Wednesday, September 7, 2016

အသစ်ပေါ်ထွန်းလာသည့် နိုင်ငံတော်အတိုင်ပင်ခံရုံးဝန်ကြီး ဌာနနှင့် ပြည်သူ့အတွက် ရက် ၁၀၀ မှသည် အနာဂတ်မျှော်မှန်းချက်များ


ဇွန် ၂၆
နိုင်ငံတော်၏အတိုင်ပင်ခံပုဂ္ဂိုလ်ဆိုင်ရာ ဥပဒေကို ယခုနှစ် ဧပြီ ၆ ရက် က ပြဋ္ဌာန်းနိုင်ခဲ့ပြီး ယင်းဥပဒေနှင့် အညီ နိုင်ငံတော်အစိုးရသစ် တာဝန်ယူ စဉ် “ နိုင်ငံတော်၏အတိုင်ပင်ခံရုံး ဝန်ကြီးဌာန” ဆိုသည့် ဝန်ကြီးဌာနသစ် တစ်ခုလည်း ပေါ်ထွက်လာခဲ့သည်။
နိုင်ငံတော်အတိုင်ပင်ခံရုံးဝန်ကြီးဌာနသည် နိုင်ငံရေးအကျဉ်းသားများ လွတ်မြောက်ရေး၊ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်မှု အကောင်အထည်ဖော်ရေး၊ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး၊ ပြည်ထောင်စု ငြိမ်းချမ်းရေးညီလာခံ (၂၁ ရာစုပင်လုံ) ကျင်းပရေးစသည့် နိုင်ငံအတွက် အရေးကြီးသည့် ကဏ္ဍများကို အကောင်အထည်ဖော် ဆောင်ရွက်လာကြောင်း တွေ့မြင်လာရသည်။
ထိုကဲ့သို့ နိုင်ငံတွင် အရေးပါသည့်လုပ်ငန်းများကို မည်ကဲ့သို့ ဖွဲ့စည်းဆောင်ရွက် နေသည်ကို ပြည်သူများသိရှိနိုင်ရန် ပြည်ထောင်စုဝန်ကြီး ဦးကျော်တင့်ဆွေနှင့် တွေ့ဆုံမေးမြန်းမှုအား ဖော်ပြလိုက်ပါသည်။
မေး။ ။ နိုင်ငံတော်အတိုင်ပင်ခံရုံး ဝန်ကြီးဌာနအနေနဲ့ ယခုအစိုးရသစ် တာဝန်ယူချိန်မှ ထူးထူးခြားခြား ပေါ်ပေါက်လာတာဖြစ်တဲ့အတွက် ဘယ်လိုဖွဲ့စည်းထားတယ်ဆိုတာ ပြည်သူတွေသိအောင် ပြောပြပေးပါ။
ဖြေ။ ။ ကျွန်တော်တို့ နိုင်ငံတော်အတိုင်ပင်ခံရုံး ဝန်ကြီးဌာနဟာ နိုင်ငံတော်၏ အတိုင်ပင်ခံ ပုဂ္ဂိုလ်ဆိုင်ရာ ဥပဒေအရ နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို လိုအပ်တာတွေ ပံ့ပိုး ကူညီပေးနိုင် ဖို့၊ နိုင်ငံတော်၏ အတိုင်ပင်ခံပုဂ္ဂိုလ် ချမှတ်ပေးတဲ့ မူဝါဒတွေကို အကောင်အထည်ဖော်ရာမှာ တတ်နိုင်သမျှ ပေါင်းစပ်ညှိနှိုင်းပေးဖို့ အထောက်အကူပြု ဝန်ကြီးဌာနတစ်ခုအနေနဲ့ ဖွဲ့စည်းခဲ့တာဖြစ်ပါတယ်။ ဖွဲ့စည်းပုံ ကတော့ နိုင်ငံတော်၏အတိုင်ပင်ခံပုဂ္ဂိုလ် ဦးစားပေး ဆောင်ရွက်လိုတဲ့ ရည်မှန်းချက်တွေကို အခြေခံပြီး ရေးဆွဲ ထားပါတယ်။
ဖွဲ့စည်းပုံအင်အားအရ အရာထမ်း ၁၀၁ ဦးနဲ့ အမှုထမ်း ၂၃၁ ဦး စုစုပေါင်း ၃၃၂ ဦးနဲ့ ရေးဆွဲထားပါတယ်။ ဒါပေမယ့် သုံးပုံနှစ်ပုံ အင်အား ထက် ကျော်လွန် ခန့်အပ်ခြင်း မပြုဖို့ မူဝါဒရှိထားတဲ့အတွက် ကျွန်တော်တို့ ဝန်ကြီးဌာနအနေနဲ့ ကျစ်ကျစ်လျစ်လျစ်နဲ့ လိုအပ်တဲ့အင်အားကို စတင်ဖွဲ့စည်းသွားမှာ ဖြစ်ပါတယ်။ လက်ရှိအချိန်မှာတော့ ဖွဲ့စည်းဆဲကာလဖြစ်ပါတယ်။
မေး။ ။နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာ ဥပဒေကို ဧပြီ ၆ ရက် မှာ ပြဋ္ဌာန်းခဲ့ပြီး ဖြစ်ပါတယ်။ နိုင်ငံတော်အတိုင်ပင်ခံရုံး ဝန်ကြီးဌာနအနေနဲ့ ဘယ်လိုမူဝါဒတွေ ချမှတ်ထားပါသလဲ။ ရက် ၁၀၀ အတွင်း ဆောင်ရွက်မှာနဲ့ ဆက်လက် ဆောင်ရွက် သွားမယ့် လုပ်ငန်းစဉ်တွေကိုလည်း သိပါရစေ။
