Wednesday, September 7, 2016

သာသနာရေးနှင့် ယဉ်ကျေးမှုဝန်ကြီးဌာန၏ ပြည်သူ့အတွက် ပထမ ရက်(၁၀၀)အတွင်း ဘာလုပ်မှာလဲ

မြန်မာနိုင်ငံအရပ်ရပ်တွင် ဘုန်းတော်ကြီးသင်ပညာရေးကျောင်းပေါင်း ၁၅၆၈ ကျောင်းရှိပါသည်။၎င်းကျောင်းများတွင် ကလေးငယ် စုစုပေါင်း သုံးသိန်းကျော်ပညာသင်ကြားနေကြပြီး ဆရာဆရာမက ၇၇၀၀ ကျော်လုပ်အားစေတနာ လာရောက်သင်ကြားပေးလျက် ရှိပါသည်။
မန္တလေးမြို့၊ ဖောင်တော်ဦးကျောင်း၊ စလေကျောင်း၊ ရန်ကုန်မင်္ဂလာဒုံ၊ တောတိုက်ဓမ္မရိပ်သာကျောင်းများသည် အထက်တန်းအဆင့်အထိ သင်ကြားနေကြပြီး၎င်းကျောင်းများအား အထက်တန်းကျောင်းအဖြစ်ရ ရှိရေး ဆောင်ရွက် သွားမည်ဖြစ်သည်။
ဝိသာခါတန်ဆောင်းကိုအကြီးစားပြုပြင်ရန်နိုင်ငံတော်မှ ကျပ်သိန်း ၈၄၇ ကျော်ခွင့်ပြုကာ ဘုရားဖူးများအခမဲ့ တည်းခိုနိုင်ရန် အတွက်အကြီးစားပြင်ဆင်မွမ်းမံပြီး လူ ၂၀၀ တစ်ပြိုင်နက် တည်းခိုနိုင်ရန် ဆောင်ရွက်သွားမည် ဖြစ်ပါသည်။ ဒဂုံသီရိဘေးမဲ့ကန်ကြီးကို ကျပ်သိန်း ၂၁၂၀ အကုန်အကျခံပြီး ရက် ၁၀၀ စီမံကိန်းတွင်ဆောင်င်ရွက်မည်ဖြစ်သည်။
ရှေးဟောင်းသမိုင်းဝင်စေတီးပုထိုးများတွင် ဂေါပကအဖွဲ့များ ဖွဲ့စည်းထားပြီး ကျန်သည့် စေတီပုထိုးများတွင်လည်း ဖွဲ့စည်းထား ပါသည်။ ပြည်နယ်အစိုးရနှင့် ညှိနှိုင်းပြီး ဂေါပကအဖွဲ့များအား လိုအပ်သလို ပြင်ဆင်ဖွဲ့စည်းသွားမည်ဖြစ်သည်။
ဝိသာခါတန်ဆောင်းပြုပြင်မွမ်းမံသည်နှင့်အတူကမ္ဘာအေးကုန်းမြေ သာမကရှေးဟောင်းအဆောက်အအုံများ၊ ကျောင်းများစသည့် ယဉ်ကျေးမှုမှထိန်းသိမ်းကွပ်ကဲသည့် ယဉ်ကျေးမှုအမွေအနှစ်များကိုလည်း ပြုပြင်မွမ်းမံ ထိန်းသိမ်း နိုင်ရေး ဆောင် ရွက်သွားမည်ဖြစ်သည်။
အနုပညာဦးစီးဌာနအနေဖြင့် အနုပညာဆိုင်ရာသုတေသနစာတမ်းဖတ်ပွဲ၊ ဇာတ်တော်ကြီးများကို ပြည်သူလူထုအား အခမဲ့ဖျော်ဖြေ တင်ဆက်မှု၊ အနုပညာအထက်တန်းကျောင်းများကို အဆင့်မြှင့်တင်ခြင်းလုပ်ငန်း၊ မြန်မာတိုင်းရင်းသားများ၏ ရိုးရာတူရိယာပစ္စည်း များဆိုင်ရာစာအုပ် ထုတ်ဝေဖြန့်ချိရေးကို ရက် ၁၀၀ စီမံချက်တွင်ဆောင်ရွက်သွားမည် ဖြစ်ပါသည်။
