လက်တွေ့ရရှိ ခံစားနိုင်မည့် လူမှုစီးပွားရေးတစ်ရပ်လုံး ဖွံ့ဖြိုးတိုးတက်စေရန်အတွက် ပြည်သူလူထုအခြေပြု ဖွံ့ဖြိုးမှုများ ဖြစ်ပေါ် လာစေရေး ရက်ပေါင်း၁၀၀ အတွင်း အောင်မြင်မှု Quick Win ရရှိနိုင်မည့် လုပ်ငန်းစဉ် (၇)ရပ်ဖြစ်သည့် ကုမ္ပဏီမှတ်ပုံတင်ကြေးပြင်ဆင်သတ်မှတ်ခြင်း၊ တိုင်းဒေသကြီးနှင့် ပြည်နယ်များရှိ ခရိုင်ဦးစီးရုံးများတွင် အခြေခံစီမံကိန်းရေးဆွဲခြင်း၊ ဘဏ္ဍာရေးနှင့် ရင်းနှီးမြှုပ်နှံမှုဆိုင်ရာသင်တန်းများဖွင့်လှစ်ခြင်း၊ ကျပ်သိန်း ၁၀၀၀၀ ချီးမြှင့်မည့်အောင်ဘာလေထီ ၅၀၀ ကျပ်တန်ထီ အမျိုးအစားကို တိုးချဲ့ထုတ်ဝေခြင်း၊ ဖုန်းခေါ်ဆိုခ အပေါ် ကောက်ခံရရှိသော ကုန်သွယ်လုပ်ငန်းခွန် ငါးရာခိုင်နှုန်းကို နိုင်ငံတော်အနေဖြင့် ပြည်သူလူထု အတွက် တိုက်ရိုက်အကျိုးရှိစေမည့် ကျန်းမာရေးစောင့်ရှောက်မှုတွေနှင့် ပညာရေးကဏ္ဍတွင် ထိထိရောက်ရောက် အသုံးပြုခြင်းဖြင့် ပြည်သူလူထုအပေါ် ဝန်ဆောင်မှုပေးခြင်းတို့ကို ဆောင်ရွက်သွား မည် ဟု သိရသည်။
ယင်းအပြင် ရန်ကုန်ဆိပ်ကမ်းနှင့် လေဆိပ်များတွင် အလိုအလျောက်နည်း သုံး ပစ္စည်း ရှင်းလင်းရေးစနစ်အသုံးပြုပြီး ကုန်ပစ္စည်းရှင်းလင်းရေးလုပ်ငန်း များ ကို လွယ်ကူလျင်မြန်စွာ ဆောင်ရွက် ပေးခြင်းနှင့် ဆိပ်ကမ်းထုတ်ကုန် သွင်းကုန် ရှင်းလင်းရေးလုပ်ငန်းများ၊ လေကြောင်း ကုန်စည်သွင်းကုန် ရှင်းလင်းရေးလုပ်ငန်းများ စတင်ဆောင်ရွက်သွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးမောင်မောင်ဝင်းကပြောသည်။
ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက “ကျွန်တော်တို့ဌာနက အဓိကတာဝန်ယူရတာကတော့ ရင်းနှီးမြှုပ်နှံမှုလုပ်ငန်းတွေနဲ့ပတ်သက်တာကို တာဝန်ယူဆောင်ရွက် ရပါတယ်။ ဒုတိယတစ်ချက်ကတော့ ကုမ္ပဏီတွေမှတ်ပုံတင်တာနဲ့ ဆက်စပ်တဲ့ လုပ်ငန်းတွေကိုတာဝန်ယူရပါတယ်။ ရှေ့လျှောက်ပြီး ကျွန်တ်ာတို့ ရင်းနှီးမြှုပ်နှံမှုတွေကို ဆက်လက် မြှင့်တင်သွားဖို့ရှိသလို တစ်ဖက်ကလည်း ကုမ္ပဏီတွေမှတ်ပုံတင်တာတွေနဲ့ ပတ်သက်လို့လည်း တိုးချဲ့ပြီး ဆောင်ရွက်သွားဖို့ရှိတယ်။
“အဲဒီမှာ ကုမ္ပဏီတွေမှတ်ပုံတင်တာနဲ့ ပတ်သက်ပြီး နည်းနည်းလေး အကျဉ်းချုပ်ပြီး ရှင်းပြ ချင်ပါတယ်။ နိုင်ငံသားတွေ လွယ်လွယ်ကူကူနဲ့ ကုမ္ပဏီတွေမှတ်ပုံတင်နိုင်အောင် စဉ်းစားပြီး ဖြေလျှော့သင့်တာတွေကို ကျွန်တော်တို့ ဖြေလျှော့ပေးခဲ့ပါတယ်။ နောက်မြန်ဆန်သွက်လက်အောင် လုပ်ပေးခဲ့ပါတယ်။
“သို့သော်လည်း နိုင်ငံသားတွေ အထူးသဖြင့် အသေးစား၊ အလတ်စား စီးပွားရေးလုပ်ငန်းရှင်တွေ၊ နောက်တစ်ခုက ကုမ္ပဏီထူထောင်ပြီး လုပ်ကိုင်ချင်တဲ့ နိုင်ငံသားတွေမှာ အခက်အခဲတစ်ခုသဖွယ် ဖြစ်နေတာက ကုမ္ပဏီမှတ်ပုံတင်ကြေးတွေများနေတဲ့ အနေအထားကို သွားပြီးတွေ့ရပါတယ်။ ကျွန်တော်တို့ နိုင်ငံရဲ့ ကုမ္ပဏီမှတ်ပုံတင် တဲ့ နှုန်းထားက ကုမ္ပဏီတစ်ခုထူထောင်ရင် ပုဂ္ဂလိကကုမ္ပဏီတစ်ခုကို မှတ်ပုံတင်ကြေး ၁၀ သိန်းကောက်ခံပါတယ်။ နောက် အများနဲ့သက်ဆိုင်တဲ့ကုမ္ပဏီ ထူထောင်တဲ့အခါမှာ လည်း မှတ်ပုံတင်ကြေး ၁၀ သိန်း ကောက်ခံပါတယ်။
“ဒီလိုကောက်ခံတော့ ကျွန်တော်တို့ တိုင်းပြည်ရဲ့ ကုမ္ပဏီမှတ်ပုံတင်ကြေး အခြေအနေကို အခြားတိုင်းပြည်တွေနဲ့ နှိုင်းယှဉ်လိုက်ရင်တော့ ဥပမာ စင်ကာပူမှာဆို ကုမ္ပဏီတစ်ခုကို ဒေါ်လာ ၃၀၀ လောက် ကောက်တယ် ဆိုတော့ မြန်မာငွေနဲ့ဆို သုံးသိန်းလောက်ပဲရှိတယ်။ ကမ္ဘောဒီးယားမှာဆိုရင် သူတို့ကောက်တဲ့ငွေက မြန်မာငွေ ၂၆၀၀၀၀လောက်ပဲရှိတယ်။ နောက် ဗီယက်နမ်ကိုကြည့်လိုက်ရင်လည်း သုံးသိန်းပတ်ဝန်းကျင်ပဲရှိ တယ်။ နောက်တစ်ခုက ကျွန်တော်တို့ အိမ်နီးနားချင်း လာအိုနိုင်ငံမှာဆိုရင် ၆၀၀၀၀ လောက်ပဲရှိတယ်။
“အဲဒီတော့ ကျွန်တော်တို့တိုင်းပြည်က ဆယ်သိန်းဆိုတော့ ကုမ္ပဏီမှတ်ပုံတင်ကြေးက အခြားတိုင်းပြည်တွေနဲ့နှိုင်းယှဉ်လိုက်ရင် နည်းနည်းများနေတာကို တွေ့ရပါတယ်။ အဲဒီလိုများနေတဲ့ အတွက်ကြောင့် လုပ်ငန်းရှင်တွေဟာ ကုမ္ပဏီမှတ်ပုံတင်တဲ့အခါ ခက်ခဲနေတာကို သွားပြီးတော တွေ့ရပါတယ်။ ဒါကြောင့်ကျွန်တော်တို့ ရက် ၁၀၀ အတွင်းမှာဘာကိုလုပ်သွားမလဲဆိုရင် ကုမ္ပဏီ မှတ်ပုံတင်ကြေးတွေနဲ့ ပတ်သက်ပြီးတော့ ပုဂ္ဂလိကကုမ္ပဏီတွေ၊ အထူးသဖြင့် နိုင်ငံသားတွေ ဆောင် ရွက်နေတဲ့ အသေးစား၊ အလတ်စားလုပ်ငန်းရှင်တွေ၊ နောက် မိမိရဲ့စုဆောင်းငွေနဲ့ ကုမ္ပဏီထူထောင်ပြီးလုပ်ချင်တဲ့ လုပ်ငန်းရှင်တွေအတွက်ကို လွယ်လွယ်ကူကူ ကုမ္ပဏီမှတ်ပုံတင်နိုင်အောင် ရည်ရွယ်ပြီးတော့ ၁၀ သိန်းကနေ ငါးသိန်းအထိ ထက်ဝက်လျှော့ချ သွားမယ့် အစီအစဉ်ရှိပါတယ်”ဟု ရှင်းပြသည်။