ဖြေ။ ။ နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာဥပဒေကို ဧပြီ ၆ ရက် မှာ ပြဋ္ဌာန်း ခဲ့ ပါတယ်။ဒီဥပဒေရဲ့ ပုဒ်မ (၃) အရ ကျွန်တော်တို့ဝန်ကြီး ဌာနဆောင်ရွက်ရမယ့် လုပ်ငန်းနယ်ပယ်ကတော့ အချုပ်အားဖြင့် လေးခု ရှိပါတယ်။ နံပါတ်(၁) ကတော့ “ပါတီစုံဒီမိုကရေစီစနစ်ထွန်းကားရေး”၊ နံပါတ်(၂)က “ဈေးကွက်စီးပွားရေးစနစ် ပီပြင်ရေး”၊ နံပါတ်(၃) “ဖက်ဒရယ်ပြည်ထောင်စုနိုင်ငံတော် တည်ဆောက်ရေး” နဲ့ နံပါတ်(၄)အနေနဲ့ “ပြည်ထောင်စုငြိမ်းချမ်းရေးနဲ့ ဖွံ့ဖြိုးတိုးတက်ရေး” တို့ပဲ ဖြစ်ပါတယ်။
ဒီရည်ရွယ်ချက်တွေက ကျွန်တော်တို့ဝန်ကြီးဌာနက ဆောင်ရွက်ရမယ့် မူဝါဒတွေပဲ ဖြစ်ပါတယ်။ ဒါ့အပြင် နိုင်ငံတော်၏အတိုင်ပင်ခံပုဂ္ဂိုလ် ချမှတ်ပေးတဲ့ အခြားလုပ်ငန်း တာဝန်တွေကိုလည်း ဆောင်ရွက်သွား မှာဖြစ်ပါတယ်။ ရက် ၁၀၀ အတွင်းမှာ ဘာတွေ ဆောင်ရွက်မလဲဆိုတာနဲ့ ပတ်သက်ပြီး ပြောရရင်နိုင်ငံတော်၏အတိုင်ပင်ခံပုဂ္ဂိုလ်ရဲ့ ဆောင်ရွက်ချက်တွေနဲ့ ဆက်စပ်နေပါတယ်။
တိတိကျကျ ခွဲခြားပြီးပြောရရင်တော့ နိုင်ငံရေးအကျဉ်းသားတွေ၊ နိုင်ငံရေးနဲ့ ဆက်နွှယ်ပြီး အမှုရင်ဆိုင်နေရတဲ့ ကျောင်းသားကျောင်းသူတွေ လွတ်မြောက် ဖို့၊ နိုင်ငံတော်သမ္မတရုံး ပြင်ဆင်ဖွဲ့စည်းဖို့နဲ့ ရုံးလုပ်ငန်းတွေ စနစ်တကျစီမံ ခန့်ခွဲ ဖို့၊ မြန်မာနိုင်ငံငြိမ်းချမ်းရေး ပြန်လည်ထူထောင်ရေးဗဟိုဌာန(MPC) ကို အမျိုးသား ပြန်လည် သင့်မြတ်ရေးနဲ့ ငြိမ်းချမ်းရေးဗဟိုဌာန အဖြစ် ပြင်ဆင်ဖွဲ့စည်းဖို့၊ ရခိုင်ပြည်နယ် တည်ငြိမ်အေးချမ်းဖို့နဲ့ ဖွံ့ဖြိုးတိုးတက်ဖို့၊ ပြည်ထောင်စုငြိမ်းချမ်းရေးညီလာခံ (၂၁ ရာစု ပင်လုံ) အကြို ပြင်ဆင်ဖို့ ဆောင်ရွက်သွားပါ့မယ်။
ပြီးတော့ နိုင်ငံတော်၏အတိုင်ပင်ခံပုဂ္ဂိုလ်နဲ့ ပြည်ထောင်စု ဝန်ကြီးဌာနတွေ၊ တိုင်းဒေသကြီး/ ပြည်နယ် အစိုးရအဖွဲ့တွေအကြား လိုအပ် တဲ့ ပေါင်းစပ်ညှိနှိုင်း မှုတွေ ဆောင်ရွက်ပေးဖို့၊နိုင်ငံတော်၏ အတိုင်ပင်ခံ ပုဂ္ဂိုလ်နဲ့ နိုင်ငံတကာအသိုင်းအဝိုင်းအကြား လိုအပ်တဲ့အခါတွေ မှာကြားခံအဖြစ်ဆောင်ရွက်ပေးဖို့၊ နိုင်ငံတော်အတိုင်ပင်ခံရုံး ဝန်ကြီးဌာနဖွဲ့စည်းဖို့နဲ့ လုပ်ငန်းတာဝန်တွေ ပုံမှန်ဆောင်ရွက်နိုင် ဖို့၊ နိုင်ငံတော်၏ အတိုင်ပင်ခံပုဂ္ဂိုလ်ပေးအပ်တဲ့ တာဝန်တွေကို အကောင်အထည်ဖော် ဆောင်ရွက်ဖို့ကိုလည်း လုပ်ဆောင် သွားမယ်။
ဒါတွေကို ရက် ၁၀၀ အတွင်း ဆောင်ရွက်ခဲ့တာ၊ လက်ရှိဆောင်ရွက်နေတာနဲ့ ဆက်ပြီးဆောင်ရွက်သွားမယ့် တာဝန်တွေဖြစ်ပါ တယ်။ ရေရှည်ကာလ မှာတော့ နိုင်ငံတော်၏ အတိုင်ပင်ခံ ပုဂ္ဂိုလ်ဆိုင်ရာ ဥပဒေ၊ ပုဒ်မ (၃) ပါ မူဝါဒတွေရယ်၊ နိုင်ငံတော်၏ အတိုင်ပင်ခံ ပုဂ္ဂိုလ်ပေးအပ်တဲ့ လုပ်ငန်းတာဝန်တွေရယ်ကိုဆောင်ရွက်သွားမှာ ဖြစ်ပါတယ်။
မေး။ ။ နိုင်ငံရေးအကျဉ်းသားတွေ၊ နိုင်ငံရေးတက်ကြွလှုပ်ရှား သူတွေ၊ နိုင်ငံရေးနဲ့ ဆက်နွှယ်ပြီး အမှုရင်ဆိုင်နေရတဲ့ ကျောင်းသားကျောင်း သူတွေနဲ့ ပတ်သက်ပြီး လွတ်မြောက်ရေးအတွက်ဆောင်ရွက်ပေးခဲ့ရတာနဲ့ ပတ်သက်ပြီးလည်းရှင်းပြပေးပါ။
