Wednesday, September 7, 2016

ဟိုတယ်နှင့်ခရီးသွားလာရေးဝန်ကြီးဌာန ပြည်သူ့အတွက် ပထမရက် (၁၀၀)အတွင်း ဘာလုပ်မှာလဲ


ဟိုတယ်နှင့်ခရီးသွားလာရေးဝန်ကြီးဌာန အနေဖြင့် ရက်ပေါင်း ၁ဝဝ အတွင်း ခရီးသွား လုပ်ငန်း များ စနစ်တကျဖွံ့ဖြိုး တိုးတက်စေရန် အတွက် ရပ်ရွာအခြေပြုခရီးသွားလုပ်ငန်း (Community Based Tourism-CBT)ဖွံ့ဖြိုးရေး၊ လူ့စွမ်းအား အရင်းအမြစ်ဖွံ့ဖြိုး တိုးတက်ရေး၊ လက်ရှိ ခရီးစဉ်ဒေသများ ဖွံ့ဖြိုး တိုးတက်ရေးနှင့် ခရီးစဉ် ဒေသအသစ် များ ဖော်ထုတ်မြှင့်တင်သွားရေး စသည့် လုပ်ငန်းများကို အကောင်အထည်ဖော် ဆောင်ရွက်သွားမည် ဖြစ်ပါသည်။
ခရီးသွားလုပ်ငန်းများ စနစ်တကျ ဖွံ့ဖြိုးတိုးတက်စေရန် ရပ်ရွာအခြေပြု ခရီးသွားလုပ်ငန်း (Community Based Tourism-CBT) ဖွံ့ဖြိုးရေး၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေး၊ လက်ရှိ ခရီးစဉ်ဒေသများ ဖွံ့ဖြိုးတိုးတက်ရေးနှင့် ခရီးစဉ်ဒေသအသစ်များ ဖော်ထုတ်မြှင့်တင်သွားရေး စသည့် လုပ်ငန်းစဉ်များကို အကောင်အထည်ဖော်ဆောင်ရွက်သွား မည်ဖြစ်သည်။ ရပ်ရွာ အခြေပြုခရီးသွား လုပ်ငန်း (Community Base Tourism-CBT)တွင် ကနဦး စီမံကိန်းခြောက်ခုကို ရက် ၁ဝဝ အတွင်း အကောင်အထည် ဆောင်ရွက်သွားမည် ဖြစ်ပါသည်။
CBT အကောင်အထည်ဖော် ဒေသများဖြစ်သည့် ကချင်ပြည်နယ်၊ အင်းတော်ကြီးကန် ပတ်ဝန်းကျင် ကျေးရွာများ၊ ကယားပြည်နယ်၊ လွိုင်ကော်မြို့ (ပန်ပက်၊ တနီးလာလဲ၊ ဟွေအော၊ စွပ်ပိုင်) ဒေသ၊ ကရင်ပြည်နယ်တွင် သံတောင်ကြီးဒေသ၊ ရှမ်းပြည်နယ်တွင် ပအိုဝ်းဒေသရှိ လွယ်ခေါ်၊ အင်းနီ၊ ထီနဲ့နှင့်ကက္ကူကျေးရွာများ၊ မကွေးတိုင်းဒေသကြီး ပခုက္ကူခရိုင် မြိုင်မြို့နယ်တွင်ရှိသည့် ကန်တော်ကြီး (၁)၊ ကန်တော်ကြီး(၂)ကျေးရွာ၊ ဆူလီပန်းကျေးရွာ၊ အင်းရောင်းကျေးရွာ၊ မန္တလေး တိုင်းဒေသကြီးတွင် မင်းကွန်းနှင့် ကျောက်မြောင်းရွာ အကြားတွင်ရှိသည့် ဆင်ကျွန်း၊ အေးကျွန်း၊ စိန်ပန်းကုန်း၊ မြေစွန်း ကျွန်း၊ မြစ်ကမ်းကြီး၊ ဆည်သည်ကျေးရွာ ခြောက်ရွာ စသည့် ဒေသများတွင် အကောင်အထည်ဖော် ဆောင်ရွက် သွားမည် ဖြစ်ပါသည်။