အကောက်ခွန်ဦးစီးဌာနအနေဖြင့်လည်း ရက် ၁၀၀ အတွင်း ပြည်သူလူထုအကျိုးပြုလုပ်ငန်းသုံးခု ဆောင်ရွက်သွားမည်ဟု သိရသည်။ ပထမဆောင်ရွက်ချက်အနေဖြင့် ရန်ကုန်ဆိပ်ကမ်းနှင့် လေဆိပ်များ တွင် ယခုလက်ရှိ ကုန်သေတ္တာနှင့် ကုန်စည်ရှင်းလင်းရေးကို Manual စနစ်ဖြင့် ဆောင်ရွက်နေရာမှ အချိန်ကုန်သက်သာပြီး လွယ်ကူလျင်မြန်စွာ ရှင်းလင်းထုတ်ယူနိုင်ရန်အတွက် ဂျပန်နိုင်ငံအစိုးရ အကူအညီဖြင့် အလိုအလျောက်နည်းသုံး ကုန်စည်ရှင်းလင်းရေးစနစ်ကို အကောင်အထည်ဖော် ဆောင်ရွက်နေသည်ဟု သိရသည်။ ၂၀၁၆ ခုနှစ် ဩဂုတ်လမှ အောက်တိုဘာလအထိ ယင်းစနစ်ကို စမ်းသပ် အသုံးပြုဆောင်ရွက်သွားမည်ဖြစ်ပြီး ၂၀၁၆ နှစ်ကုန်တွင် အပြည့်အဝအသုံးပြုနိုင်ရန် ဆောင်ရွက် နေသည်ဟု သိရသည်။
ဒုတိယဆောင်ရွက်ချက်အနေဖြင့် ထုတ်ုန်သွင်းကုန် ရှင်းလင်းရေးလုပ်ငန်း(ဆိပ်ကမ်း) ကုန်သေတ္တာ ရှင်းလင်းထုတ်ယူရာ မှာလည်း ပိုမိုမြန်ဆန်စွာ ဆောင်ရွက်နိုင်ရန် အဆင့်နှင့်အချိန် လျှော့ ချနိုင်ခြင်း မရှိသော်လည်း ID File တစ်ခုတည်းတွင် Green,Yellow, Red Channel စသည်ဖြင့် ကုန်သေတ္တာများ ရောနှောနေပါက Yellow, Red စစ်ဆေးပြီးမှ Green Channel ထုတ်ပေးသည့်လုပ်ငန်းစဉ်အစား Green Channel သတ်မှတ်ထားသည့် ကုန်သေတ္တာကို တိုက်ရိုက်ထုတ်ပေးခြင်း၊ ဆိပ်ကမ်းတွင် ရောက်ရှိနေပြီး အချိန်ကန့်သတ်ချက်အရ မစစ်ဆေးနိုင်သည့် Green Channel ကုန်သေတ္တာကို နောက်ရက်တွင် Channel ထပ်မံ သတ်မှတ်ခြင်းမပြုတော့ဘဲ မူလသတ်မှတ်ထားသော Green Channel အတိုင်း တိုက်ရိုက်ထုတ်ပေးခြင်းကို ဆောင်ရွက်ကာ အမယ်တစ်မျိုး တည်းဖြစ်သည့် စစ်ဆေးရလွယ်ကူသော ပစ္စည်းဖြစ်ပါက Yellow Channel ပေးပြီး စစ်ဆေးနိုင်ရန်ဆောင်ရွက်မည်ဟု သိရသည်။
တတိယလုပ်ငန်းစဉ်မှာ လေကြောင်း ကုန်စည် သွင်းကုန်ရှင်းလင်းရေး လုပ်ငန်းဖြစ်သည့် လေကြောင်း ကုန်စည်တင်သွင်းမှု များပြားလာ သည့်အတွက် လျင်မြန်စွာရှင်းလင်းထုတ်ယူနိုင်ရန် ကုန်လှောင်ရုံအတွင်း ကုန်ပစ္စည်းထားသိုမှုကို စနစ်တကျကြပ်မတ်ခြင်း၊ လာရောက်မထုတ်ယူ သည့် နှစ်၊ လကြာ ကုန်ပစ္စည်းများကို အလုံမြို့နယ်တွင်ရှိသည့် အကောက်ခွန်ဦးစီးဌာန ကုန်လှောင်ရုံသို့ပို့ခြင်း၊ ထုတ်ယူခြင်းမရှိသေးသည့် ကြန့်ကြာပစ္စည်းများ အလျင်အမြန်ထုတ်ယူနိုင်ဖို့အတွက် သက်ဆိုင်ရာ ပိုင်ရှင်၊ ကုမ္ပဏီ၊ ဌာနများကို အကြောင်းကြားညှိနှိုင်းပြီး အမြန်ထုတ် ယူစေခြင်းတို့ကို ဆောင်ရွက်သွားမည်ဟု အကောက်ခွန်ဦးစီး ဌာန ညွှန်ကြားရေးမှူးချုပ် ဦးထင်ကျော်က ရှင်းပြသည်။
စီမံကိန်းရေးဆွဲရေးဦးစီးဌာနအနေဖြင့် ပြည်ထောင်စုသမ္မတ မြန်မာနိုင်ငံတော်၏ ပထမအကြိမ် သက်တမ်းမှစတင်ကာ ပြည်သူ ဗဟိုပြု ဖွံ့ဖြိုးမှုစီမံကိန်းရေးဆွဲခြင်းကို စတင်ခဲ့သည်ဟုဆိုသည်။ Top-down ဗဟိုမှအောက်ခြေကို စီမံကိန်းရည်မှန်းချက်တွေချထားပေးသည့် နည်းစနစ်နှင့် ဆောင်ရွက်ခဲ့ရာမှ Bottom-up အောက်ခြေမှ အစပြုသည့်စီမံကိန်းရည်မှန်းချက်များ အဆိုပြုတင်ပြရေးဆွဲခြင်းစနစ်ကို ၂၀၁၁ ခုနှစ်မှစတင်ပြီးကျင့်သုံးဆောင်ရွက်ခဲ့သည်ဟု သိရသည်။
“Institution ပိုင်းအနေနဲ့ကျတော့လည်း ကျွန်တော်တို့ People Centered Development Plan, Bottom-up Plan ဆိုပေမယ့် ပြည်သူလူထုထဲမှာ ပြည်သူဗဟိုပြုဖွံ့ဖြိုးမှုစီမံကိန်းကို ပါဝင်ဆောင်ရွက်မယ့် အဖွဲ့အစည်းမရှိဘူးဖြစ်နေတယ်။ ဒါကြောင့်မို့လည်း တိုင်းဒေသကြီးနဲ့ ပြည်နယ်တွေမှာ စီမံကိန်း ရေးဆွဲရေးနဲ့ အကောင်အထည် ဖော်ဆောင်ရွက်ရေး ကော်မတီအဆင့်ဆင့်ကို မြို့နယ်တွေအထိ ဖွဲ့စည်း ပေးခဲ့ပါတယ်။
မြို့နယ်ဖွံ့ဖြိုးမှုအထောက်အကူပြုကော်မတီ၊ မြို့နယ်စည်ပင် သာယာရေးကော်မတီတွေကို လည်း ဖွဲ့စည်းဆောင်ရွက်ပေးခဲ့ပါတယ်။
“ပြည်သူဗဟိုပြုစီမံကိန်းတွေ ရေးဆွဲတဲ့အခါမှာ ပြည်သူလူထုပါဝင်ဆောင်ရွက်ဖို့ အထူး လိုအပ်ပါတယ်။
ပါဝင်ဆောင်ရွက်တဲ့အခါမှာလည်း ထိရောက်တဲ့အကြံပြုချက်တွေနဲ့ ဘက်စုံစဉ်းစားထားတဲ့ အကြံပြုချက်တွေ ရရှိပါက ပိုကောင်းလာ မှာဖြစ်ပါတယ်။ ဒါကြောင့်စီမံကိန်းနဲ့ ဘဏ္ဍာရေး ဝန်ကြီးဌာနအနေနဲ့ စီမံကိန်း၊ ငွေရေးကြေးရေးနဲ့ ရင်းနှီးမြှုပ်နှံမှုဆိုင်ရာ အခြေခံသင်တန်းကို ဖွင့်လှစ်တာဖြစ် ပါတယ်။ သင်တန်းကြေး အခမဲ့ဖြစ်ပါတယ်။ ဝန်ထမ်းသင်တန်းသား ၁၅ ဦးနဲ့ ပြင်ပ သင်တန်းသား ၁၅ ဦး စုစုပေါင်းသင်တန်းသား ၃၀ လက်ခံသင်ကြားပေးသွားမှာဖြစ်ပါတယ်။
သင်တန်းသားအရည်အချင်း သတ်မှတ်ချက်ကတော့ တက္ကသိုလ်တစ်ခုခုက ဘွဲ့ရရှိပြီးသူဖြစ်ရပါမယ်။ ဒါ့အပြင် သင်တန်းကိုအစအဆုံး ပြီးစီးအောင် တက်ရောက်နိုင်တဲ့သူလည်း ဖြစ်ရပါမယ်။ သင်ကြားပေးမယ့် ဘာသာရပ်တွေအနေနဲ့ကတော့ စီမံကိန်းဘာသာရပ်၊ ငွေရေးကြေးရေး ဘာသာရပ်နဲ့ ရင်းနှီးမြှုပ်နှံမှုဆိုင်ရာသိကောင်းစရာဘာသာရပ်တွေကို ပို့ချပေးသွားမှာပါ။