ဖြေ။ ။ နိုင်ငံရေးအကျဉ်းသားတွေ၊ နိုင်ငံရေးတက်ကြွလှုပ်ရှား သူတွေ၊ နိုင်ငံရေးနဲ့ ဆက်နွှယ်ပြီး အမှုရင်ဆိုင်နေ ရတဲ့ ကျောင်းသားကျောင်း သူတွေ နဲ့ ပတ်သက်ပြီး လွတ်မြောက်ရေး အတွက် နိုင်ငံတော်၏ အတိုင်ပင်ခံ ပုဂ္ဂိုလ်လမ်းညွှန်မှုအရ ဒီနှစ်ဧပြီ လဆန်းမှာ စတင်ဆောင်ရွက်ခဲ့ပါတယ်။
တစ်နိုင်ငံလုံးမှာရှိတဲ့ စစ်ဆေးဆဲအမှုတွေ၊မြို့နယ်တရားရုံးအသီးသီးမှာ တရားစွဲဆိုထား တဲ့ အမှုတွေ၊ ပိတ်သိမ်းခြင်း၊ ရုပ်သိမ်းခြင်းတွေ ဆောင် ရွက်ပေးခဲ့တဲ့အတွက် ပြန်လည် လွှတ်ပေးနိုင်ခဲ့တဲ့အရေအတွက်ဟာ ပြီးခဲ့တဲ့ မေလကုန်ပိုင်းအထိ စုစုပေါင်း ၄၅၃ ဦး ရှိခဲ့ပြီဖြစ်ပါတယ်။
ဒီလို အမှုတွေကို ပိတ်သိမ်းခြင်း၊ တရားစွဲဆိုထားတာတွေကို ရုပ်သိမ်းခြင်းပြုဖို့ အတွက် သက်ဆိုင်ရာ ဥပဒေ၊ နည်းဥပဒေ၊ စည်းမျဉ်းစည်းကမ်းတွေနဲ့အညီ ဆောင်ရွက်ခဲ့ရတာ ဖြစ်ပါတယ်။ နိုင်ငံရေး အကျဉ်းသားတွေ ပြန်လည်လွတ်မြောက်ရေးနဲ့ ပတ်သက်လို့တော့ ဖွဲ့စည်းပုံအခြေခံဥပဒေ ပုဒ်မ ၂၀၄၊ ပုဒ်မခွဲ (က) အရနိုင်ငံတော် သမ္မတရဲ့ ပြစ်ဒဏ်လွတ်ငြိမ်းခွင့်နဲ့ ဧပြီ ၁၆ ရက်မှာ ဆောင်ရွက်ပေးခဲ့တာ စုစုပေါင်း ၈၃ ဦး ဖြစ်ပါတယ်။
ဒီမိုကရေစီအစိုးရလက်ထက်မှာ နိုင်ငံရေး၏အကျဉ်းသားမရှိစေရဆိုတဲ့ နိုင်ငံတော်၏ အတိုင်ပင်ခံပုဂ္ဂိုလ်ရဲ့ စိတ်ရင်းစေတနာ၊ မူဝါဒနဲ့ လမ်းညွှန်မှုကို ကျွန်တော်တို့က ပံ့ပိုးကူညီဆောင်ရွက်ပေးခဲ့တဲ့သဘော ပဲ ဖြစ်ပါ တယ်။ နိုင်ငံရေး အကျဉ်းသားဆိုတာနဲ့ ပတ်သက်လို့တော့ ပြင်ပ အဖွဲ့အစည်းတွေ ရဲ့ စာရင်းဇယားအရ အမျိုးမျိုး ဖြစ်နိုင်ပါ တယ်။ ကျွန်တော်တို့ကတော့ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစု ကြည်ရဲ့ မူဝါဒအရ နိုင်ငံရေးယုံကြည်ချက်ကြောင့် ဥပဒေနဲ့အညီ လွတ်လပ်စွာ ဆန္ဒထုတ်ဖော်မှုတွေအပေါ်မှာ အရေးယူခံရတာတွေ ကိုပဲ နိုင်ငံရေး အကျဉ်းသားအဖြစ် လက်ခံပါတယ်။
မေး။ ။ပြည်သူတွေရဲ့ ဒီမိုကရေစီအခွင့်အရေးနဲ့ တရားဥပဒေ စိုးမိုးရေးကို ချိန်ခွင်လျှာ ညီမျှအောင် စီမံဆောင်ရွက်ဖို့နဲ့ တရားမျှတခြင်းကို ကရုဏာနဲ့ ဖြေရှင်းဆောင်ရွက်ဖို့ဆိုပြီးနိုင်ငံတော်၏ အတိုင်ပင်ခံ ပုဂ္ဂိုလ် က ပြောခဲ့တာရှိပါတယ်။ ဒါနဲ့ ပတ်သက်ပြီး ဝန်ကြီးဌာန အနေနဲ့ဘယ်လိုထိန်းညှိပြီး ဆောင်ရွက်သွားဖို့ ရှိပါသလဲ။
ဖြေ။ ။ နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် လမ်းညွှန် ထားတဲ့ ပြည်သူတွေရဲ့ ဒီမိုကရေစီအခွင့်အရေးနဲ့တရားဥပဒေစိုးမိုးရေး ချိန်ခွင်လျှာညီမျှရေး ဆိုတာက ရှင်းပါတယ်။ ပြည်သူတွေမှာ လွတ်လပ်ခွင့်နဲ့ ဒီမိုကရေစီအခွင့်အရေးတွေ ရှိပါတယ်။ ဒါတွေကလည်း မရှိမဖြစ် လိုအပ်ချက် ဖြစ်ပါတယ်။ တစ်ဖက်မှာလည်း ဖွဲ့စည်းပုံအခြေခံဥပဒေ နဲ့ တည်ဆဲဥပဒေတွေရှိပါတယ်။ နိုင်ငံသားတွေရဲ့ အခွင့်အရေးကို အပြည့်အဝ ရဖို့လိုအပ်သလို နိုင်ငံသားတွေရဲ့တာဝန်ဖြစ်တဲ့ ဥပဒေကိုလိုက်နာဖို့လည်း လိုအပ်ပါတယ်။
