Wednesday, September 7, 2016

စီမံကိန်းနှင့် ဘဏ္ဍာရေးဝန်ကြီးဌာန ပြည်သူ့အတွက် ပထမ ရက် ၁၀၀ မှာ ဘာတွေ ဆောင်ရွက်မှာလဲ 

စီမံကိန်းနှင့်ဘဏ္ဍာရေးဝန်ကြီးဌာန အနေဖြင့်ပြည်သူများ လက်တွေ့ရရှိခံစားနိုင်မည့်လူမှုစီးပွားတစ်ရပ်လုံး ဖွံ့ဖြိုးတိုးတက်စေရန်အတွက် ပြည်သူလူထုအခြေပြု ဖွံ့ဖြိုးတိုးတက်မှုများနှင့် မြန်ဆန်သည့် အောင်မြင်မှုQuick Win ရရှိနိုင်ရန် ပြည်သူ့အတွက် ရက် ၁၀၀ စီမံချက်များကို အကောင်အထည်ဖော်ဆောင်ရွက်သွားမည် ဖြစ်ပါသည်။
ထိုသို့ ဆောင်ရွက်ရာတွင် တည်ဆောက်ရေးစီမံကိန်းများ၊နိုင်ငံတကာအဆင့်မီ စာရင်းအင်းစနစ်တည်ဆောက်ရေး၊နိုင်ငံတော်၏ လူမှုစီးပွားဖွံ့ဖြိုးမှုအတွက် ပြည်ပငွေကြေးနှင့်နည်းပညာအကူအညီ အထောက်အပံ့တွေရရှိရေး၊ ဖွံ့ဖြိုးမှုမိတ်ဖက်များ၊ အစိုးရမဟုတ်သည့် နိုင်ငံတကာအဖွဲ့အစည်းများ၊ပြည်ပနိုင်ငံများနှင့်ပူးပေါင်းဆောင်ရွက်ရေး၊ နိုင်ငံခြားတိုက်ရိုက် ရင်းနှီးမြှုပ်နှံမှုနှင့် နိုင်ငံသားရင်းနှီးမြှုပ်နှံမှုများ တိုးမြှင့်စေရေးနှင့် ပုဂ္ဂလိကကဏ္ဍ ဖွံ့ဖြိုးတိုးတက် လာစေရေး၊ နိုင်ငံတော်နှင့် ပြည်သူတစ်ရပ်လုံး အားထားရသည့် မော်ကွန်းတိုက်အဖြစ် ရပ်တည်ဆောင် ရွက်နိုင်ရေး၊ နိုင်ငံတော်၏လိုအပ်ချက်အရ ဦးစားပေးကဏ္ဍအလိုက် အသုံးစရိတ်ခွဲဝေလျာထားသတ်မှတ်ရေး၊ နိုင်ငံတော်ပိုင် စီးပွားရေးအဖွဲ့အစည်းတွေကို စီးပွားရေးဆန်ဆန်ဆောင်ရွက်စေရေး၊ ပညာရေး၊ ကျန်းမာရေးကဏ္ဍများတွင် အသုံးစရိတ်ပိုမိုခွဲဝေပေးခြင်းတို့ဖြင့် အရင်းအမြစ်တွေကို အကျိုးရှိဆုံး ခွဲဝေအသုံးချဆောင်ရွက်ရေး၊ အခွန်ရငွေနှင့် GDPအချိုး တိုးတက်စေရေး၊ နိုင်ငံတကာစံနှုန်းနှင့်ကိုက်ညီသည့်အခွန်စနစ်ဖြစ်လာစေရေး အတွက် အခွန်ရုံးမှစည်းကြပ်သည့်စနစ်(Official Assessment System-OAS)မှ အခွန်ထမ်းကိုယ်တိုင် အခွန်စည်းကြပ်သည့်စနစ် (Self Assessment System - SAS)သို့ ကူးပြောင်းဆောင်ရွက်ရေး၊ ရှင်းလင်းလွယ်ကူသော အကောက်ခွန်လုပ်ထုံးလုပ်နည်းများနှင့်ကုန်သွယ်မှုလွယ်ကူချောမွေ့စေရေး ရသင့်ရထိုက်သည့် အခွန်ငွေပြည့်ဝစွာရရှိစေရေး၊ ပြည်သူများကို ပိုမိုထိရောက်လွယ်ကူလျင်မြန်သော ဘဏ်ဝန်ဆောင်မှုများပေးနိုင်ရေးအတွက် ဝန်ဆောင်မှုလုပ်ငန်းများကို အဆင့်မြှင့်တင်ဆောင်ရွက်သွား ရန်၊ ပြည်ပအဆက်အသွယ်ဘဏ်များနှင့်ပူးပေါင်းဆောင်ရွက်သွားရေး၊ အာမခံဈေးကွက် ကျယ်ကျယ်ပြန့်ပြန့် ဖြစ်ထွန်း လာစေရေး၊ နိုင်ငံတကာနှင့်ရင်ဘောင်တန်းဆောင်ရွက်နိုင်စေရေးစသည့်မူဝါဒများကို ချမှတ်ပြီး အကောင်အထည်ဖော်ဆောင်ရွက်သွားမည် ဖြစ်သည်။
