Monday, May 16, 2016

■ ပြည်သူ့အတွက် ပထမ ရက် ၁၀၀ တွင် ဆောက်လုပ်ရေးဝန်ကြီးဌာန ဘာတွေလုပ်ဆောင်မှာလဲ 
(အပိုင်း - ၁) ■
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬

ပြည်သူ့အတွက်ရက် ၁၀၀ အတွင်းပြည်သူလူထု လမ်းပန်းဆက်သွယ်ရေး ပိုပြီးအဆင်ပြေလုံခြုံစိတ်ချ၊ ကောင်းမွန်စေရန် လမ်းများအားအဆင့်မြှင့်တင်ပြီး မူလလမ်များကိုလည်း တိုးချဲ့ဆောင်ရွက်သွားမည် ဖြစ်ပါသည်။ ပြည်သူလူထု စိတ်ဝင်စားသည့် လမ်းတစ်ခုဖြစ်သည့် ရန်ကုန်-မန္တလေးအမြန်လမ်းမကြီးအား ဦးစားပေး ပြီးပြုပြင်သွားမည်ဖြစ်ပြီးရန်ကုန်ဘက် ၁၀ မိုင်နှင့် နေပြည်တော် ဘက် ၁၀ မိုင်ပဏာမအဆင့် အနေဖြင့် ငါးပေတိုးချဲ့ပြီး ပြုပြင်သင့် သည့်နေရာများကိုဆောင်ရွက် သွားမည်ဖြစ်သည်။

လမ်းပေါ်တွင်ရှိသည့်တံတားပေါင်း ၁၃၈ စင်းကိုလည်း အဆင်းအတက် ပိုပြီးချောမွေ့စေရန် ဆောင်ရွက်သွားမည်ဖြစ်ပြီး ဧပြီလ ၁ ရက်နေ့ကစပြီးတော့ Sifting လို့ခေါ်သည့် Campaign များကို ယာဉ်အတွက်ဆောင်ရွက်လျက်ရှိသည်။ ထို့အပြင် တိုင်းဒေသကြီးနှင့်ပြည်နယ် ၁၄ ခု ကိုနိုင်လွန် ကတ္တရာခင်းသည့် စက် ၁၄ စုံပို့ပြီးမြို့များအဆင့်အတန်းကိုမြှင့်တင်ဆောင်ရွက် မည်ဖြစ်ပါသည်။

ပြည်သူများသွားလာရေးပိုပြီးချောမွေ့ရန်၊ မလိုလားအပ်သည့် ကုန်ကျစရိတ်များမရှိရန် တိုးဂိတ် ၃၀၂ ဂိတ်ရှိသည့်အနက် ၁၆၁ ဂိတ်ကိုအသုံးပြုခ ကောက်ခံမှု လျော့ချပေးခဲ့ပါသည်။ အချိန်ကြာမြင့်စွာ ယာဉ်ကြပ်တည်းမှုမဖြစ်ပေါ်စေ ရန် နောင်ချိုနှင့်ကျောက်မဲနေရာများတွင် LEDများဖြင့် ဂုတ်တွင်း မှာဖြစ်နေ သည့် အနေအထားကိုInformation များပေးဆောင်ရွက်သွားမည် ဖြစ်သည်။

ဧရာဝတီ၊ ချင်းတွင်း၊ သံလွင်၊ စစ်တောင်းမှာရှိသည့် တံတားကြီးအားလုံး ကိုပြန်ပြီး စိစစ်ပြီးခေတ်မီ နည်းစနစ်များအသုံးပြုသွား မည်ဖြစ်ပြီးရက် ၁၀၀ အတွင်းနေရာ ၂၄၀၀ လောက်ကို အကုန်လုံးပြင်ဆင် သွားမည်ဖြစ်သည်။တံတားဦးစီးဌာန အနေဖြင့် မြစ်ကူး၊ ချောင်းကူးတံတား၊ လမ်းမကြီးများတွင်ရှိသည့် တံတားများအနက်ပေ ၁၈၀ နှင့်အထက် တံတား ၁၃၈ စင်းကိုအဓိကထား ပြုပြင်ဆောင်ရွက် သွားမည်ဖြစ်သည်။ ရက် ၁၀၀ အတွင်းတိုင်းနှင့်ပြည်နယ် များတွင်ပြီးနိုင်မည့် တံတားအစင်းပေါင်း ခန့်မှန်းခြေ ၂၄၉၀ လောက်ရှိရှိပြီးတံတားများ၏ အတက်အဆင်းပြေပြစ်အောင် လုပ်ဆောင်မည်ဖြစ် သည်။