ဧည့်လမ်ညွှန် အခြေခံသင်တန်းများ၏ သင်ရိုးညွှန်းတမ်းကို ပြည်တွင်း ပြည်ပအဖွဲ့အစည်းများ ကျွမ်းကျင်ပညာရှင်များဖြင့် ပူးပေါင်းပြီး အာဆီယံအပြန်အလှန် အသိအမှတ်ပြုရေး စံနှုန်းများနှင့်အညီ ဖြစ်စေရန် ပြင်ဆင်ရေးဆွဲ ညှိနှိုင်း ဆောင်ရွက်သွားမည်ဖြစ်ကာ ညောင်ဦးမြို့တွင် ဟိုတယ်နှင့် ခရီးသွားလုပ်ငန်း ဆိုင်ရာ သင်တန်းကျောင်း တည်ဆောက်နိုင်ရေး ဆောင်ရွက်သွားမည် ဖြစ်သည်။
ခရီးစဉ်ဒေသများ ဖွံ့ဖြိုးတိုးတက်ရေး လုပ်ငန်းစဉ်အတွက် အဓိကခရီးစဉ် ဒေသများအပေါ် အခြေခံပြီး ခရီးစဉ်ဒေသအသစ် များ ဖော်ထုတ်ကာ လက်တွေ့ဈေးကွက်မြှင့်တင်ရေး ဆောင်ရွက် နေသည်။ ပြည်သူလူထုထံမှ ပူးပေါင်းဆောင်ရွက်မှု ရယူခြင်း၊ အလားအလာရှိသည့် ခရီးစဉ်ဒေသ အသစ်များကို လာမည့် ခရီးသွားရာသီ များဖြစ်သည့် အောက်တိုဘာလ မှ ဖေဖော်ဝါရီလတွင် ဈေးကွက် တိုးချဲ့နိုင်ရေး ညှိနှိုင်းဆောင်ရွက်မှုများကို ရက် ၁ဝဝ အတွင်း ကြိုတင် အကောင် အထည်ဖော် ဆောင်ရွက်သွားမည်ဖြစ်သည်။
မြန်မာနိုင်ငံဟိုတယ်နှင့်ခရီး သွားလာရေးဥပဒေသစ် ပေါ်ထွက်လာရေး ဆောင်ရွက်သွား မည်ဖြစ်ပြီး ပြည်ပ ဧည့်သည်များ ပိုမိုတိုးတက်ရောက်ရှိ လာစေရန် ဆောင်ရွက်ကာ ဈေးကွက် ရှာဖွေခြင်း၊ ခရီးစဉ်ဒေသသစ်များ ဖော်ထုတ်ခြင်း၊ အပြည်ပြည်ဆိုင်ရာ ခရီးသွားပြပွဲများတွင် ပါဝင်ပြသ နိုင်ရေး စီစဉ်ဆောင်ရွက်သွားမည် လည်းဖြစ်သည်။ နယ်စပ်ဒေသ ဝင်ပေါက်သစ်များ ဖွင့်လှစ်နိုင်ရေး ညှိနှိုင်းဆောင်ရွက်သွားပြီး ခရီးသည်များ အဆင်ပြေလွယ်ကူချောမွေ့စွာ ဝင်ထွက်သွားလာနိုင်ရန် ညှိနှိုင်း ဆောင်ရွက်သွားကာ အာဆီယံနှင့်ဒေသတွင်း အဖွဲ့အစည်းများနှင့် ပါဝင်ပူးပေါင်းပြီးဆောင်ရွက် သွားမည် ဖြစ်သည်။


No comments:

Post a Comment