နိုင်ငံတစ်ဝန်းလုံးတွင် လူဦးရေ အများဆုံးနေထိုင်သည့် ကျေးလက်ဒေသဖွံ့ဖြိုးရေး အတွက် လယ်ယာကဏ္ဍဖွံ့ဖြိုးရေး တိုးတက်ရေးကို အဓိကထားပြီးဦးစားပေးဆောင်ရွက်သွားမည် ဖြစ်သည်။ မြန်မာနိုင်ငံအတွင်း မှီတင်းနေထိုင်သည့် နိုင်ငံသူ နိုင်ငံသားတိုင်း မည်သူမဆို မိမိတို့နှစ်သက်ရာလုပ်ငန်းကို စီးပွားရေးလုပ်ငန်းအဖြစ် လုပ်ကိုင်နိုင်ခွင့် ရရှိရေးဆိုသည့်မဟာဗျူဟာမျှော်မှန်းချက် ထားရှိဆောင်ရွက်သွားမည် ဖြစ်သည်။
လူမှုစီးပွားရေးတစ်ရပ်လုံးဖွံ့ဖြိုးတိုးတက်စေရေးအတွက် အောင်မြင်မှု Quick Win ရရှိနိုင်မည့် လုပ်ငန်းစဉ် (၇)ရပ်ဖြစ် သည့်ကုမ္ပဏီမှတ်ပုံတင်ကြေး ပြင်ဆင်သတ်မှတ်ခြင်း၊ တိုင်းဒေသကြီးနှင့်ပြည်နယ်များတွင် ရှိသည့် ခရိုင်ဦးစီးရုံးတွေမှာ အခြေခံစီမံကိန်းရေး ဆွဲခြင်း၊ ဘဏ္ဍာရေးနှင့်ရင်းနှီးမြှုပ်နှံမှုဆိုင်ရာ သင်တန်းများ ဖွင့်လှစ်ခြင်း၊ အောင်ဘာလေထီ ၅၀၀ ကျပ်တန်ထီအမျိုးအစားကို တိုးချဲ့ထုတ်ဝေခြင်း၊ ဖုန်းခေါ်ဆိုခပေါ်မှ ကောက်ခံရရှိသည့်ကုန်သွယ်လုပ်ငန်းခွန် ၅ရာခိုင်နှုန်းကိုနိုင်ငံတော်အနေနှင့် ပြည်သူလူထုအတွက် တိုက်ရိုက်အကျိုးရှိစေမည့် ကျန်းမာရေးစောင့်ရှောက်မှု များနှင့်ပညာရေးကဏ္ဍများတွင် ထိထိရောက်ရောက် အသုံးပြုခြင်းဖြင့် ပြည်သူလူထုအပေါ် ၀န်ဆောင်မှုပေးခြင်း၊ ရန်ကုန်ဆိပ်ကမ်းနှင့်လေဆိပ်တွင်မြန်မာအလိုအလျောက်ပစ္စည်းရှင်းလင်းရေးစနစ် အသုံးပြုပြီး ကုန်ပစ္စည်းရှင်းလင်းရေး လုပ်ငန်းများ လွယ်ကူလျင်မြန်စွာ ဆောင်ရွက်ပေးခြင်းနှင့်ဆိပ်ကမ်းထုတ်ကုန်သွင်းကုန် ရှင်းလင်းရေး လုပ်ငန်းနှင့် လေကြောင်းကုန်စည်သွင်းကုန်ရှင်းလင်းရေးလုပ်ငန်းများကို စတင်ဆောင်ရွက်သွားမည် ဖြစ်သည်။
နိုင်ငံသားများ ဆောင်ရွက်နေသည့်အသေးစားအလတ်စားလုပ်ငန်းရှင်များ၊ စုဆောင်း ငွေနှင့်ကုမ္ပဏီထူထောင်ပြီး လုပ်ချင်သည့်လုပ်ငန်းရှင်များအတွက် လွယ်လွယ်ကူကူ ကုမ္ပဏီမှတ်ပုံတင်နိုင်စေရေး ရည်ရွယ်ပြီးဆယ်သိန်းမှ ငါးသိန်းအထိ ထက်ဝက်လျှော့ချသွားမည် ဖြစ်ပါသည်။
အောင်ဘာလေထီ ၅၀၀ ကျပ်တန်အမျိုးအစား တိုးချဲ့ထုတ်ဝေမည့် အစီအစဉ်နှင့် တယ်လီဖုန်းပြောဆိုခ ရရှိငွေများကို ပြည်သူ့အကျိုးပြုသုံးစွဲရာတွင် ၅၀၀ ကျပ်တန် အောင်ဘာလေထီ တိုးမြှင့်ထုတ်လုပ်ပြီးတယ်လီ ဖုန်းပြောဆိုခပေါ် ကောက်ခံသည့် ကုန်သွယ်လုပ်ငန်းခွန်မှရငွေကို ပညာရေးဆိုင်ရာ လုပ်ငန်းများတွင် ကျခံသုံစွဲ နိုင်ရေး စီမံထားရှိပါသည်။





No comments:

Post a Comment