“စီမံကိန်းဘာသာရပ်မှာ စီမံကိန်း သဘောသဘာဝ၊ မြန်မာနိုင်ငံမှာရေးဆွဲခဲ့ တဲ့ စီမံကိန်းတွေ၊ စီးပွားရေး-လူမှုရေးဆိုင်ရာ ညွှန်းကိန်းတွေ၊ ကဏ္ဍ၊ဒေသန္တရ စီမံကိန်းရေးဆွဲခြင်းနဲ့ ဦးစားပေးအစီအစဉ်တွေ၊ ကျေးရွာ၊ ရပ်ကွက်ဖွံ့ဖြိုးရေးလုပ်ငန်းစဉ်တွေ ရေးဆွဲခြင်း၊စုစုပေါင်းထုတ်လုပ်မှုနဲ့ ဝန်ဆောင်မှု တန်ဖိုး တွက်ချက်ခြင်း၊ စီမံကိန်းအကောင်အထည်ဖော်ခြင်းနဲ့ ထိန်းကျောင်းကြပ်မတ်ခြင်း၊ စစ်တမ်းကောက်ယူခြင်း ဆိုင်ရာ အခြေခံအချက်အလက်တွေကို ပို့ချသွားမှာဖြစ်ပါတယ်။ ဒါ့အပြင်စဉ်ဆက် မပြတ် ဖွံ့ဖြိုးတိုးတက်ခြင်း (SDG)ကိုလည်း ထည့်သွင်းဆွေးနွေးပို့ချ မှာဖြစ်ပါတယ်။
“ငွေရေးကြေးရေးဆိုင်ရာ ဘာသာရပ်မှာ ပြည်တွင်းအခွန်ဦးစီးဌာနရဲ့ လုပ်ငန်းတွေ၊ ငွေကြေးနဲ့ ဘဏ်လုပ်ငန်း၊ မြန်မာ့အာမခံလုပ်ငန်း၊ ရသုံးမှန်းခြေငွေစာရင်းလုပ်ငန်းတွေကို ပို့ချသွားမှာဖြစ်ပြီးတော့ ရင်းနှီးမြှုပ်နှံမှုဆိုင်ရာ ဘာသာရပ်မှာတော့ ရင်းနှီးမြှုပ်နှံမှုနဲ့ ကုမ္ပဏီများဦးစီးဌာနရဲ့ လုပ်ငန်းဆောင်ရွက်ချက် တွေ၊ အာဆီယံစီးပွားရေး အသိုက်အဝန်းဘာသာရပ်တွေကို ဆွေးနွေးပို့ချမှာပါ။
“ဒီသင်တန်းတွေကို တက်ရောက်ပြီးတဲ့ အခါ စီမံကိန်းသဘောသဘာဝနဲ့ စဉ်းစားနည်းတွေကို အခြေခံနားလည်သွားမယ်။ ရင်းနှီးမြှုပ်နှံမှုဥပဒေမှာ ဘာတွေပြဋ္ဌာန်းထားတယ်၊ ကုမ္ပဏီတည်ထောင်ရင် ဘယ်လိုဆောင်ရွက်ရ မယ်ဆိုတာတွေကို အခြေခံအားဖြင့် သိရှိသွားမှာဖြစ်ပါတယ်။
ဒီအတွေ့အကြုံ ဗဟုသုတတွေအရ ပြည်သူဗဟိုပြုစီမံကိန်းတွေရေးဆွဲတဲ့ အခါ ပိုမိုထိရောက်လာမယ်လို့ မျှော်လင့်ထား ပါတယ်။ ဒါ့အပြင် အခွန်ရဲ့ သဘောတရား၊ ငွေကြေးနဲ့ ဘဏ်လုပ်ငန်း၊ ရင်းနှီးမြှုပ်နှံမှုဆိုင်ရာ ဗဟုသုတတွေ ကလည်း သင်တန်းသားတွေရဲ့ စီးပွားရေးဆိုင်ရာ စဉ်းစားချက်တွေကို အထောက်အကူပြုမယ့် အပြင် နိုင်ငံတော် တည်ဆောက်ရေး ကို တစ်ဖက်တစ်လမ်းက ထိထိရောက်ရောက် အကျိုးပြုမယ်လို့ မျှော်လင့်ပါတယ်”ဟု စီမံကိန်းရေးဆွဲရေးဦးစီး ဌာန ညွှန်ကြားရေးမှူးချုပ်ဦးမောင်မော်တင့်က ပြောသည်။
ယင်းအပြင် ပြည်တွင်းအခွန်များဦးစီးဌာနအနေဖြင့် ရက် ၁၀၀ ကာလအစီအမံအဖြစ် ပထမစီမံကိန်းမှာ ကျပ် ၅၀၀ တန် အောင်ဘာလေထီ တိုးမြှင့်ထုတ်လုပ်ရန်နှင့် ဒုတိယအစီအမံမှာ တယ်လီဖုန်းပြောဆိုခ အပေါ် ကောက်ခံသောကုန်သွယ်လုပ်ငန်းခွန်ရငွေများကို ပညာရေးဆိုင်ရာ လုပ်ငန်းများတွင် ကျခံသုံးဆွဲနိုင်ရေးဆောင်ရွက်သွားမည်ဟု သိရသည်။
“ကုန်သွယ်လုပ်ငန်းခွန်နဲ့ ပတ်သက်ပြီးတော့လည်း အနည်းငယ် ရှင်းပြချင်ပါတယ်။ ကုန်သွယ် လုပ်ငန်းခွန်ဆိုတာ သွယ်ဝိုက်ခွန် အမျိုးအစားဖြစ်ပါတယ်။ နိုင်ငံတကာကို လေ့လာတဲ့အခါကျတော့ ဖွံ့ဖြိုးပြီးနိုင်ငံတွေရဲ့ သွယ်ဝိုက်ခွန်နှုန်းထားတွေက ၂၀ ရာခိုင်နှုန်းပဲရှိပါတယ်။ အာဆီယံနိုင်ငံတွေမှာ ကြည်လို့ရှိရင်လည်း တစ်ဆယ်ရာခိုင်နှုန်း ကောက်ခံတာရှိပါတယ်။ ကမ္ဘာရဲ့ ပျမ်းမျှသွယ်ဝိုက်ခွန် ကောက်တာကို ပြန်ကြည့်မယ်ဆိုရင်လည်း တစ်ဆယ့်ငါးရာခိုင်နှုန်းကောက်ခံတာကို တွေ့ရှိရပါတယ်။ ခုကျွန်တော်တို့နိုင်ငံက ကောက်ခံနေတဲ့ ငါးရာခိုင်နှုန်းဟာ အရှေ့တောင်အာရှမှာ အနည်းဆုံးပါ။ ကမ္ဘာမှာလည်း အနည်းဆုံးပါလို့ တင်ပြလိုပါတယ်”ဟု ပြည်တွင်းအခွန်များဦးစီးဌာန ညွှန်ကြားရေးမှူးချုပ် ဦးမင်းထွဋ်က ပြောသည်။
ယင်းသို့ဖြင့် ရက် ၁၀၀ စီမံချက်အနေဖြင့် ကုမ္ပဏီမှတ်ပုံတင်ကြေးများ ပြင်ဆင် သတ်မှတ်ခြင်းကြောင့် အသေးစား၊ အလတ်စားစီးပွားရေး လုပ်ငန်းများအနေဖြင့် ကုမ္ပဏီအဖြစ် ထူထောင် မှတ်ပုံတင် ဆောင်ရွက် သည့် အနေအထားသို့ ပြောင်းလဲလာမည်ဖြစ်သဖြင့်နိုင်ငံတော်၏ မက်ခရိုစီးပွားရေး ဖွံ့ဖြိုးတိုးတက်စေခြင်း၊ သင်တန်းများ ဖွင့်လှစ်ခြင်းကြောင့်ဒေသအလိုက် ဘတ်ဂျက်ရေးဆွဲခြင်းနှင့် ဒေသအလိုက် ရင်းနှီးမြှုပ်နှံမှုဆိုင်ရာများကို သိရှိနားလည်၍ ပူးပေါင်းဆောင်ရွက်တတ်မှု အားကောင်းလာ စေခြင်း၊ ကျပ် ၅၀၀ တန် ထီအမျိုးအစား တိုးချဲ့ထုတ်ဝေရောင်းချခြင်းကြောင့် ဆုကြေးငွေများ ပိုမို များပြားလာသည်နှင့်အမျှ မိမိတို့စိတ်ကူးကို အကောင်အထည်ဖော်ဆောင် ရွက်နိုင်ခြင်း၊ ကောက်ခံရရှိသည့် ကုန်သွယ်လုပ်ငန်းခွန်များကို ကျန်းမာရေးစောင့်ရှောက်မှုနှင့် ပညာရေးကဏ္ဍများတွင် ထိရောက်စွာ သုံးစွဲခြင်းကြောင့် ပြည်သူလူထုအတွက် တိုက်ရိုက်အကျိုးရှိစေခြင်း၊ ရန်ကုန်ဆိပ်ကမ်းနှင့် လေဆိပ်များတွင် ထုတ်ကုန်သွင်းကုန် ရှင်းလင်းရေးလုပ်ငန်းနှင့် လေကြောင်းကုန်စည်ရှင်းလင်းရေးလုပ်ငန်းများကို ပြုပြင်ပြောင်းလဲမှုများ ဆောင်ရွက်ခြင်းကြောင့်လွယ်ကူမြန်ဆန်ခြင်း၊ အချိန်ကုန်သက်သာခြင်း၊ အဆင်ပြေ ချောမွေ့ခြင်းတို့ကို ရရှိလာစေမည်ဟု ပြည်သူလူထုဗဟိုပြုကာ ရည်မှန်းချက်ထား ဆောင်ရွက်နေသည့် စီမံကိန်းနှင့်ဘဏ္ဍာရေးဝန်ကြီးဌာန၏ ရက် ၁၀၀ စီမံချက်အပေါ် အများပြည်သူများသိရှိစေရန်အလို့ငှာ ရေးသားတင်ပြလိုက်ရပါသည်။


 



 


စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်သူ့အတွက် ပထမ ရက် ၁၀၀ မှာ ဘာတွေ လုပ်ဆောင်မှာလဲ

 မေ ၂၃