အုပ်ချုပ်ရေးဆိုင်ရာ တာဝန်ရှိသူတွေအနေနဲ့ ဒီနှစ်ခုအကြားမှာ ဘက်ညီမျှ တအောင် ထိန်းသိမ်းဆောင်ရွက်သွားဖို့ဖြစ်ပါတယ်။ ဥပမာ ပြောရရင် လွတ်လပ်စွာ ဆန္ဒ ဖော်ထုတ်ခွင့်ဟာ ပြည်သူတွေရဲ့ ဒီမိုကရေစီ အခွင့်အရေး ဖြစ်ပါတယ်။ ဒီလို ဆန္ဒဖော်ထုတ်ရာမှာ ဆန္ဒဖော်ထုတ်မှုနဲ့ ပတ်သက်ပြီး ပြဋ္ဌာန်းထားတဲ့ ဥပဒေတွေ ရှိနေပါတယ်။ ဒီဥပဒေပါ ပြဋ္ဌာန်းချက်တွေကို လိုက်နာဆောင်ရွက်ကြရမှာ ဖြစ်ပါတယ်။
ဒါတွေက တည်ဆဲဥပဒေ ဖြစ်ပါတယ်။ ဒီလိုမှ မလိုက်နာဘူးဆိုရင် တစ်ဖက် မှ ဆောင်ရွက်နေကြတဲ့ တရားဥပဒေစိုးမိုးမှုဆိုတာ အလဟဿဖြစ် သွားမှာ ဖြစ်ပါတယ်။ ဒီမိုကရေစီစနစ်မှာ တရားဥပဒေ စိုးမိုးရေးဆိုတာက သိပ်ကိုအရေးကြီးပါတယ်။ တရားဥပဒေစိုးမိုးမှု ကင်းမဲ့သွားပြီဆိုရင် ဒီမိုကရေစီဆိုတာကသောင်းကနင်းနဲ့ ဆိုးကျိုးတွေကို ဖြစ်ပေါ် လာစေမှာ ဖြစ်ပါတယ်။
နိုင်ငံသားတွေအနေနဲ့ ကိုယ်ရရှိမယ့်အခွင့်အရေးကိုလည်း ရယူကြရ မှာ ဖြစ်သလို တစ်ဖက်မှာလည်း စောင့်ထိန်းလိုက်နာရမယ့်တာဝန် ကို ကျေပွန်ရမှာ ဖြစ်ပါတယ်။ နိုင်ငံသူ နိုင်ငံသားတွေအတွက် “အခွင့်အရေး” နဲ့ “တာဝန်” ယှဉ်တွဲနေတာ ဖြစ်ပါတယ်။ ဒါကိုအုပ်ချုပ်ရေးအပိုင်းက ဘက်ညီမျှတအောင်ဆောင်ရွက်ကြဖို့ လမ်းညွှန်မှာကြား ထားခြင်းဖြစ်ပါ တယ်။ တစ်ဖက်မှာ ဒီမိုကရေစီ အခွင့်အရေးဆိုတာ ရှိပါတယ်။ ကျန်တဲ့တစ်ဖက်မှာတရားဥပဒေစိုးမိုးရေး ရှိနေပါတယ်။ ဒါကိုချိန်ခွင်လျှာ ညီမျှအောင် ဆောင်ရွက်ကြဖို့ ဖြစ်ပါတယ်။ နောက်တစ်ခုက တရားမျှတခြင်း ကိုကရုဏာနဲ့ ဖြေရှင်းဆောင်ရွက်ဖို့ လမ်းညွှန်မှုပြထားပါတယ်။
ဒါက အုပ်ချုပ်ရေးပိုင်းက တာဝန်ရှိသူတေအနေနဲ့ အမြဲနှလုံးသွင်းထားကြရ မယ့် လမ်းညွှန်ချက်လည်း ဖြစ်ပါတယ်။ ဥပမာ မြေယာကိစ္စ အငြင်းပွားမှုတွေကို ကြည့်မယ်ဆိုရင်ပြည်သူတွေ အမှန်တကယ်နစ်နာမှုတွေ ရှိနေ တယ်။ တစ်ဖက်ကလည်း ဥပဒေကြောင်း အရကြည့်လိုက်ရင် သူတို့က တကယ်ကို ဥပဒေသဘောကို နားမလည်တာတွေ ရှိနေပါတယ်။ ဥပမာပြောရရင် လိုအပ်တဲ့ စာရွက်စာတမ်းဆိုင်ရာ ပြုလုပ်ထားရှိမှုမှာ အားနည်းချက်တွေ ရှိနေမယ်။ လက်တွေ့မြေပြင်မှာတော့ဓားမဦးချကနေ ဘိုးစဉ်ဘောင် ဆက် သူတို့ကိုယ်တိုင် လယ်ယာစိုက်ပျိုးရေးကို အစဉ်အဆက် လုပ်ကိုင်လာတယ်။ ဒီလိုကိစ္စရပ်မျိုးကို ဘယ်လိုကိုင်တွယ်ဖြေရှင်းမလဲ ဆိုတဲ့ ဖြစ်စဉ်မျိုး ဖြစ်ပါတယ်။
ဥပဒေမှာတော့ ဥပဒေကိုမသိလို့ဆိုပြီး ခြွင်းချက်ပေးတာမျိုး မရှိပါဘူး။ တရားသူကြီး တွေရဲ့ တရားရုံးစီရင်ချက်တွေကို ဥပမာကြည့်မယ်ဆိုရင် ဒီကိစ္စတွေ ပိုပြီးနားလည် နိုင်မှာဖြစ်ပါတယ်။ အရင်တုန်းက အလားတူအမှုကိစ္စမျိုးတွေကို စဉ်းစားရာမှာ နှိုင်းယှဉ်သုံးသပ်နိုင်ဖို့စီရင်ထုံး ဆိုတာ ရှိပါတယ်။ အရင်တုန်းက ဒီလိုကိစ္စမျိုးကို ဘယ်တရားသူကြီးတုန်းက ဘယ်လိုစီရင်ချက်ချခဲ့သလဲဆိုတာကို ပြန်ကြည့်တာဖြစ်ပါ တယ်။ မှုခင်းဖြစ်စဉ် တစ်ခုတည်းမှာကိုပဲ တရားသူကြီးတွေရဲ့ ဆုံးဖြတ်ချက်တွေက မတူညီကြပါဘူး။ ဖြစ်စဉ်ကို နောက်ကြောင်းထည့်ပြီးစဉ်းစားရတာရှိပါတယ်။ အခြေအနေကိုခြုံပြီးကြည့်ရပါတယ်။