တန်ဖိုးနည်းအိမ်ရာနှင့်ပတ်သက်၍ သိန်း ၁၀၀ အောက်ကိုရနိုင်သမျှဆောက်ပေးသွားရန် ရည်ရွယ် ထားပါသည်။ မြို့ပြအိမ်ရာ စီမံကိန်းဖွံ့ဖြိုးတိုးတက်ရေးကို ရန်ကုန်နှင့်မန္တလေးတွင် ဦးစားပေး ဆောင်ရွက်မည်ဖြစ်ပါသည်။ ရက် ၁၀၀ စီမံကိန်းအတွင်း တန်ဖိုးနည်း အိမ်ရာကအခန်းပေါင်း ၂၂၀၀ ရှိပြီးစနစ်အနေဖြင့်အားလုံးကျေနပ်သည့် စနစ်တစ်ခုဆောင်ရွက်မည်ဖြစ်ပြီး ၉၀ ရာခိုင်နှုန်း အထိပြီးစီး နေသည့် ကနောင်တန်ဖိုးနည်းအိမ်ရာ၊ ယုဇနတန်ဖိုးနည်းအိမ်ရာအပိုင်း(၁)နှင့် ရွှေလင်ပန်း တန်ဖိုးနည်း အိမ်ရာအပိုင်း(၃)တို့မှ ထွက်ရှိမည့် အခန်းပေါင်း ၂၂၀၀ ခန့်ကိုလည်းရက် ၁၀၀ အတွင်းရောင်းချ နိုင်ရေးပြင်ဆင်လျက် ရှိပါသည်။ နေပြည်တော်တွင်လည်း ရွှေနံ့သာရပ်ကွက်တွင် နမူနာအဖြစ် ၄၀၀ စတုရန်းပေ ကျယ်ဝန်းသည့်စံနမူနာပြ အိမ်ရာစီမံကိန်းကိုတည်ဆောက်သွားမည်ဖြစ်သည်။

မြေစီမံခန့်ခွဲမှုတွင်လည်း မြေငှားစာချုပ် ထုတ်ပေးခြင်းများကို ရက်(၁၀၀)အတွင်းမှာ ပြည်သူများ လာရောက်ဆောင်ရွက် သည့်အခါ ၄၅ ရက်အတွင်း ပြီးပြတ်အောင် အလေးပေးပြီးမြေစီမံခန့်ခွဲမှု ဝန်ဆောင်မှုအဖြစ် ဆောင်ရွက်လျှက်ရှိပြီး ရန်ကုန်တိုင်းဒေသကြီးညွှန်ကြားရေးမှူးရုံးတွင် ပြည်သူ့ ဝန်ဆောင်မှုဌာနစိတ်ဖွင့်လှစ်ပြီး ပြည်သူများလိုအပ်နေသည့် ပါမစ်ဆောင်ရွက်ခြင်း၊ မြေငှားစာချုပ် ဆောင်ရွက်ခြင်း၊ အကြောင်းကြောင်းကြောင့် မြေငှားစာချုပ်များ ပျောက်ဆုံး သွားသည့် အခါ မြေငှား စာချုပ် မိတ္တူမှန်ထုတ်ပေးခြင်း၊ ပြည်သူတွေ နေအိမ်ဆောက်သည့်အခါ လိုအပ်နေ သည့် မြေတိုင်း တာခြင်း၊ မြေရာဇဝင်ကူးရေးဆွဲခြင်း လုပ်ငန်းများကို ဆက်လက် ဆောင်ရွက်ပေးသွား မည်ဖြစ်ပါသည်။


 

No comments:

Post a Comment