နယ်စပ်စခန်းများတွင်သွင်းကုန်လိုင်စင်ရရှိပြီးတင်သွင်းရန်ကျန်နေသည့် ယာဉ်ယန္တရားများကို သွင်းကုန်လိုင်စင် တိုးမြှင့်ပေးပြီးတင်သွင်းခွင့်ပြုမည်ဖြစ်သည်။ နယ်စပ်ဒေသမှ လုပ်ငန်းသုံးယာဉ်ယန္တားများ ကို ပြန်လည်တင်သွင်းခွင့်ပြုပြီး ပြည်ပမှ တင်သွင်းခွင့်ပြုထားသည့်လုပ်ငန်းသုံးယာဉ်ယန္တရားများနှင့် ပတ်သက်ပြီးယခင်ကကုမ္ပဏီတစ်ခုကို ၁ နှစ်အတွင်း ၁၀ စီးတင်သွင်း ခွင့်ပြုရာမှလိုင်စင်တစ်စောင်ကိုလုပ်ငန်းသုံးယာဉ်ယန္တရား ၁၀ စီးနှုန်းဖြင့်လုပ်ငန်းလိုအပ်ချက်အပေါ်မှုတည်ပြီး ပြင်ဆင်ဖြေလျော့ ခွင့်ပြုပေးသွားမည်ဖြစ်သည်။
နယ်စပ်ဒေသမှ ဒေသခံကုန်သည်ငယ်များအတွက်တစ်ဦးချင်းကုန်သွယ်မှု လုပ်ငန်းရှင်ကတ် (Individual Trading Card-ITC)နှင့် တစ်ရက်ကိုကျပ်သိန်း ၂၀ နှုန်းဖြင့် ၅ ရက်စာတစ်ကြိမ် ကျပ်သိန်း ၁၀၀ ခွင့်ပြုပေးရာမှတစ်ရက်ကျပ်သိန်း ၃၀ နှုန်းဖြင့် ၅ ရက် စာကျပ်သိန်း ၁၅၀ အထိတိုးမြှင့်ဆောင်ရွက်ခွင့် ပြုသွားမည်ဖြစ်သည်။
ရန်ကုန် ပို့ကုန်သွင်းကုန်ရုံးတွင်ပို့ကုန်သွင်းကုန် လိုင်စင်လျှောက်ထားသည့် အခါတွင်လည်းနေပြည်တော် နည်းတူ ပြင်ဆင်ဖြေလျော့ပေးသွားမည်ဖြစ်ပြီး ပြည်ပကိုတင်ပို့ရန် ကန့်သတ်ထားသည့် ပို့ကုန် ၁၂ မျိုးအနက်မှ အချို့ကိုဖြေလျော့ တင်ပို့ ခွင့်ပြုနိုင်ရေးဆောင်ရွက်ပေးသွားမည်ဖြစ်သည်။
လိုင်စင်သက်တမ်းတိုးပြီးတင်သွင်းမည့် ယာဉ်ယန္တရားများကို မြဝတီကုန်သွယ် ရေးဇုန်၊ မှုဆယ် ၁၀၅ မိုင် ကုန်သွယ်ရေး ဇုန်နှင့်တာချီလိတ်နယ်စပ် ကုန်သွယ်ရေးစခန်းများမှ တင်သွင်းခွင့်ပြုမည်ဖြစ်ပြီးလိုင်စင်ပါ အချက်များနှင့် ကွဲလွဲမှု မရှိစေရန် စနစ်တကျတင်သွင်းနိုင်ရေးကိုလိုင်စင်ထုတ်ပေးသည့်ကုန်သွယ်ရေးဦးစီးဌာန၊ တင်သွင်းခွင့်ပြုပေးမည့် အကောက်ခွန် ဦးစီးဌာနနှင့်ယာဉ်မှတ်ပုံတင်ပေးမည့် ကုန်းလမ်းပို့ဆောင်ရေး ညွှန်ကြားမှုဦးစီးဌာနတို့မှ ပူးပေါင်းပြီးစစ်ဆေးဆောင်ရွက် သွားမည်ဖြစ်ကာလုပ်ငန်းလိုအပ်ချက်ရှိလာလျှင် ဌာနများပူးပေါင်းပြီးစီမံဆောင်ရွက်သွားမည်ဖြစ်သည်။
ပြည်ပကိုတင်သွင်းခွင့်မပြုသည့်ကုန်ပစ္စည်း ၁၂ မျိုး မှ ပြောင်းလဲလာသည့် ခေတ် ကာလအခြေအနေအရပန်းနှင်းဆီ (မုန်ညင်း၊ မုန်ညင်းဆီ) ၊ နေကြာ၊ နေကြာဆီ ၊သုံးမျိုးကို ပြည်ပတင်ပို့ရန် ဦးစွာဖြေလျော့ပေးသွားမည့်အပြင် ကျန်ကုန်ပစ္စည်းများ ထဲမှအချို့ကိုလည်းသက်ဆိုင်ရာအဖွဲ့အစည်း၊ ဌာနဆိုင်ရာများနှင့် ထပ်မံဖြေလျော့နိုင်ရန် ဆက်လက်ညှိနှိုင်းမှုများပြုလုပ် သွားမည်ဖြစ်သည်။ ပြည်ပကတင်သွင်းသည့်ကုန်ပစ္စည်း H.S code Line ၁၀၀၀ ကျော်ထဲမှ ၄၄၀၀ ခန့်ကိုသာသွင်းကုန် လိုင်စင်လျှောက်ထားရန် သတ်မှတ်ထားပြီးသက်ဆိုင်ရာဝန်ကြီးဌာနများနှင့် ညှိနှိုင်းဆွေးနွေးကာကျန်ှရှိနေသည့် H.S code Line ၄၄၀၀ ထဲမှ ထောက်ခံချက်ရယူရန် မလိုအပ်သည့် အချို့လိုင်းများကိုထပ်မံဖြေလျော့ပေးသွားမည်ဖြစ်သည်။
ရက် ၁၀၀ အတွင်းအွန်လိုင်းစနစ် အပြည့်အဝသုံးစွဲနိုင်ရေးစနစ်ကိုထောက်ခံချက်ရယူရန်မလိုသည့် ကုန်ပစ္စည်းများနှင့် CMP အထည်ချုပ်လုပ်ငန်းများအတွက် လျှောက်ထားမှုများကိုဦးစွာဆောင်ရွက်သွားမည်ဖြစ်သည်။လိုင်စင်လျှောက်ထားရာတွင် အင်တာနက်ရရှိသည့် မည်သည့်နေရာမှမဆို ရုံးကိုလာရောက်ရန်မလိုဘဲရယူနိုင်စေပြီးငွေပေးချေခြင်း၊ ထောက်ခံချက် စစ်ဆေးခြင်း၊ အချက်အလက်လုံခြုံမှု စသည့်စနစ်များကိုထည့်သွင်းဆောင်ရွက်သွားမည်။
အာဆီယံနိုင်ငံများနှင့် စုစည်းချိတ်ဆက်ထားသည့်ATR(Asean Trade Repository)ကိုလည်းတစ်ပြိုင်တည်းချိတ်ဆက်နိုင်ရန် စီစဉ်ဆောင်ရွက်ပြီးဖြစ်ကာ မြန်မာနိုင်ငံ၏ Myanmar National Trade Repository ကိုယခုလအကုန်တွင်တရားဝင် လွှင့်တင်ပေးနိုင်ရန် စီမံဆောင်ရွက်သွားမည် ဖြစ်သည်။

နယ်စပ်ရေးရာဝန်ကြီးဌာနနှင့် ရက် ၁၀၀ လှုပ်ရှားမှု ၉ ရပ်

မေ ၂၀
အစိုးရသစ်၏ ရက် ၁၀၀ လှုပ်ရှားမှုအစီအစဉ်အတွင်း နယ်စပ်ရေးရာ ဝန်ကြီးဌာန၏ အကောင်အထည် ဖော်ဆောင်ရွက်မည့် စီမံချက် လုပ်ငန်းစဉ်များသည်လည်း တစ်ခန်း တစ်ကဏ္ဍအဖြစ် ပါဝင်လျက်ရှိသည်။
ထို့ကြောင့် ဆောင်ရွက်မည့်လုပ်ငန်းစဉ်များကိုသိရှိနိုင်ရန် ပြည်ထောင်စု ဝန်ကြီး ဒုတိယ ဗိုလ်ချုပ်ကြီး ရဲအောင်အား တွေ့ဆုံမေးမြန်းထားသည်။
မေး။ ပြည်သူ့လိုအပ်ချက်တွေကို ဖြည့်ဆည်းပေးနိုင်မယ့် ဝန်ကြီးဌာနရဲ့ ရက် ၁၀၀စီမံချက်ကို သိလိုပါတယ်။
ဖြေ။ ဝန်ကြီးဌာနအနေနဲ့ ရက် ၁၀၀ အတွင်းမှာ ပြည်သူ့ လိုအပ် ချက်တွေ ဖြည့် ဆည်း နိုင်ဖို့အတွက် လုပ်ငန်းစဉ် (၉) ရပ် ချမှတ် အကောင်အထည်ဖော်ဆောင်ရွက်လျက်ရှိပါ တယ်။
လုပ်ငန်းစဉ် (၁) အနေနဲ့ နိုင်ငံတစ်ဝန်းမှာဖြစ်ပေါ်နေတဲ့ ရာသီဥတု အခြေအနေကြောင့် နယ်စပ်ဒေသတွေမှာ သောက်သုံးရေနဲ့ စိုက်ပျိုးရေ ရှားပါးတဲ့အတွက် ကျေးရွာအချို့မှာမိုးရာသီ အတွင်း ရေစုဆောင်းနိုင်ဖို့ ရည်ရွယ်ပြီး ရေတွင်း၊ ရေကန်တွေ ပြန်လည်ပြုပြင် ခြင်း၊ အသစ် တူးဖော်ခြင်း လုပ်ငန်းတွေကို အကောင်အထည်ဖော် ဆောင်ရွက်လျက် ရှိပါတယ်။