တရားခံရဲ့အခြေအနေ၊ ဖြစ်စဉ်ရဲ့နောက်ခံစသဖြင့် ထည့်သွင်းစဉ်းစားရ တာတွေ ရှိပါတယ်။ ဒီလိုမျိုးပါပဲ။ အုပ်ချုပ်ရေးမဏ္ဍိုင်ကတာဝန်ရှိသူတွေအနေ နဲ့ ပြည်သူတွေရဲ့ နစ်နာမှုတွေနဲ့ ပတ်သက်ပြီး ကိုင်တွယ်ဖြေရှင်းကြရာမှာ တရားမျှတမှုလည်း ရှိရမယ်၊ ကရုဏာနဲ့လည်းယှဉ်ရမယ်ဆိုတဲ့ မူဝါဒပဲ ဖြစ်ပါတယ်။
မေး။ ။ ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးတိုးတက်မှု အကောင်အထည် ဖော်ရေးဗဟိုကော်မတီနဲ့ လုပ်ငန်းကော်မတီတွေက အဆင့်လိုက် အကောင်အထည်ဖော် ဆောင်ရွက်သွားမယ့် လုပ်ငန်းစဉ်တွေနဲ့ပတ်သက်ပြီး ပြည်သူတွေသိအောင် ပြောပြပေးပါ။
ဖြေ။ ။ ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးတိုးတက်မှု အကောင်အထည် ဖော်ရေးဗဟိုကော်မတီကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဥက္ကဋ္ဌအဖြစ်ဦးဆောင်ဖွဲ့စည်းထားပါတယ်။ ဒုတိယဥက္ကဋ္ဌနှစ်ဦးအဖြစ် နယ်စပ်ရေးရာ ပြည်ထောင်စုဝန်ကြီးနဲ့ ရခိုင်ပြည်နယ်ဝန်ကြီးချုပ်တို့ ပါဝင်ပါတယ်။ အဖွဲ့ဝင်တွေကတော့ ပြည်ထောင်စုအစိုးရ တစ်ဖွဲ့လုံးပါဝင်ပါတယ်။ ဆိုလိုတာ က ရခိုင်ပြည်နယ် အရေးကိစ္စကို အထူးအလေးထားပြီး အစိုးရတစ်ဖွဲ့လုံး ဆောင်ရွက်ပေးကြမယ့် ရည်ရွယ်ချက်နဲ့ ဒီလို ဖွဲ့စည်းထားတာဖြစ်ပါတယ်။ ဒီဗဟိုကော်မတီအောက်မှာမှကဏ္ဍအလိုက် လုပ်ငန်း ကော်မတီ လေးခုဖွဲ့စည်းထားပါတယ်။
ရခိုင်ပြည်နယ်ဟာ ဖြစ်ပွားခဲ့တဲ့ ဖြစ်စဉ်ဖြစ်ရပ်တွေအရ ထိလွယ်ရှလွယ်တဲ့ အနေအထားမှာ ရှိနေတာကို အားလုံးသိရှိကြပြီးဖြစ်ပါတယ်။ နိုင်ငံတော်၏ အတိုင်ပင်ခံ ပုဂ္ဂိုလ်ရဲ့စိတ်ရင်းစေတနာနဲ့ ရည်ရွယ်ချက်က ဘယ်လောက် စေတနာထားတယ် ဆိုတာကို အတိုင်းသား သိမြင်နိုင်မှာပါ။ ကျန်တဲ့ တိုင်းဒေသကြီး/ပြည်နယ် တွေကိုကျတော့ ဂရုမစိုက်ဘူးလားမေးရင် မဟုတ်ပါဘူး။ ရခိုင်ပြည်နယ်ကထူးခြား တဲ့ သဘောသဘာဝရှိနေသလို အချိန်မရွေးစိုးရိမ်ဖွယ်ရာအခြေအနေကို ချက်ချင်းရောက်ရှိ လာနိုင်တဲ့ ပြည်နယ်လည်း ဖြစ်တဲ့အတွက်အခုလို အလေးထား ပြီးဆောင်ရွက်နေတာ ဖြစ်ပါတယ်။
ဗဟိုကော်မတီနဲ့ လုပ်ငန်းကော်မတီမှာ ပါဝင်နေကြတဲ့ ရခိုင်ပြည်နယ်ကို သွားရောက် လေ့လာပါတယ်။ ကျွန်တော်တို့ ကိုယ်တိုင်လည်း ရခိုင်ပြည်နယ်ကို ကိုယ်တိုင်ကိုယ်ကျကွင်းဆင်းပြီး အခြေအနေ မှန်တွေ ကို သိရှိအောင်၊ လိုအပ်တာတွေ ဦးစားပေး အလိုက် ဖြည့်ဆည်းပေးနိုင်အောင် ဆောင်ရွက်နေတာ ဖြစ်ပါတယ်။ လတ်တလောမှာတော့ တည်ငြိမ်အေးချမ်းရေးနဲ့ သက်သေခံအထောက်အထား လက်မှတ်ရရှိရေးကို ဦးစားပေး လုပ်ကိုင်နေကြတာ ဖြစ်ပါတယ်။
တစ်ဆက်တည်းမှာပဲ ၁၉၈၂ ခုနှစ်နိုင်ငံသားဥပဒေ အရ နိုင်ငံသား စိစစ်မှုတွေကို ဆက်လက်ပြီး လုပ်ဆောင်ပေးမှာဖြစ်ပါတယ်။ တစ်ချိန်တည်းမှာပဲ အခြေခံ အဆောက်အအုံတွေ တိုးတက်ဖွံ့ဖြိုးလာဖို့၊ ဖွံ့ဖြိုးတိုးတက်မှုနဲ့ ရင်းနှီးမြှုပ်နှံမှုဆိုင်ရာ အခွင့်အလမ်းတွေမြင့်မားလာဖို့၊ ဒီနောက်မှာတော့ အလုပ်အကိုင် အခွင့်အလမ်းတွေ တိုးမြင့်ပေါ်ပေါက် လာဖို့ ဆောင်ရွက်သွားမှာ ဖြစ်ပါတယ်။