ထို့ပြင်အနုပညာဆိုင်ရာသုတေသနစာတမ်းသုံးစောင်ဖတ်ကြားတင်သွင်းထားပြီး ဇာတ်တော်ကြီးများကို အများပြည်သူအား အခဲမဲ့ဖျော်ဖြေတင်ဆက်သွား မည်ဖြစ်သည်။ကွင်းဆင်းသုတေသနပြုချက်အရ တိုင်းရင်းသားများ၏ ရိုးရာတူရိယာ ၂၉၉ မျိုးမှ တိုင်းရင်းသားများ၏ တူရိယာ ၄၇ မျိုးကို ရက် ၁၀၀ အတွင်း စာအုပ်ထုတ်ဝေ မည်ဖြစ်ပြီး လေ့လာမှတ်သားနိုင်စေရေး မှတ်တမ်းမှတ်ရာအဖြစ်ထာရှိမည်လည်းဖြစ်သည်။
အနုပညာဦးစီးဌာနအောက်ရှိပန်တျာကျောင်းနှင့် ပန်းချီပန်းပုကျောင်းကို နှစ်ခုပေါင်းပြီးအနုပညာအထက်တန်းကျောင်းဟု အမည်ပေးကာ သင်ကြားနေသည့် လူငယ်လူရွယ်များ အနုပညာအထက်တန်းကျောင်းများတွင် စိတ်ရောကိုယ်ပါ စိတ်ချမ်းမြေ့စွာ ပညာကို သင်ကြားနိုင် ရန် ၎င်းတို့နေထိုင်သည့် အခြေခံအဆောက်အအုံများကို အဆင့်မြှင့်တင်ခြင်းများပြုလုပ်နေပြီး ရက် ၁၀၀ စီမံချက်တွင် အဆင့်မြှင့်တင်ခြင်းများကိုလည်း ဆက်လက်ဆောင်ရွက်သွားမည်ဖြစ်သည်။
ရှေးဟောင်းသုတေသနနှင့် အမျိုးသားပြတိုက်ဦးစီးဌာနအနေဖြင့် ရက် ၁၀၀ ကာလအတွင်း အကောင်အထည်ဖော်ရန် လုပ်ငန်း သုံးခုရွေးချယ်ထားသည်။ ပထမတစ်ခုအနေဖြင့် ပုဂံညောင်ဦးမြို့တွင်ရှိသည့်ရွှေစည်းခုံ ဘုရားကြီး၏ရင်ပြင်တော်တွင် ဘုရင့်နောင် မင်းတရားကြီးလှူဒါန်းပြီး ဘာသာသုံးမျိုးဖြင့်ရေးထိုးထားသည့်ခေါင်းလောင်းကို ကမ္ဘာ့မှတ်တမ်းအမွေအနှစ် စာရင်းတင်သွင်း ရန်ဆောင်ရွက်သွားမည် ဖြစ်ပါသည်။
ဒုတိယတစ်ခုအနေဖြင့်ရန်ကုန်မြို့တွင်ရှိသည့် ဗိုလ်ချုပ်အောင်ဆန်းနေအိမ်ပြတိုက်ကို မွမ်းမံပြင်ဆင်ခြင်းဖြစ်ပြီး အထွေထွေထိန်းသိမ်း မွမ်းမံခြင်းများ ဆောင်ရွက်သွားမည် ဖြစ်ဖြစ်သည်။ဗိုလ်ချုပ်အောင်ဆန်းစီးခဲ့သည့် ကားအတွက်လည်း အမြဲတမ်းထားရှိမည့် ကားဂိုဒေါင်တည်ဆောက်ပြီးပြန်လည်ပြသသွားမည်ဖြစ်ပြီးရက် ၁၀၀ အတွင်းအကောင်အထည်ဖော်ကာ ဇူလိုင်လ ၁၉ ရက်(အာဇာနည်နေ့) မတိုင်မှီအကောင်အထည်ဖော် ဆောင်ရွက်သွားမည်ဖြစ်သည်။
တတိယလုပ်ငန်းစဉ်အနေဖြင့်မန္တလေးမြို့တွင်ရှိသည့် မန္တလေးယဉ်ကျေးမှုပြတိုက်ကို အဆင့်မြှင့် တင်ခြင်းဖြစ်ပြီး ခေတ်နှင့် အညီ ပြန်လည်ခင်းကျင်း ပြသခြင်းလုပ်ငန်းကိုလည်း ရက် ၁၀၀ အတွင်းပြီးစီးဖွင့်လှစ်မည်ဖြစ်သည်။





No comments:

Post a Comment