လုပ်ငန်းစဉ်(၂)ကတော့ ဝန်ကြီးဌာနရဲ့ ၂၀၁၅-၂၀၁၆ ဘဏ္ဍာရေးနှစ် အတွင်းမှာ အကောင်အထည်ဖော်ဆောင်ရွက်ပြီးစီးခဲ့တဲ့ တည်ဆောက်ရေး လုပ်ငန်းတွေကို သတ်မှတ် စံချိန်စံညွှန်းတွေနဲ့အညီ အရည်အသွေးပြည့်မီ မှု ရှိ၊ မရှိနဲ့ အားနည်းချက်၊ အားသာချက်တွေကို ဒေသအလိုက် လုပ်ငန်းစစ်ဆေးရေးအဖွဲ့တွေ ဖွဲ့စည်းပြီး ကွင်းဆင်းစစ်ဆေးဆောင် ရွက်သွားမှာ ဖြစ်ပါတယ်။
လုပ်ငန်းစဉ် (၃) အဖြစ် ၂၀၁၆ ခုနှစ်အတွင်း ရာသီဥတုဖောက်ပြန်မှုကြောင့် ပျက်စီး ဆုံးရှုံးခဲ့တဲ့ ဌာနပိုင်လမ်း၊ တံတားနဲ့ အဆောက်အအုံတွေ ပြန် လည်ပြုပြင်ရေး လုပ်ငန်းတွေ ပြီးစီးအောင် ဆောင်ရွက်သွားမှာဖြစ်ပါတယ်။
လုပ်ငန်းစဉ် (၄) အနေနဲ့ ရခိုင်ပြည်နယ် အပါအဝင် အခြားဒေသတွေမှာ ရှိတဲ့ ရွှေ့ပြောင်း ဒုက္ခသည် IDP တွေကို ပြန်လည်နေရာချထားရေးနှင့် စပ်လျဉ်းပြီး ပြည်နယ်/ တိုင်းဒေသကြီးအစိုးရအဖွဲ့တွေက စီမံ တင်ပြ တောင်းခံ လာရင် နိုင်ငံတော်အစိုးရရဲ့ မူဝါဒ၊ လမ်းညွှန်ချက်တွေနဲ့ အညီ အခြားသောဝန်ကြီး ဌာနတွေ၊ နိုင်ငံတကာ အဖွဲ့အစည်းတွေနဲ့ ပူးပေါင်းပြီး တန်ဖိုးနည်းနေအိမ်တွေ၊ လမ်း၊ တံတား၊ ရေရရှိရေး တွေ ပါဝင်တဲ့ တည်ဆောက် ရေးလုပ်ငန်းတွေနဲ့ စားနပ်ရိက္ခာဖူလုံရေးကိုပါ အကောင်အထည် ဖော်ဆောင်ရွက်သွားမှာ ဖြစ်ပါတယ်။
လုပ်ငန်းစဉ် (၅) ကတော့ ဝန်ကြီးဌာနမှာရှိတဲ့ အရာထမ်း၊ အမှုထမ်းတွေနဲ့ ဆရာ၊ဆရာမတွေကို လုပ်ငန်းစွမ်းဆောင်ရည်မြှင့်တင်ရေး မွမ်းမံသင် တန်းတွေ ဖွင့်လှစ် ဆောင်ရွက်သွားမှာ ဖြစ်ပါတယ်။
လုပ်ငန်းစဉ် (၆) အဖြစ်နယ်စပ်ဒေသတွေမှာရှိတဲ့ တိုင်းရင်းသား၊ တိုင်းရင်း သူတွေ ကို ပြည်ထောင်စုစိတ်ဓာတ်ရင့်သန်ခိုင်မာရေး၊ တိုင်းရင်းသား ယဉ်ကျေးမှုဖလှယ်ရေး၊ ချစ်ခင်စည်းလုံးညီညွတ်ရေးနဲ့ ဒေသန္တရ ဗဟုသုတ ရရှိ ရေးတို့အတွက် နေပြည်တော်၊ ရန်ကုန်နဲ့မန္တလေးမြို့ တွေ ကို လေ့လာရေးခရီးစဉ်တွေ စီစဉ်ဆောင်ရွက်ပေးသွားမှာဖြစ်ပါတယ်။
လုပ်ငန်းစဉ် (၇) အနေနဲ့ ၂၀၁၆-၂၀၁၇ ဘဏ္ဍာရေးနှစ်မှာ ဆောင်ရွက်ဖို့ ခွင့်ပြုထားပြီးဖြစ်တဲ့ တည်ဆောက်ရေးလုပ်ငန်းတွေထဲ က ဝန်ကြီးဌာန အစီအစဉ်နဲ့ ဆောင်ရွက်နိုင် မယ့် တည်ဆောက်ရေးလုပ်ငန်းတွေ ကို ဆောင်ရွက်ပြီး မဆောင်ရွက်နိုင်သေးတဲ့ တည်ဆောက် ရေး လုပ်ငန်းတွေ ကို လုပ်ငန်းအပ်နှံဆောင်ရွက် နိုင်ဖို့အတွက် လုပ်ထုံး လုပ်နည်းနဲ့အညီ ပွင့်လင်းမြင်သာစွာ တင်ဒါခေါ် ယူနိုင်ရေး ဆောင်ရွက် သွားမှာ ဖြစ်တယ်။
လုပ်ငန်းစဉ် (၈) အဖြစ် အဂတိလိုက်စားမှုနဲ့ လာဘ်ပေးလာဘ်ယူ ပပျောက်စေရေး အတွက်အရာထမ်း၊ အမှုထမ်းတွေကို အသိပညာပေးခြင်း၊ အဂတိလိုက်စားမှုကို ဖြစ်ပေါ်စေနိုင်တဲ့ကိစ္စရပ်တွေ ကြိုတင် ကာကွယ်နိုင် ဖို့အတွက် ရုံးလုံခြုံရေးစနစ်ကို အဆင့်မြှင့်တင်ခြင်းတွေဆောင်ရွက်လျက်ရှိ ပါတယ်။
လုပ်ငန်းစဉ် (၉) ကတော့ ဝန်ကြီးဌာနကဖွင့်လှစ်ထားတဲ့ အမျိုးသမီး အိမ်တွင်းမှု သက်မွေးလုပ်ငန်း ပညာသင်တန်းကျောင်းတွေက တိုင်းရင်းသူလေးတွေကိုရန်ကုန်မြို့ ဗဟိုလေ့ကျင့်ရေးကျောင်းမှာ အဆင့်မြင့် မော်တာစက်ချုပ်သင်တန်းကို ၂၀၁၆ ခုနှစ် ဇွန်လမှာ ၁၀၀၊ ဇူလိုင်လမှာ ၁၀၀ သင်ကြားပို့ချပေးပြီး အသိအမှတ်ပြုလက်မှတ် တွေ ထုတ်ပေးမယ်။ ဆက်လက်ပြီး အဲဒီ သင်တန်းဆင်းတွေကို ပုဂ္ဂလိက အထည်ချုပ် လုပ်ငန်းတွေမှာ ကျွမ်းကျင်ဝန်ထမ်းတွေအဖြစ် ခန့်အပ်ပေးနိုင်ရေး သက်ဆိုင်ရာ ဌာန တွေနဲ့ ညှိနှိုင်းဆောင်ရွက် သွားမှာ ဖြစ်ပါတယ်။ထို့အတူ ချင်းပြည်နယ်၊ ကရင်ပြည်နယ်၊ ကယားပြည်နယ်မှာရှိတဲ့ အိမ်တွင်းမှုသက်မွေးလုပ်ငန်း ပညာ သင်တန်းကျောင်းတွေမှာ ရိုးရာဂျပ်ခုတ်၊ ရက်ကန်း သင်တန်းတွေကို ငွေအရင်းအနှီးနဲ့ နည်းပညာတွေပံ့ပိုးကူညီပေးပြီး ရိုးရာအဝတ်အထည်များကို ဈေးကွက်ရရှိရေးဆောင်ရွက်သွားမှာဖြစ်ပါတယ်။
မေး။ ဝန်ကြီးအနေနဲ့ ဖြည့်စွက်ပြောကြား လိုတာရှိရင် ပြောပြပေးပါဦး။
ဖြေ။ ဝန်ကြီးဌာနရဲ့ မဟာဗျူဟာကတော့နယ်စပ်ဒေသ ဖွံ့ဖြိုးရေးအတွက် နိုင်ငံတော်မှချမှတ်ထားသော ပြည်သူ ဗဟိုပြုဖွံ့ဖြိုးရေး မူဝါဒ(People Centered Development Policy)ပေါ်မှာအခြေခံပြီး နယ်စပ်ဒေသမှာ ရှိတဲ့ ပြည်သူတွေရဲ့ လိုအင်ဆန္ဒတွေ ကို ပြည်သူ့စွမ်းအားဖြင့် အကောင်အထည်ဖော် ဆောင်ရွက်ရန်ဖြစ်ပါတယ်။
အဲဒီ မဟာဗျူဟာနဲ့အညီ တိုင်းရင်းသားလူမျိုးတွေ ရဲ့ ဒေသဖွံ့ဖြိုး တိုးတက်ရေး နှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးဆိုင်ရာ အခြေခံအဆောက်အအုံတွေကိုအကောင်အထည်ဖော်ဆောင် ရွက်ပေးလျက်ရှိပါတယ်။ ။






















Sunday, May 22, 2016

ပို့ဆောင်ရေးနဲ့ ဆက်သွယ်ရေးကဏ္ဍ ရက် ၁၀၀ အတွင်း ဘာတွေ ဖော်ဆောင်မလဲ

မေ ၂၂