တစ်ဖက်မှာလည်း ရခိုင်ပြည်နယ်တစ်ခုလုံးရဲ့ ပညာရေး၊ ကျန်းမာရေး၊ လူမှုရေး မြင့်တက်လာဖို့ အလေးထားပြီး ဆောင်ရွက်နေပါတယ်။ အမုန်းတရားတွေ လျော့နည်းသွားစေဖို့ဘက်ညီမျှတတဲ့ ပြုပြင်ပြောင်းလဲ မှုတွေ ဖြစ်ပေါ်လာအောင် ဆောင်ရွက်ရမှာဖြစ်ပါတယ်။
အချုပ်ပြောရရင်တော့ ရေတိုကာလမှာတည်ငြိမ်ရေးနဲ့ တရားဥပဒေစိုးမိုးရေး ကို ပထမဆုံး အလေးထားဆောင်ရွက်နေပါတယ်။ ရခိုင်ပြည်နယ်မှာ နေထိုင်ကြသူ အားလုံးအတွက် ဒီနိုင်ငံမှာနေထိုင်ကြောင်း သက်သေခံ လက်မှတ်တွေ ရရှိဖို့လုပ်နေ ပါတယ်။ ပြီးရင်တော့ နိုင်ငံသားစိစစ်မှုလုပ်ငန်းတွေကို ဆက်တိုက်လုပ်နေ ပါတယ်။ နိုင်ငံသားဥပဒေအရနိုင်ငံသားဖြစ်လာပြီဆိုရင် နိုင်ငံသား အခွင့်အရေး အပြည့်အဝ ရရှိလာကြမှာဖြစ်ပါတယ်။
မေး။ ။ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန (NRPC) ပြင်ဆင် ဖွဲ့စည်းဖို့ လတ်တလော ဆောင်ရွက်နေတဲ့ အခြေ အနေတွေကိုလည်း သိချင်ပါတယ်။
ဖြေ။ ။ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန (NRPC) ပြင်ဆင် ဖွဲ့စည်းရေးကို ကျွန်တော်တို့ဝန်ကြီးဌာနက တာဝန်ယူ ဆောင်ရွက်လျက်ရှိပါတယ်။ နိုင်ငံတော်၏အတိုင်ပင်ခံပုဂ္ဂိုလ်ရဲ့ ရည်မှန်းချက်က ဒီ NRPC ကို ပြည်တွင်းငြိမ်းချမ်းရေးနယ်ပယ် တစ်ခုတည်း မဟုတ်ဘဲ အမျိုးသား ပြန်လည်သင့်မြတ်ရေးကိုပါခြုံငုံပြီး ထူထောင် ဆောင်ရွက်သွားစေလိုတဲ့ သဘောဖြစ်ပါတယ်။ ဌာနအမည်ကို လိုက်လျော ညီထွေဖြစ်အောင်ပေးထားခြင်းဖြစ်ပါယ်။ NRPC ကို ဘယ်လို ဖွဲ့စည်းမလဲဆိုတာကို အတိုချုပ်ပြီး ရှင်းပြချင် ပါတယ်။ နေပြည်တော်မှာ NRPC ပင်မရုံးကို ထားရှိပြီး အရင်တုန်းက MPC ကိုတော့ NRPC ရဲ့ ရန်ကုန်ရုံးခွဲအဖြစ် ပြင်ဆင် ဖွဲ့စည်းမှာဖြစ်ပါတယ်။
လက်ရှိအချိန်မှာတော့ ကျွန်တော်တို့ဝန်ကြီးဌာနက တာဝန်ရှိသူတွေနဲ့ သက်ဆိုင်ရာ ဝန်ကြီးဌာနက တာဝန်ရှိသူတွေရဲ့ အကူအညီရယူပြီး MPC ကို လွှဲပြောင်းလက်ခံ ထိန်းသိမ်းရေးအဖွဲ့ ဖွဲ့စည်းထားပါတယ်။
တစ်ချိန်တည်းမှာပဲ နေပြည်တော်မှာ NRPC ရုံးချုပ် ဖွင့်လှစ်နိုင်ဖို့ ဖွဲ့စည်းပုံ၊ လူအင်အား၊ ရုံးအဆောက်အအုံ ဒါတွေကို စတင်ဆောင်ရွက်နေပြီ ဖြစ် ပါတယ်။ အရေးကြီး တာက NRPC ဖွဲ့စည်းပေးလိုက်ရုံသာ မဟုတ်ဘဲ လက်ရှိအချိန်မှာကိုပဲ ငြိမ်းချမ်းရေး လုပ်ငန်းစဉ်တွေကို စတင်ဆောင်ရွက်နေပြီဖြစ်တဲ့အတွက် ဒီလုပ်ငန်းစဉ်တွေ ရပ်တန့် မသွားဘဲ ချောချောမွေ့မွေ့ ကူးပြောင်းသွားနိုင်အောင်လည်း ရှိတဲ့လူနည်းနည်းနဲ့ ပံ့ပိုးကူညီဆောင်ရွက်လျက်ရှိပါတယ်။
မေး။ ။အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးလုပ်ငန်းစဉ် အဆင့်တိုင်းမှာ ပါဝင်သင့်ပါဝင်ထိုက်သူ အားလုံး ပါဝင်ခွင့်ရရှိရေး ဦးတည်ဆောင်ရွက်သွားဖို့ ပြောထားတာရှိပါတယ်။ NCA မှာ မပါဝင်သေးတဲ့ အဖွဲ့အစည်းတွေ ပါဝင်လာနိုင်ဖို့ ဘယ်လို ဆောင်ရွက်သွားဖို့ရှိပါသလဲ။
ဖြေ။ ။ ငြိမ်းချမ်းရေးလုပ်ငန်းစဉ် အဆင့်တိုင်းမှာပါဝင်သင့်ပါဝင်ထိုက်သူတွေ ပါဝင်ခွင့် ရရှိရေးဟာ နိုင်ငံတော်၏အတိုင်ပင်ခံပုဂ္ဂိုလ်ရဲ့ မူဝါဒဖြစ်ပါတယ်။ အမျိုးသားပြန်လည် သင့်မြတ်ရေးအတွက် အထူးပဲအရေးကြီးလှပါတယ်။ မိမိတို့ ကိုယ်တိုင်ပါဝင်ပြီး လုပ်ကိုင် နေတယ်ဆိုတခံယူချက်ဖြစ်ပေါ်လာမှသာ ဘုံလုပ်ငန်းစဉ်ဖြစ်လာမှာ ဖြစ်ပါတယ်။ သူတို့ကိုလည်း အသိမပေးဘူး။ သူတို့ကိုလည်း မခေါ်ဘူး။သူ့ဘာသာဆွေးနွေးညှိနှိုင်းပြီး သဘောတူ လိုက်တာ ငါတို့နဲ့ မဆိုင်ဘူးဆိုတဲ့ စိတ်သဘောထားမျိုးဖြစ် ပေါ်လာ မယ်ဆိုရင် ကျွန်တော်တို့မျှော်မှန်းတဲ့ငြိမ်းချမ်းရေးဟာ အလှမ်းဝေး သွားနိုင်ပါတယ်။
ဒါကြောင့် အဆင့်တိုင်းမှာ ပါဝင်သင့်ပါဝင် ထိုက်သူတွေ ပါဝင်အောင်လုပ် ဖို့ ဒေါ်အောင် ဆန်းစုကြည်က လမ်းညွှန်ထားတာဖြစ်ပါတယ်NCA မှာ မပါဝင်သေးတဲ့ အဖွဲ့အစည်းတွေ ပါဝင်လာဖို့ အကြိုပြင်ဆင်ရေးကော်မတီက တာဝန်ယူပြီး ဆောင်ရွက်နေပါတယ်။ မကြာသေးခင်ကပဲ ထိုင်းနိုင်ငံ ချင်းမိုင်မှာ တွေ့ဆုံဆွေးနွေးမှုတွေ လုပ်ခဲ့ပါတယ်။ ရက်ပိုင်းအတွင်းမှာပဲ မိုင်းလားမှာ တွေ့ဆုံဆွေးနွေးမှု တွေလုပ်ခဲ့ပါတယ်။ အားလုံးပါဝင်နိုင်အောင် ကြိုးပမ်းဆောင်ရွက်နေကြတာဖြစ်ပါတယ်။ သူတို့ပါဝင်နိုင်အောင်လည်း လမ်းဖွင့်ထားပါတယ်။ အကြိုပြင်ဆင်ရေး ကော်မတီ ဥက္ကဋ္ဌဖြစ်တဲ့ ဒေါက်တာ တင်မျိုးဝင်းကိုယ်တိုင် ဖိတ်ခေါ်စာပေးပို့ထားပြီး ဖြစ်ပါတယ်။
လက်မှတ်မထိုးရသေးတဲ့အဖွဲ့တွေ ပါဝင်လာနိုင်အောင် လည်း နိုင်ငံရေးဆွေးနွေးမှု မူဘောင်ဆွေးနွေးမှု ပြန်လည်သုံးသပ်ခြင်း လုပ်ငန်းကိုလုပ်ဆောင်နေတာ ဖြစ်ပါတယ်။ နိုင်ငံရေးမူဘောင် ပြန်လည်သုံးသပ်မယ်၊ ပြင်ဆင်ဖို့အကြံပြုချက်တွေ ဖော်ထုတ်မယ်၊ ပြီးရင်ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ (Union Peace Dialogue Joint Committee – UPDJC) မှာ ပြင်ဆင်ပါမယ်။ ဒီအဆင့်တွေမှာ ပါဝင်နိုင်အောင် ဆွေးနွေးညှိနှိုင်းနေတာဖြစ်ပါတယ်။ ဘယ်လိုအဆင့်မှာ ဘယ်လိုပုံစံနဲ့ ပါဝင်နိုင်မလဲဆို တာကို ညှိနှိုင်းနေကြ တာဖြစ်ပါတယ်။ ဒီတစ်လ၊ နှစ်လ အတွင်းမှာ အရှိန်မြှင့်တင်ပြီး လုပ်ဆောင်နေတာတွေ့ရမှာ ဖြစ်ပါတယ်။ ပြီးရင်တော့ (၂၁) ရာစု ပင်လုံညီလာခံကြီး အမြန်ဆုံး စတင်နိုင်အောင်ဆောင်ရွက်နေပါတယ်။
မေး။ ။ပြည်ထောင်စုငြိမ်းချမ်းရေးညီလာခံ(၂၁)ရာစု ပင်လုံအတွက် အကြိုပြင်ဆင်ရေး ဆပ်ကော်မတီ (၁) ဟာ ပြန်လည်ပြင်ဆင်ရ မယ့်နိုင်ငံရေး ဆွေးနွေးမှုဆိုင်ရာ မူဘောင်တွေနဲ့ ပတ်သက်ပြီး အောင်မြင်စွာဆွေးနွေးနိုင်တယ်လို့ ကြားသိရပါတယ်။ ညီလာခံကျင်းပမယ့်အခြေအနေကို သိချင်ပါတယ်။
ဖြေ။ ။အကြိုပြင်ဆင်ရေး ဆပ်ကော်မတီ(၁) အနေနဲ့တော့ NCA လက်မှတ် ရေးထိုးထားပြီးဖြစ်တဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ နိုင်ငံရေး ဆွေးနွေးမှု မူဘောင်ပြန်လည်သုံးသပ်ရေး လုပ်ငန်းစဉ်ကို ဆောင်ရွက်နေပါတယ်။ အရင်ကဖွဲ့စည်းထားတဲ့အတိုင်းဖွဲ့စည်းထားပြီး လက်နက်ကိုင် အဖွဲ့အစည်းတွေလည်း ပါတယ်။ နိုင်ငံရေးဆွေးနွေးမှု မူဘောင်မှာ ပါဝင်တဲ့ကဏ္ဍတွေက အများကြီးကျယ်ပြန့် ပါတယ်။ နိုင်ငံရေးဆွေးနွေး ပွဲတွေမှာ လူမှုရေး ကဏ္ဍတွေ၊ သယံဇာတခွဲဝေမှုတွေ၊ စီးပွားရေး ကိစ္စတွေ ပါဝင်နေတဲ့အပေါ် ပြန်လည်သုံးသပ်ဖို့ နိုင်ငံတော်၏ အတိုင်ပင်ခံ ပုဂ္ဂိုလ်က လမ်းညွှန်ခဲ့ပါတယ်။ တချို့ကဏ္ဍတွေဆိုရင် CSO Forum ကို ဆွေးနွေးစေ တာက သင့်တော်မယ်လို့လည်း ယူဆခဲ့ပါတယ်။