ယခင်က ပို့ဆောင်ရေး၊ ဆက်သွယ်ရေး၊ သတင်းအချက် အလက်နှင့် နည်းပညာ၊ ရထားပို့ဆောင်ရေးစသည့် ဝန်ကြီးဌာနသုံးခုကို ပူးပေါင်းကာ ပြန်လည်ဖွဲ့စည်း ထားပြီးဖြစ်သည့် ပို့ဆောင်ရေးနှင့် ဆက်သွယ်ရေးဝန်ကြီးဌာန၏ ရက်ပေါင်း ၁၀၀တွင်း ပြည်သူတို့ အတွက် ဆောင်ရွက်ချက်များအနက်မှ အများပြည်သူတို့ သိသင့်သည့် လုပ်ငန်းဆောင်ရွက်မှုများအား ပြည်ထောင်စုဝန်ကြီးအပါအဝင် ဌာန အသီးသီးမှ တာဝန်ရှိသူများနှင့် တွေ့ဆုံမေးမြန်းထားသည်။
ဦးသန့်စင်မောင်
ပြည်ထောင်စုဝန်ကြီး
ပို့ဆောင်ရေးနှင့် ဆက်သွယ်ရေးဝန်ကြီးဌာန
မေး။ ပို့ဆောင်ရေးနှင့် ဆက်သွယ်ရေးဝန်ကြီးဌာနရဲ့ ရက် ၁၀၀ စီမံကိန်းမှာ ဦးစား ပေးလုပ်ငန်းတစ်ခုအဖြစ်ပါဝင်တဲ့ အမျိုးသား သယ်ယူပို့ဆောင်ရေး မူဝါဒတစ်ရပ် ရေးဆွဲ နိုင်ရေးကို အကောင်အထည်ဖော်ဆောင်ရွက်နေတာနဲ့ ပတ်သက်ပြီး ရှင်းပြပေးစေ ချင်ပါတယ်ရှင့်။
ဖြေ။ ကျွန်တော်တို့နိုင်ငံဟာ သယ်ယူပို့ဆောင်ရေးကဏ္ဍမှာ သူများနိုင်ငံတွေ ထက် အဘက်ဘက်ကနိမ့်ကျနေတာ ပြည်သူလူထု တစ်ရပ်လုံး သိပြီး ဖြစ်ပါတယ်။ ဖြစ်ရတဲ့အကြောင်းအရင်းကတော့ အရင်ကတည်းကသယ်ယူပို့ဆောင်ရေးမူဝါဒ ကောင်းကောင်းမွန်မွန် ခိုင်ခိုင်မာမာမရှိတာရယ်၊ ရင်းနှီးမြှုပ်နှံမှုအစီအစဉ်တွေမှာ ချွတ်ချော်နေတဲ့ကိစ္စတွေရှိနေတာကြောင့် ကျွန်တော်တို့နိုင်ငံဟာ အခုလို အစစအရာရာ နိမ့်ကျနေတယ်လို့ကျွန်တော်ယုံကြည်တယ်။ ဒါကြောင့်လည်း အမျိုးသားသယ်ယူ ပို့ဆောင်ရေးမူဝါဒတစ်ရပ်ရေးဆွဲနိုင်ဖို့ ပြုလုပ်နေပါ တယ်။ မေလ ၂၃ ရက်နဲ့ ၂၄ ရက်လောက်မှာ ADB အကူအညီနဲ့ အလုပ်ရုံဆွေးနွေးပွဲတစ်ခု ပြုလုပ်ဖို့ရှိပါတယ်။ ကျွန်တော်တို့နိုင်ငံက အမျိုးသားသယ်ယူပို့ဆောင်ရေးမူဝါဒတစ်ရပ်ရေးဆွဲရေးဟာ ရက် ၁၀၀ အတွင်းမှာ ပထမဦးဆုံးပြုလုပ်မယ့် လုပ်ငန်းတစ်ရပ်ဖြစ်ပါတယ်။
မေး။ ဝန်ကြီးဌာနအနေနဲ့ ရက် ၁၀၀ အတွင်းမှာ ဆောင်ရွက်သွားမယ့် အခြားသော လုပ်ငန်းစဉ်တွေကိုလည်း သိပါရစေရှင့်။
ဖြေ။ ပို့ဆောင်ရေးနှင့် ဆက်သွယ်ရေး ဝန်ကြီးဌာနအောက်မှာ ဌာနပေါင်း ၁၈ ခုရှိပြီး သက်ဆိုင်ရာဌာနအလိုက် ရက် ၁၀၀ အတွင်း ဆောင်ရွက် သွားမယ့် လုပ်ငန်းစဉ် ၁၇ ခု ရှိပါတယ်။ လေကြောင်း ကဏ္ဍ၊ ရေကြောင်းကဏ္ဍ၊ကုန်လမ်းပို့ဆောင်ရေးကဏ္ဍ၊ မီးရထား ကဏ္ဍ၊ ဆက်သွယ်ရေးကဏ္ဍနဲ့ မိုးလေ၀သနဲ့ ဇလဗေဒ ဆိုင်ရာ ကဏ္ဍအလိုက စီမံကိန်းတွေချမှတ်ပြီး ရက်ပေါင်း ၁၀၀ အတွင်း ပြည်သူလူထုအကျိုး ရှိစေမယ့်လုပ်ငန်းတွေ လုပ်ကိုင်သွားမှာဖြစ်ပါတယ်။
မေး။ လေကြောင်းကဏ္ဍအတွက် အဓိက ဆောင်ရွက်သွားမယ့် အပိုင်းကိုလည်း ရှင်းပြ ပေးပါရှင့်။
ဖြေ။ ပို့ဆောင်ရေးကဏ္ဍတစ်ခုဖြစ်တဲ့ လေကြောင်းကဏ္ဍမှာတော့ သိသာ ထင်ရှားတဲ့ ဆောင်ရွက်မှုကတော့ ART လေယာဉ် အကြီးစား ပြုပြင်ရေး ကို လေယာဉ်ထုတ်လုပ်တဲ့ ကုမ္ပဏီမှအင်ဂျင်နီယာများရဲ့ကြီးကြပ် မှုနဲ့ မြန်မာအမျိုးသားလေကြောင်းလိုင်းက ပထမ ဦးစွာ စတင်ဆောင်ရွက် မှာဖြစ်ပါတယ်။ မြန်မာနိုင်ငံမှာရှိတဲ့ ပုဂ္ဂလိကလေ ကြောင်းတွေရော၊ နိုင်ငံ ပိုင် လေကြောင်းတွေရောရှိတဲ့နေရာမှာ ART လေယာဉ် အမျိုးအစား ၃၀ ကျော်ကို သုံးစွဲနေပါတယ်။ ဒါတွေပြင်ဆင်ဖို့လိုအပ်လာရင် အခြား နိုင်ငံတွေမှာ သွားပြင်နေရပါတယ်။ဒါကြောင့် မလိုအပ် ဘဲ နိုင်ငံခြားငွေတွေလည်း ပိုမိုသုံးစွဲနေရတယ်။ ဒါကြောင့်မို့ ကိုယ့်နိုင်ငံမှာပဲ ပြင်ဆင်နိုင်အောင် ကြိုးပမ်းဆောင်ရွက်ခြင်း ဖြစ်ပါတယ်။
မေး။ ရေကြောင်းကဏ္ဍမှာရော ရက်ပေါင်း ၁၀၀ အတွင်း လုပ်ဆောင်မယ့် အစီ အစဉ်တွေနဲ့ အများပြည်သူနဲ့သက်ဆိုင်တဲ့ ကဏ္ဍတွေမှာ ဘယ်လိုအကျိုးကျေးဇူးတွေ ရလာမလဲဆိုတာ သိချင်ပါတယ်ရှင့်။
ဖြေ။ ရေကြောင်းကဏ္ဍမှာတော့ ရေကြောင်း ပို့ဆောင်ရေးညွှန်ကြားမှု ဦးစီးဌာန အနေနဲ့ မြစ်အတွင်းမှာသွားလာနေတဲ့ ရေယာဉ်တွေကို စနစ်တကျသွားလာအောင်၊ စည်း ကမ်းရှိအောင် ပညာပေး တာ၊ ဟောပြော တာ အဲဒါတွေကို ပထမလုပ်ငန်းစဉ်အနေနဲ့ သတ်မှတ်ထားပါတယ်။
ဒုတိယတစ်ခုအနေနဲ့ကတော့ ရေအရင်းအမြစ်နဲ့ မြစ်ချောင်းများဖွံ့ဖြိုးတိုးတက်ရေး ဌာနအနေနဲ့ ပြည်ထောင်စုဘတ်ဂျက်နဲ့ ရေလမ်းထိန်းသိမ်းရေးနှစ်ခု လုပ်မယ်။ တိုင်း ဒေသကြီးတွေရဲ့ ဘတ်ဂျက်နဲ့ မြစ်ကမ်းပြို ထိန်းသိမ်းမှုတွေကို ၃၆ နေရာလုပ်မယ်။အားလုံးပေါင်း ၃၈ နေရာ မှာ ရေလမ်းထိန်း သိမ်းရေးလုပ်ငန်းတွေကို ရက် ၁၀၀ အတွင်း
မှာ ပြုလုပ်သွားမယ်လို့ ချမှတ်ထားပါတယ်။
ချင်းတွင်းမြစ်နဲ့ ဧရာဝတီမြစ်က အိုနေတယ်။ တကယ်တမ်းမူရင်းရောဂါ ကတော့ မြစ်ကြီးအိုနေတယ်။ မြစ်ရဲ့ရေလမ်းကြောင်း မကောင်းဘူး။ အပေါ်က အနယ်အနှစ်ကျမှုတွေ၊ သစ်တောပြုန်းတီး မှုတွေ၊ သတ္တုတွေကို စည်းကမ်းမဲ့တူးဖော်မှုတွေကြောင့် အနည်ကျ ပြီးတော့ မြစ်က တဖြည်းဖြည်းနဲ့ တိမ်ကောလာပြီး ရေကြီးရေလျှံမှုတွေ၊ ကမ်းပြိုမှုတွေ ဖြစ်ပေါ်လာတာဖြစ်ပါတယ်။ အခုကျတော့တကယ် အရင်းအမြစ် ရောဂါဖြစ်တဲ့ ရေလမ်းထိန်းသိမ်းရေးကိုမလုပ်နိုင်ဘဲ မြစ်ကမ်းပြိုတာတွေပဲ လိုက်ပြီး ပြုပြင်နေတာ တကယ်တမ်းမြစ်ကြောင်း တစ်ခုလုံးသာ ကောင်းမွန်သွားရင် ကမ်းပြိုတာ တွေလည်းရှိမှာ မဟုတ်ဘဲ ရေကြောင်းသွားလာမှုလုပ်ငန်းတွေ ဖွံ့ဖြိုးလာ မှာ ဖြစ်ပါတယ်။ ဒါတွေကိုတော့ နောက်လာမယ့် စီမံကိန်းတွေမှာ ရေးဆွဲသွားမှာဖြစ်ပါ တယ်။ လောလောဆယ်ကတော့ ရက် ၁၀၀ အတွင်းမှာ နေရာ ၃၈ နေရာရေ လမ်းကြောင်း ထိန်းသိမ်းသွားမှာဖြစ်ပါတယ်။