ဒီလမ်းညွှန်ချက်ကို တိုင်းရင်းသားလက်နက်ကိုင် အဖွဲ့အစည်းတွေကလည်း လက်ခံ သဘော တူပါတယ်။ CSO Forum ဘယ်လိုပုံစံနဲ့ကျင်းပမလဲ ဆိုတာကိုလည်း ဆပ်ကော်မတီ (၁) ကဆွေးနွေးလျက်ရှိပါတယ်။ ဆွေးနွေးပြီး သမျှ အခြေအနေ တွေအရတော့ အတော်လေးကို အားတက်စရာ အနေအထားမှာ ရှိပါတယ်။
ဒီကြားကာလမှာ အချိန်ရရှိမှု နည်းပါတယ်။တစ်ဖက်က လက်မှတ်မထိုး ရသေးတဲ့ အဖွဲ့တွေ ပါဝင်နိုင်မယ့် အခြေအနေတွေ ရရှိလာပြီဆိုရင် (၂၁)ရာစု ပင်လုံညီလာခံဟာ နိုင်ငံသားအားလုံးမျှော်လင့်နေတဲ့ ငြိမ်းချမ်းရေးအတွက် အရေးကြီးဆုံး အဆင့်တစ်ဆင့် ဖြစ်လာပါလိမ့်မယ်။
မေး။ ။ဝန်ကြီးဌာနဟာ နိုင်ငံရေးအကျဉ်းသားအရေး၊ ရခိုင်အရေး၊ အမျိုးသား ပြန်လည် သင့်မြတ်ရေး လုပ်ငန်းစဉ်တွေ အပြင် နိုင်ငံဖွံ့ဖြိုးရေး အတွက် ဘယ်လိုကဏ္ဍတွေ ဦးစားပေးဆောင်ရွက်သွားဖို့ စီစဉ်ထားပါသလဲ။
ဖြေ။ ။ ကျွန်တော်တို့ ဝန်ကြီးဌာနအနေနဲ့ စောစောပိုင်းက ရှင်းလင်းပြောကြား ခဲ့သလိုပါပဲ။ နိုင်ငံတော်၏ အတိုင်ပင်ခံပုဂ္ဂိုလ်ကို ပံ့ပိုးကူညီဖို့ ဖွဲ့စည်းပေါ်ပေါက်လာ တာ ဖြစ်ပါတယ်။ နိုင်ငံတော်၏ အတိုင်ပင်ခံ ပုဂ္ဂိုလ် တာဝန်ပေးအပ် လာတာတွေကို ထမ်းဆောင် ရမှာ ဖြစ်ပါတယ်။ နောက် နိုင်ငံတော်၏အတိုင်ပင်ခံပုဂ္ဂိုလ်ဆိုင်ရာ ဥပဒေပါ ရည်ရွယ်ချက် လေးရပ်ကိုလည်းဆောင်ရွက်ရမှာ ဖြစ်ပါတယ်။ ဒီရည်ရွယ်ချက်လေးရပ်ကလည်း နည်းနည်းလေး ဆိုပေမယ့် အများကြီး ကျယ်ပြန့်ပါတယ်။ တစ်နိုင်ငံလုံး အတိုင်းအတာနဲ့ ဆောင်ရွက်ရမယ့် ကိစ္စရပ်တွေဖြစ်တဲ့အပြင် နိုင်ငံတကာ အသိုင်းအဝိုင်းနဲ့လည်း တက်တက်ကြွကြွ ပူးပေါင်းဆောင်ရွက်သွားရမည့် လုပ်ငန်းတွေ လည်း ပါဝင်နေပါတယ်။
အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဆိုတာက အလွန်ကျယ်ပြန့် ပါတယ်။ နှစ်ပေါင်းခြောက်ဆယ်ကျော် ပဋိပက္ခတွေနဲ့ တင်းမာမှုတွေ ပြင်းထန် ခဲ့တဲ့ အစဉ်အလာတွေလည်းရှိပါတယ်။ ဒီမိုကရေစီ ဖက်ဒရယ်ပြည်ထောင်စု တည်ဆောက်နိုင်ဖို့ အတွက်ငြိမ်းချမ်းရေးရရှိဖို့ လိုပါတယ်။ တစ်နိုင်ငံလုံး အကြားအလပ် မရှိ ဖွံ့ဖြိုးတိုးတက်ဖို့ဆိုတာငြိမ်းချမ်းရေးမရသေးသရွေ့ မဖြစ်နိုင်ပါဘူး။ နိုင်ငံတကာ ကလည်း လက်ခံထားပါတယ်။ငြိမ်းချမ်းရေးနဲ့ ဖွံ့ဖြိုးတိုးတက်ရေးက အပြန်အလှန်ဖြစ်ပြီး တစ်ခုနဲ့တစ်ခုလည်း ဆက်စပ်လျက်ရှိနေပါတယ်။ ဒီ ငါးနှစ်တာကာလအတွင်း မှာ နိုင်ငံတော်၏ အတိုင်ပင်ခံပုဂ္ဂိုလ် ချမှတ်ပေးတဲ့မူဝါဒတွေ အောင်မြင်ဖို့၊ လမ်းညွှန်ချက် တွေ အောင်အောင်မြင်မြင် အကောင်အထည်ပေါ်လာဖို့ ကျွန်တော်တို့ ဝန်ကြီးဌာန အနေနဲ့ အစွမ်းကုန် ကြိုးပမ်းဆောင်ရွက် သွားမှာ ဖြစ်ကြောင်း ပြောကြားလိုပါတယ်။
အခုလို ဖြေကြားပေးတဲ့အတွက် ကျေးဇူး တင်ပါတယ်။ ။




No comments:

Post a Comment