မေး။ ကုန်းလမ်းပို့ဆောင်ရေးကဏ္ဍမှာ ရက်ပေါင်း ၁၀၀ အတွင်း ဆောင်ရွက်ပေး သွားမယ့် ပြည်သူ့ဝန်ဆောင်မှုလုပ်ငန်းများ အကြောင်းကို ပြောပြပေးပါဦးရှင့်။
ဖြေ။ ကုန်းလမ်းပို့ဆောင်ရေးကဏ္ဍမှာ အဓိကကတော့ ယာဉ်မတော်တဆမှုတွေ ကြောင့် ယာဉ်တိုက်မှုတွေများနေတယ်။ ဒါကြောင့်မို့ ယာဉ်စည်းကမ်း၊ လမ်းစည်းကမ်း ထိန်းသိမ်းရေး ပညာပေးလုပ်ငန်းတွေကို အားလုံးပေါင်း အကြိမ် ၅၀ လုပ်မယ် ဆိုပြီးတော့ ညွှန်ကြားထားပါတယ်။ ဒီထက်မကလည်း လုပ်ဆောင်သွားဖို့ရှိပါတယ်။ ဒုတိယ လုပ်ဆောင်ချက်အနေနဲ့ကတော့ ယာဉ်မောင်းလိုင်စင် (ခ၊ ဂ၊ ဃ၊ င) လိုင်စင်တွေမှာ Chip ပါတဲ့ နိုင်ငံတကာအဆင့်မီတဲ့ လိုင်စင်ကတ်တွေ အပြီးထုတ် ပေးသွားဖို့ ရည်ရွယ်ထားပြီး စတင်ထုတ်ဝေပေးနေပါပြီ။
မေး။ အများပြည်သူခရီးသွားလာရေးနဲ့ ဆိုင်တဲ့ မီးရထားကဏ္ဍမှာရော ရက်ပေါင်း ၁၀၀ အတွင်းဆောင်ရွက်ပေးမယ့် လုပ်ငန်းစဉ် တွေအကြောင်း ရှင်းပြပေးပါဦးရှင့်။
ဖြေ။ မီးရထားကဏ္ဍမှာတော့ ရထား ဝန်ထမ်းတွေ ပြည်သူလူထုကို ဆက်ဆံတဲ့အခါမှာ တကယ့်ကို ယဉ်ကျေးပျူငှာအောင်၊ ချိုချိုသာသာ ပြောဆို တတ်အောင် လေ့ကျင့်ပေး နေပါတယ်။ ပြည်သူ့ဆက်ဆံရေးဆိုတဲ့ စာအုပ် တစ်အုပ် ထုတ်ပြီးတော့ ပြည်သူ့ ဆက်ဆံရေးဘာသာရပ်ကို တိုင်း ၁၁ တိုင်းက မီးရထားဝန်ထမ်းတွေအကုန်လုံး ဖြန့်ဝေတာတွေဟောပြော ပို့ချတာတွေ ဆောင်ရွက်နေပါတယ်။
ဒုတိယတစ်ခုအနေနဲ့ မြစ်ငယ်နဲ့ ပုလိပ်ကြားမှာ ပေ ၈၆၀ ရှိတဲ့ ဒုဋ္ဌ၀တီမြစ် ကူးတံတားလမ်းပိုင်းဟာ ရန်ကုန်-မန္တလေး မီးရထားလမ်း တစ်လျှောက် ဒွေးလမ်း အားလုံးရဲ့ တစ်ခုတည်းသော ကျန်နေတဲ့ တစ်လမ်းတည်းရှိတဲ့ လမ်းဖြစ်ပါတယ်။ ဒါကို ဒွေးလမ်းအဖြစ် အသုံးပြုနိုင်ရန် ဇူလိုင်လမတိုင်ခင် အပြီးဆောင်ရွက်သွားဖို့ရှိပါတယ်။
တတိယလုပ်ဆောင်ချက်အနေနဲ့ကတော့ ရထားကဏ္ဍနဲ့ပတ်သက်ပြီး စီးပွားရေး တွက်ခြေမကိုက်တဲ့လမ်းကြောင်းတွေကို လျှော့ချမယ်။ အရင်ကတော့ လမ်းတွေ အများကြီး ဖွင့်ပေမယ်လို့ တကယ်တမ်း စီးပွားရေးတွက်ခြေမကိုက်ဘူး။ ပြည်သူလူထု အနေနဲ့လည်း မလိုအပ်တဲ့၊အသုံးမပြုတဲ့လမ်းတွေကို တဖြည်းဖြည်းနဲ့လေ့ လာပြီးတော့ ပြုပြင်သွားဖို့ရှိပါတယ်။တွက်ခြေမကိုက်တာတွေကို လေ့လာဖို့ စတင်ဆောင်ရွက်နေ ပါတယ်။
ဦးစိုးသိန်း
ညွှန်ကြားရေးမှူးချုပ်
ဆက်သွယ်ရေးညွှန်ကြားမှုဦးစီးဌာန
မေး။ 2600 MHz (၂၀၆ GHz ) ကို လေလံတင်မယ့် အကြောင်းနဲ့ ဆောင် ရွက် မယ့် အနေအထားကို ကျယ်ကျယ်ပြန့်ပြန့် သိရှိပါရစေရှင့်။
ဖြေ။ ရက် ၁၀၀ စီမံကိန်းအတွင်းမှာ ဌာနအနေနဲ့ ဆောင်ရွက်မှာကတော့ ၂၆၀၀ MHz လေလံတင်မှာဖြစ်ပြီးတော့ 2600 MHz က Broad Band ဝန်ဆောင်မှုပေးတဲ့လုပ်ငန်းမှာ အဓိကကျတဲ့ လှိုင်းနှုန်းဖြစ် ပါတယ်။
Broad Band တိုးတက်ရင် နိုင်ငံရဲ့ GDP နဲ့ တိုက်ရိုက် အချိုးကျတာဖြစ်တဲ့အတွက် နိုင်ငံတော် မှာ Broad Band ဝန်ဆောင်မှု တိုးတက်ဖို့ အခြားနိုင်ငံတွေနဲ့စာရင် အများကြီးလိုအပ်နေ တယ်။ Broad Band ဝန်ဆောင်မှုကိုပေးဖို့ နည်းလမ်းနှစ်မျိုးရှိပါတယ်။ Fit Broad Broad နဲ့ Fiber to the home? နောက်တစ်ခုကလှိုင်းနှုန်းစဉ်သုံးတဲ့ ဝန်ဆောင်မှုဖြစ်ပါတယ်။
လှိုင်းနှုန်းနဲ့ပတ်သက်ပြီးတော့ 2600 Broad Band ဝန်ဆောင်မှုပေးရာမှာ အဓိက ကျတဲ့ လှိုင်းနှုန်း၊ လက်ရှိတယ်လီဖုန်း အော်ပရေတာတွေ မှာ ပေးထားတဲ့ 900 MHz တို့၊ 1100 MHz တို့ ထုတ်ပေးခဲ့ပြီးဖြစ်ပါတယ်။
နောက်နှစ်အလိုက် ဘယ်လှိုင်းနှုန်းတွေကို ပေးမယ်ဆိုတာကို လှိုင်းနှုန်းစဉ် Roadmap မှာ အတည်ပြုကြေညာထားပြီး ဖြစ်ပါတယ်။
2600 MHz ကို အတည်ပြုပေးမယ်။ သုံးခွင့်ပေးမယ်။ Release လုပ်မှာနဲ့အညီ ဆက်လက်ဆောင်ရွက်တဲ့လုပ်ငန်းဖြစ်ပါတယ်။ ဒါကြောင့်မို့ ဒီလုပ်ငန်းကို ရက် ၁၀၀ အတွင်းမှာ စတင်ဆောင်ရွက်သွားမှာဖြစ်ပါတယ်။
ဦးထွန်းလွင်ဦး
ညွှန်ကြားရေးမှူးချုပ်
ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန
မေး။ ကမ်းပြိုထိန်းသိမ်းမှုနှင့် ရေလမ်းကြောင်း ထိန်းသိမ်းရေး လုပ်ဆောင် မယ့် ဒေသ တွေက ဘယ်နေရာတွေဖြစ်မလဲရှင့်။ ဦးစားပေး ဆောင်ရွက်မယ့်အနေအထားနဲ့ ဘဏ္ဍာငွေ သုံးစွဲမှုအခြေ အနေလေး သိပါရစေရှင့်။
ဖြေ။ ကမ်းပြိုကာကွယ်ရေး ၃၆ ခုနဲ့ ရေ လမ်းကြောင်း ကာကွယ်ရေး လုပ်ငန်း နှစ်ခု အပါအဝင် အားလုံးပေါင်း ၃၈ ခုရှိပါတယ်။ အဓိကဆောင် ရွက်သွားမှာကတော့ ရန်ကုန် တိုင်းဒေသကြီးမှာ နှစ်ခု၊ ပဲခူးတိုင်းဒေ သကြီးမှာ တစ်ခု၊ မကွေးတိုင်းဒေသကြီးမှာတစ်ခု၊ မန္တလေးတိုင်းဒေ သကြီးမှာ ခုနစ်ခု၊ စစ်ကိုင်းတိုင်းဒေသကြီးမှာ ၁၃ ခု၊ ရခိုင်ပြည်နယ်မှာ
လေးခု၊ မွန်ပြည်နယ်မှာ နှစ်ခု၊ ကချင်ပြည်နယ် မှာ ခြောက်ခု စုစုပေါင်း ကမ်းပြို ကာကွယ်ရေးလုပ်ငန်း ၃၆ ခုကို ရက် ၁၀၀ အတွင်း မှာ ပြုလုပ်သွား မှာဖြစ်ပါတယ်။ ဆောင်ရွက်ဆဲတွေလည်း ရှိပါတယ်။
၂၀၁၆-၂၀၁၇ ဘဏ္ဍာရေးနှစ်မှာ ၁၄၂ခု ဆောင်ရွက်ဖို့လျာထားပါတယ်။ သို့သော်လည်း ဘဏ္ဍာငွေကန့်သတ်ချက်နဲ့လုပ်ငန်းရဲ့ Priority အပေါ် မူတည်ပြီးတော့ ဆောင်ရွက် သွားမှာဖြစ်ပါတယ်။
အဓိက ကတော့ ငါးနှစ်ဖွံ့ဖြိုးရေးစီမံကိန်း အနေနဲ့တော့ ဧရာဝတီ ဏမသနြခအပါ။ ဧရာဝတီကို ကမ္ဘာ့ဘဏ်ရဲ့ထောက်ပံ့မှုနဲ့ လုပ်ငန်းတွေဆောင်ရွက်နေပါတယ်။ တစ်ဖက်က လည်း Inland port Development ဖြစ်ပါတယ်။
မြစ်ကြောင်းတွေကောင်းမွန်ရုံနဲ့လည်း မရပါဘူး။ ဆိပ်ကမ်းတွေကောင်း မွန်အောင်လည်းဆောင်ရွက်နေတာဖြစ်ပါ တယ်။ ဒါကြောင့်မို့ မန္တလေးမှာ ဆိပ်ကမ်းကောင်းကောင်းမရှိတဲ့အတွက် ကွန်တိန်နာတွေကို အတင်၊ အချ ပြုလုပ်နိုင်တဲ့ ဆိပ်ကမ်းတစ်ခုဖြစ်လာအောင်
ကွန်တိန်နာသယ်နိုင်တဲ့ ရေယာဉ်တွေကို အထောက်အကူပြုနိုင်တဲ့ ဆိပ်ကမ်းတွေကိုလည်း တိုးမြှင့်ဆောင်ရွက်သွားမှာဖြစ်ပါတယ်။
ဦးစိုင်းစောလင်းထွန်း
ညွှန်ကြားရေးမှူးချုပ်
မြန်မာ့ဆက်သွယ်ရေးလုပ်ငန်း
မေး။ Intelset Satellite Operation နဲ့ စာချုပ်ချုပ်ဆိုပြီးရင် ဂြိုဟ်တုအသုံးပြုဖို့ လုပ်ငန်းစနိုင်မယ့်အခြေအနေနဲ့ လက်ရှိ အနေအထားထက် ကွာခြားစွာရရှိလာနိုင်တဲ့ အကျိုးကျေးဇူးတွေက ဘာတွေရှိလာမလဲ သိပါရစေရှင့်။
ဖြေ။ Intelset Satellite Operation နဲ့စာချုပ်ချုပ်ဆိုပြီးရင် ဇွန်လလောက် လုပ်ငန်း စတင်ပါမယ်။ အခုလိုပြုလုပ်ခြင်းအားဖြင့်ဂြိုဟ်တုငှားခဈေးနှုန်းတွေ သက်သက်သာသာနဲ့ သုံးစွဲလာနိုင်မယ်။ နောက်တစ်ခုကတော့ ဂြိုဟ်တုစနစ်နဲ့ အဝေးဖိုက်ဘာဆက်ကြောင်းတွေ၊ မိုက်ခရို ဆက်ကြောင်းတွေ မြန်မာနိုင်ငံရဲ့ ဒေသတော်တော်များများကို ဆက်သွယ်ရေး ဝန်ဆောင်မှုပေးသွားနိုင်မှာဖြစ်ပါတယ်။
ဘယ် နေရာကမဆို ဆက်သွယ်သုံးစွဲနိုင်ရေးအတွက် ဝန်ဆောင်မှုပေးသွားနိုင်ဖို့ အကျိုးကျေးဇူးတွေ ရမှာဖြစ်ပါတယ်။
မေး။ လက်ရှိမှာ မြန်မာနိုင်ငံရဲ့ မိုဘိုင်း ဖုန်း သုံးစွဲမှုပမာဏနဲ့ နိုင်ငံရဲ့ ဘယ်လောက် ရာခိုင်နှုန်းကို ဆက်သွယ်ရေးကဏ္ဍက လွှမ်းခြုံ ထားနိုင်ပြီလဲ သိရပါရစေရှင့်။
ဖြေ။ လက်ရှိ မြန်မာနိုင်ငံရဲ့ mobile ဖုန်းသုံးစွဲမှုပမာဏအနေနဲ့ MPT အနေနဲ့က တော့ ၆၆ ရာခိုင်နှုန်းလောက် လွှမ်းခြုံထားပြီး ဖြစ်ပါတယ်။ ၂၀၁၆ ခုနှစ်ကုန်လောက်မှာတော့ ၇၅ ရာခိုင်နှုန်းရဖို့ ရည်မှန်းထားပါတယ်။
လာမယ့် ငါးနှစ်တာကာလအတွင်းမှာ ၈၅ ရာခိုင်နှုန်းလောက်ထိ လွှမ်းခြုံနိုင်အောင် ရည်မှန်းထားပါတယ်။ ရက် ၁၀၀ အတွင်းမှာ မိုဘိုင်းစခန်း ၅၀၀ တည်ဆောက်ဖို့ လျာထားပါတယ်။
ယနေ့အထိ ၂၂၀ လောက်ပြီးသွားပါပြီ။ ရှေ့ဆက်ပြီးလည်း လူထုဝန်ဆောင် မှုကို မြန်မြန်ရရှိစေဖို့ ဆောင်ရွက်ပေးသွား မှာဖြစ်ပါတယ်။
မိုဘိုင်းဝန်ဆောင်မှုကောင်းဖို့ လိုအပ်တဲ့အတွက် အလုံမှာလည်း Mobile Operation Center ဖွင့်လှစ်နေပါပြီ။ ကတ်ပျောက်၊ကတ်ပျက် စတဲ့ ဆက်သွယ်ရေးဝန်ဆောင်မှုတွေကို တိုင်းဒေသကြီးနဲ့ ပြည်နယ်နေရာ အနှံ့က ပြည်သူတွေ အရင်ကလို ရန်ကုန်၊ မန္တလေးမြို့ကြီးတွေမှာ လာလုပ်စရာမလိုဘဲနဲ့ ကိုယ့်ဒေသမှာ ပြုလုပ်နိုင်အောင် Brand shop
တွေ ဖွင့်လှစ်သွားမယ်။
နောက်တစ်ခုက ရေအောက်ကေဘယ်လ်အမှတ် (၅)ကို ၂၀၁၆ ခုနှစ်ကုန် ၂၀၁၇ ခုနှစ်နှစ်ဆန်းပိုင်းမှာ ဝန်ဆောင်မှုစတင်ပေးနိုင်ဖို့ ရည်ရွယ်ပြီး ဆောင်ရွက်နေ ပါတယ်။ ရက်၁၀၀ အတွင်းမှာ ကုန်းတွင်းဆက်ကြောင်းကိုပြီးအောင်ဆောင်ရွက်သွားမှာ ဖြစ်ပါတယ်။
ဒေါက်တာကျော်မိုးဦး
ဒုတိယညွှန်ကြားရေးမှူးချုပ်
မိုးလေ၀သနှင့် ဇလဗေဒညွှန်ကြားမှုဦးစီးဌာန
မေး။ ရန်ကုန်ရေဒါစခန်း ပြီးစီးမယ့်ခန့်မှန်းနေ့ရက်နဲ့ ရန်ကုန်ရေဒါစခန်းရဲ့ သုံးစွဲတဲ့ နည်းပညာ၊ နိုင်ငံတကာစံနှုန်းတွေကိုလည်းရှင်းပြပေးပါရှင့်။
ဖြေ။ ရေဒါစခန်းကို JICA အကူအညီနဲ့တည်ဆောက်နေပါတယ်။ ကမ္ဘာအေးမှ ၇၇ မီတာမြင့်တဲ့ တာဝါတိုင်ဆောက်လုပ်နေတာ ဇွန်လကုန်လောက်ပြီးမှာပါ။ ဒါပြီးရင် ရေဒါတပ်ဆင်မှာကတော့ ရက် ၁၀၀ ကျော်သွားမယ်။ အဆောက်အအုံကတော့ ရက် ၁၀၀အတွင်းပြီးမယ်။ ရန်ကုန်မှာ ရေဒါတပ်ဆင်ပြီးရင်တော့ ရန်ကုန်ဧရိယာ တစ်ဝိုက်မှာရှိတဲ့ မိုးလေ၀သသတင်းတွေကို ပိုပြီးတိတိကျကျ ခန့်မှန်းကြေညာနိုင်မှာ ဖြစ်ပါတယ်။
မေး။ လက်ရှိထုတ်ပြန်ပေးမှုတွေ အပြင် ပြည်သူတွေပိုမိုစိတ်ဝင်စား လာအောင် ထုတ်ပြန်မှု ကို ပြောင်းလဲမယ့်အစီအစဉ်တွေရောရှိပါသလား။
ဖြေ။ ဒီနှစ်က အယ်နီညိုရော၊ လာနီညာပါ ရှိနေတဲ့နှစ်ဆိုတော့ အဲဒီ သတင်းတွေကို ပြည်သူလူထုကို မြန်မြန်ဆန်ဆန်နဲ့ပိုပြီးတော့မှန်မှန်ကန်ကန်ကြေညာနိုင်ဖို့ ဆောင်ရွက် သွားမှာ ဖြစ်ပါတယ်။